[᭒᭑ 21B]
᭒᭑
ᬓᬾᬗᬶᬦᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬦᬾᬦ᭄ᬢᭂᬦ᭄ᬗᬶᬭᬶᬂᬧᬓᬬᬸᬦᬦ᭄᭞ᬲᬵᬫ᭄ᬧᬸᬦᬂᬭᬢᬸᬓᬤ᭄ᬭᭀᬧᭀᬦ᭄᭞ᬩᭂᬘᬶᬓᬂᬫᬮᬶᬄᬳᬯ᭄ᬓᬲ᭄᭞ᬯᬯᭀᬦᬶᬦ᭄ᬫᬮᬶᬄᬜ᭄ᬚᬤ᭄ᬫᬵ᭞ᬲᬫᬶᬢᭂᬫ᭄ᬩᬾᬦᬶᬦ᭄ᬢᬸᬫᬸᬭᬸᬦ᭄᭞ᬫᬗ᭄ᬤᬾᬧᬢᭂᬄᬗᬫᭀᬂᬕᬫ᭟ᬳᬶᬭᬶᬓᬢᬶᬢ᭄ᬬᬂ
ᬫᬗᬶᬭᬶᬂ᭞ᬦᬾᬦ᭄ᬢᭂᬦ᭄ᬢᬸᬮᬓ᭄ᬭᬶᬂᬯᬘᬡ᭞ᬫᬗ᭄ᬥᬜᬶᬤ᭄ᬥᬬᬂᬫᬓᬭᭀᬦ᭄᭞ᬫᬢᭂᬫ᭄ᬯᬂᬚᬶᬯ᭄ᬯᬭᬕ᭞ᬫᭀᬘᬓᭀᬘᬓᬦ᭄ᬭᬭᬲ᭄᭞ᬮᬾᬤᬂᬫᬦᬸᬗ᭄ᬕᬮᬂᬓᬬᬸᬦ᭄᭞ᬲᬵᬫ᭄ᬧᬸᬦ᭄ᬫᬮᬶᬄᬲᬸᬫᬗ᭄ᬰᬬ᭟ᬲᬂᬧᬃᬣᬓᬵᬗ᭄ᬕᭂᬓ᭄ᬫᬗᬧᬶ᭞ᬓᭂᬲ᭄ᬬᬩ᭄ᬕᭂᬮᬸᬫᬫ᭄ᬬᬵᬃᬱ᭞
ᬤᬤᭀᬲ᭄ᬗᭂᬫ᭄ᬩᭂᬂᬢᭀᬬᬦ᭄ᬧᬦᭀᬦ᭄᭞ᬲᬸᬯᬾᬦᬦᭂᬂᬩᬍᬕ᭄ᬩᭂᬕᬦ᭄᭞ᬕ᭄ᬮᬶᬲᬦ᭄ᬲᬸᬫᬫ᭄ᬩᬸᬭᬵᬢ᭄᭞ᬓᬤᬶᬫ᭄ᬩᬄᬫᬰᬾᬂᬓᬧᬶᬢᬸ᭞ᬤᬺᬲᬶᬂᬯᬱ᭄ᬧᬫᬭᬯᬾᬬᬦ᭄᭟ᬢᬸᬫᬶᬩᬵᬭᬶᬂᬧᬗ᭄ᬓ᭄ᬯᬦ᭄ᬫᬶᬚᬶᬮ᭄᭞ᬲᬺᬢ᭄ᬯ᭄ᬢᬸᬦᬶᬂᬯᬘᬦᬵ᭞ᬫ᭄ᬕᬢ᭄ᬫᭂᬕᬢ᭄ᬫᬦᬶᬲᬮᭀ
ᬦ᭄᭞ᬓᬤᬶᬚᬸᬭᬸᬄᬫᬯᭀᬃᬓᬶᬮᬂ᭞ᬗᬲ᭄ᬬᬰᬶᬄᬳᬫ᭄ᬮᬤ᭄ᬧ᭄ᬭᬡ᭞ᬗᬺᬋᬫᬶᬄᬫᬫᬸᬮᬸᬄᬫᬸᬮᬸᬄ᭞ᬭᬭᬶᬲ᭄ᬗᬦ᭄ᬤᬶᬓᬧᬢᭂᬮᬦ᭄᭟ᬤᬸᬄᬳᬶᬡ᭄ᬝᭂᬦ᭄ᬭᬢᬸᬫᬵᬲ᭄ᬫᬡᬶᬓ᭄᭞ᬤᭀᬂᬲᬵᬫ᭄ᬧᬸᬦᬂᬲᬧᬸᬦᬶᬓ᭞ᬭᬾᬄᬢᬶᬢ᭄ᬬᬂᬫᬭᬗ᭄ᬓᬸᬂᬩᭀᬩᭀᬢ᭄᭞ᬫᬦ
[᭒᭒ 22A]
᭒᭒
