[᭑᭙ 19B]
᭑᭙
ᬤᬾᬯ᭞ᬲᬦᬾᬧᬢᬸᬢ᭄ᬧᬘᬂᬳᬸᬦᬶᬂ᭞ᬲ᭄ᬓᬲᬶᬂᬲ᭄ᬫᬭᬭᬢᬶᬄ᭞ᬭᬶᬮᬶᬬᭂᬧᬶᬂᬫᬢᬵᬮᬸᬭᬸ᭞ᬫ᭄ᬯᬂᬧᬹᬃᬡ᭄ᬦᬦᬶᬂᬲᬰᬗ᭄ᬓᬵ᭞ᬫᬓᬫᬵᬃᬕ᭄ᬕᬦᬶᬂᬳᬗᬸᬗ᭄ᬲᬶ᭞ᬲᬶᬤ᭄ᬥᬢᬸᬮᬸᬲ᭄᭞ᬫᬜᬸᬚᬸᬃᬲ᭄ᬫᬭᬪᬯᬡ᭟ᬳᬧᬦ᭄ᬧᬹᬃᬯ᭄ᬯᬓᬦᬶᬂᬚᬦ᭄ᬫᬵ᭞ᬯᬦ᭄ᬢᬄᬲᬗ᭄ᬳ᭄ᬬᬂᬯᬕᬶ
ᬰ᭄ᬯᬭᬶ᭞ᬳᬫᬶᬦ᭄ᬥ᭄ᬬᬾᬂᬭᬶᬂᬫᬥ᭄ᬬᬧᬥ᭞ᬫᬗᬶᬘᬾᬦ᭄ᬮᬶᬢ᭄ᬦᬶᬂᬢᬢ᭄ᬯᬯᬶᬢ᭄᭞ᬤᬶᬩ᭄ᬬᬦᬶᬂᬚ᭄ᬜᬡᬲᬦ᭄ᬤᬶ᭞ᬤᬸᬄᬲᬗ᭄ᬳ᭄ᬬᬂ᭠ᬳ᭄ᬬᬗᬶᬂᬭᬹᬫ᭄ᬭᬸᬫ᭄᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬳᬶᬤᬾᬯ᭄ᬯ᭞ᬫᬗ᭄ᬯᬶᬰᬾᬱᬧᬢᬶᬳᬸᬭᬶᬧ᭄᭞ᬲᬦᬾᬲᬸᬂᬲᬸᬂᬲᭀᬂᬲᭀᬂᬢᬶᬢ᭄ᬬᬂᬧ᭄ᬢᭂᬂᬮ᭄ᬫᬄ
᭟ᬦᬾᬓᬤ᭄ᬭᬸᬯᬾᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬭᬯᬶᬂᬳᬦᬓ᭄ᬩᬶᬩᬶᬳᬚᬶ᭞ᬳᬶᬧᬸᬦ᭄ᬲᬫᬶᬓᬲᬸᬓ᭄ᬲᭂᬭᬄ᭞ᬭᬾᬳᬶᬂᬳᬶᬭᬢᬸᬢᬦ᭄ᬫᬭᬶ᭞ᬫ᭄ᬭᬕᬫᬡᬶᬓᬶᬂᬧᬸᬭᬶ᭞ᬲᬋᬂᬫᬳᬬ᭄ᬯᬂᬦᬵᬕᬦ᭄ᬢᬸᬦ᭄᭞ᬫᬓᬓᬢ᭄ᬯᬗᬶᬂᬧ᭄ᬭᬚ᭞ᬳ᭄ᬬᬂᬳ᭄ᬬᬗᬶᬂᬳᬲ᭄ᬢᬶᬦᬵᬧᬸᬭᬶ᭞ᬦᬸᬢ᭄ᬲ᭠
ᬤᬸᬮᬸᬃ᭞ᬫᬓᬭᭀᬦ᭄ᬲᬢᬶᬩᬧᬭ᭟ᬫᬓ᭄ᬢᬬᬵᬦ᭄ᬢᬓᬲᬦᬸᬗ᭄ᬕᬮ᭄᭞ᬢᬦ᭄ᬧᬲᬄᬲᬤᬾᬤᬾᬲᬶᬗ᭄ᬕᬶᬄ᭞ᬢᬸᬦᬲ᭄ᬲᬓᬵᬮᬦᬶᬲ᭄ᬓᬮ᭞ᬫᬦᬸᬗ᭄ᬕᬮᬂᬚᬶᬯᬭᬕ᭞ᬲᬢ᭄ᬭ᭄ᬬᬚ᭄ᬭᭀᬦᬶᬂᬚᬶᬦᭂᬫ᭄ᬩ᭄ᬭᬶᬄ᭞ᬭᬶᬂᬯᬳ᭄ᬬᬥ᭄ᬬᬢ᭄ᬫᬶᬓᬢᬶᬦᬸᬢ᭄᭞ᬧ᭄ᬚᬳᬶᬂᬧᬓ᭠