ᬳᬾᬯᬦ᭄ᬢᬄᬳᬶᬤᬾᬯ᭄ᬯ᭞ᬕᬸᬫ᭄ᬮᬭᬶᬂᬳᬡ᭄ᬝᬘᬶᬢ᭞ᬦᬾᬫᬗ᭄ᬓᬶᬦ᭄ᬧᬢᬸᬢ᭄ᬧᬶᬢᬸᬮᬸᬲ᭄᭞ᬓᬳᬬᭀᬦᬾᬧᬳᬶᬘᬬᬂ᭟ᬬᬦ᭄ᬢᬦ᭄ᬲᬧᬸᬦᬶᬓᬯ᭄ᬬᬓ᭄ᬢᬶ᭞ᬢᬦ᭄ᬧ᭄ᬭᬶᬯᬗ᭄ᬤᬾᬭᬢᬸᬢᬶᬢ᭄ᬬᬂ᭞ᬧᬘᬂᬫᬫᬗ᭄ᬕᬶᬄᬓᬮᬭᭀᬦ᭄᭞ᬦᬦ᭄ᬤᬗᬶᬦ᭄ᬳᬶᬩᬸᬓ᭄ᬲᬗ᭄ᬲᬭ᭞᭠
ᬢᬦᬸᬭᬸᬂᬓᬚᬦ᭄ᬢᬓᬵ᭞ᬓᬤᬸᬂᬜᬸᬲᬸᬧ᭄ᬓᬸᬮᬸᬧᬸᬳᬸᬦ᭄᭞ᬫᬾᬢᬾᬮ᭄ᬗ᭄ᬮᬶᬦ᭄ᬢᬂᬪᬹᬃᬩ᭄ᬯᬄᬲ᭄ᬯᬄ᭟ᬢᬦ᭄ᬯᬾᬦ᭄ᬢᭂᬦ᭄ᬲᬯᭀᬲᬦ᭄ᬫᬮᬶᬄ᭞ᬦᬾᬳᬸᬧ᭄ᬢᬶᬲ᭄ᬣᬶᬣᬶᬦ᭄ᬢᬶᬢ᭄ᬬᬂ᭞ᬤᬾᬯ᭄ᬯᬤᬾᬯ᭄ᬯᬦᬶᬂᬓᬥᬢᭀᬦ᭄᭞ᬲᬂᬧᬦ᭄ᬤᬤ᭄ᬬᬵᬦ᭄ᬦᬶᬭᬵᬢ᭄ᬫᬓ᭞ᬓᬢ᭄ᬯᬗᬶᬂᬫᬤ᭄ᬯᬵᬃᬡ᭄ᬦᬯ᭄ᬯ᭞
ᬦᬾᬗᬯᬦᬂᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬫᬦᬳᬾᬢᬦ᭄ᬧᬢᬸᬮᬸᬗᬦ᭄᭟ᬭᬭᬶᬲ᭄ᬤᬾᬯᬶᬲᭀᬫᬯᬢᬶ᭞ᬫᬮᬶᬄᬫᬵᬢᬸᬃᬭᬶᬂᬲᬂᬧᬃᬣᬳᬶᬗ᭄ᬕᬶᬄᬬᬦ᭄ᬯᬦ᭄ᬢᬄᬕᬕᬾᬲᭀᬦ᭄᭞ᬧᬓᬬᬸᬦᬦᬾᬭᬶᬂᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬤᬤᭀᬲ᭄ᬲᬗ᭄ᬓᬾᬬᬂ᭞ᬩᭂᬘᬶᬓᬦ᭄ᬧᬥᭂᬫᬂᬤᬸ᭠
ᬫᬸᬦ᭄᭞ᬢᬶᬢ᭄ᬬᬂᬳᬶᬭᬶᬓᬶᬧᬸᬧᬸᬢᬂ᭟ᬧᬸᬦᬶᬓᬳᬗ᭄ᬕᬾᬦ᭄ᬦᬶᬯᬓᬶᬦ᭄᭞ᬳᬶᬲᬸᬦ᭄ᬳᬶᬤᬾᬯᬦᬾᬜᬜᬩ᭄᭞ᬬᬦ᭄ᬲᬵᬫ᭄ᬧᬸ᭠ᬦ᭄ᬓᬲᬶᬤ᭄ᬥᬦᬶᬂᬤᭀᬦ᭄᭞ᬲᬶᬤ᭄ᬥᬧᬥᭂᬫ᭄ᬭᬢᬸᬢᬶᬢ᭄ᬬᬂ᭞ᬳᬶᬭᬶᬓᬭᬭᬶᬲ᭄ᬢᬶᬢ᭄ᬬᬂ᭞ᬦᬸᬫᬶᬢᬶᬲ᭄ᬭᬶᬂᬲᬦᬾᬳᬦᬸᬢ᭄᭞ᬗᬶᬭᬶᬂᬲᬰᬡ