[᭒᭐ 20A]
᭒᭐
ᬲᬸᬢᬦ᭄᭞ᬕᭂᬲᭂᬗᬶᬂᬳᬦᬗ᭄ᬕᬩᬳ᭄ᬦᬶ᭞ᬳᬳ᭄ᬦᬸᬓᬸᬓᬸᬲ᭄᭞ᬯᬶᬥᬯᬗᬶᬦᬶᬂᬕᭀᬧᬶᬢᬵ᭟ᬫᬓᬓᭂᬫ᭄ᬩᬗᬶᬂᬧ᭄ᬭᬮᬶᬡ᭞ᬳᬸᬦᭀᬭᬶᬂᬲᬸᬲᬸᬫᬭᬸᬧᬶᬢ᭄᭞ᬲᬢ᭄ᬲᬢ᭄ᬭᬶᬂᬲ᭄ᬫᬭᬪᬯᬡ᭞ᬫᬸᬓ᭄ᬢᬶᬮᬗᭃᬦᬶᬂᬲᬭᬵᬰ᭄ᬫᬶᬦ᭄᭞ᬳᬓᬭᭀᬦ᭄ᬓᬸᬂᬲᬶᬮ᭄ᬬᬰᬶᬄ᭞ᬬᬤᬶ
ᬦ᭄ᬧᬶᬂᬲᬧ᭄ᬢᬢᬸᬫᬸᬯᬸᬄ᭞ᬦᬸᬫᬤᬶᬤᬤᭀᬲ᭄ᬚᬦ᭄ᬫ᭞ᬫᬗ᭄ᬤᬾᬫᬮᬶᬄᬚ᭄ᬯᬓᬧᬗ᭄ᬕᬶᬄ᭞ᬲᬶᬤ᭄ᬥᬕᬧᬸᬮ᭄᭞ᬫᬯᭀᬃᬲᬶᬄᬚ᭄ᬭᭀᬦᬶᬂ᭠ᬧᬫᬺᬫᬦ᭄᭟ᬭᬓ᭄ᬭ᭄ᬬᬵᬦ᭄ᬲᬂᬳᬫᬯᬾᬄᬳᬸᬦᬶᬂ᭞ᬲᬲᬗ᭄ᬓᬦᬶᬂᬦᬳᭂᬦ᭄ᬓᬶᬂᬓᬶᬂ᭞ᬓᬕᭂᬗᬦ᭄ᬮᬭᬢᬸᬭᬶᬥ᭞ᬮᬶᬦᬶᬮᬢᬦ᭄ᬓᬵᬦᬦ᭄ᬮᬮᬶ᭞
ᬢᬦ᭄ᬮ᭄ᬬᬦ᭄ᬲᬂᬭᬸᬫ᭄ᬦᬶᬂᬧᬸᬭᬶ᭞ᬳ᭄ᬬᬂᬳ᭄ᬬᬂᬦᬶᬂᬚᬮᬥᬶᬫᬥᬸ᭞ᬢᬸᬫᬸᬮᬸᬲ᭄ᬲᬶᬄᬭᬳᬤ᭄ᬬᬦ᭄᭞ᬳᬫᬸᬧ᭄ᬯᬦᬵᬯᭀᬂᬓᬲ᭄ᬬᬰᬶᬄ᭞᭠ᬢᬶᬦᬮᬶᬦ᭄ᬓᬸᬂ᭞ᬳᬓᬸᬂᬓᬸᬂᬭᬶᬂᬳ᭄ᬬᬂᬫᬦ᭄ᬫᬣ᭟ᬬᬦ᭄ᬢᬦ᭄ᬲᬺᬥᬦ᭄ᬢᬧᬗᬾᬭᬦ᭄᭞ᬳᬜᬫ᭄ᬧ᭄ᬬᬦᬶᬕ᭄ᬭᬶᬂᬳᬭᬶᬭᬶᬄ᭞ᬢᬦᬮᬭᬢᬦ᭄ᬢᬶ
ᬦᬫ᭄ᬩᬦ᭄᭞ᬪᬬᬢᬦ᭄ᬓᬶᬦᬾᬂᬳᬸᬱᬥᬶ᭞ᬬᬦ᭄ᬢᬦ᭄ᬳᬰᬶᬄᬢᬭᬭᬶ᭞ᬜᬫ᭄ᬧᬸᬮᬶᬄᬯᭀᬂᬓᬯ᭄ᬮᬲ᭄ᬳ᭄ᬬᬸᬦ᭄᭞ᬢᬦ᭄ᬯᬸᬦ᭄ᬳᬧ᭄ᬯ᭠ᬭᬭᬸᬲᬓ᭄᭞ᬢᬦᬸᬭᬸᬂᬳᬢ᭄ᬫᬄᬧᬢᬶ᭞ᬫᬾᬄᬓᬤᬸᬭᬸᬲ᭄ᬢᬶᬢ᭄ᬬᬂᬗ᭄ᬫᬲᬶᬦ᭄ᬳᬦ᭄ᬢᬓᬵ᭟ᬲᬧᬸᬦᬶᬓᬧᬗᬦ᭄ᬤᬶᬓᬦ᭄᭞ᬲᬗᬃᬚ᭄ᬚᬸᬡᬵ
