[᭑᭓ 13B]
᭑᭓
ᬤᬶ᭞ᬕᭀᬂᬫ᭄ᬯᬂᬢᬯᬢᬯ᭞ᬕᬸᬩᬃᬪᬾᬭᬶᬫᬺᬥᬗ᭄ᬕ᭞ᬲᬸᬗᬸᬦᬾᬓ᭄ᬭᬲ᭄ᬫᬳᬸᬧᬶᬦ᭄᭞ᬕᬸᬫᬸᬭᬸᬄᬳᬸᬫ᭄ᬬᬂ᭞ᬫᬗ᭄ᬓᬶᬦ᭄ᬭᬭᬶᬲ᭄ᬫ᭠ᬫᬵᬃᬕ᭄ᬕ᭟ᬳᬲᬵᬓ᭄ᬱᬡᬭᬾᬄᬲᬵᬫ᭄ᬧᬸᬦ᭄ᬲᬫᬶᬫᬫᬵᬃᬕ᭄ᬕᬵ᭞ᬢᬸᬘᬧᬂᬲᬂᬓᬶᬭᬶᬣᬶ᭞ᬭᬶᬂᬧᬜᭂᬩᭂᬄᬓᭀᬣ᭞ᬗᬦ᭄ᬢᭀᬲ᭄ᬭᬶᬂᬘᬢᬸ
ᬲ᭄ᬧᬢᬵ᭞ᬧᬘᭂᬧᬸᬓ᭄ᬭᬶᬂᬲᬂᬫᭂᬦ᭄ᬤᬓᬶᬦ᭄᭞ᬫᬢᬸᬃᬓᬵᬢᬸᬭᬂ᭞ᬫᬸᬗ᭄ᬕᬳᬶᬂᬤᬫ᭄ᬧᬭᬶᬂᬕᭂᬮᬶᬲ᭄᭟ᬫᬩᬭᬶᬬᬸᬓ᭄ᬯᬾᬦ᭄ᬢᭂᬦ᭄ᬫᬸᬗ᭄ᬕᬳᬶᬂᬲ᭄ᬬᬦ᭄ᬤᬦᬵ᭞ᬯᬾᬦ᭄ᬢᭂᬦ᭄ᬫᬦᬸᬗ᭄ᬕᬂᬯᬚᬶ᭞ᬲᬫᬶᬪᬶᬦᬸᬱᬦᬦ᭄᭞ᬳᬸᬧᬋᬗ᭄ᬕᬤᬸᬫᬶᬮᬄ᭞ᬢᬦᬲᬸᬯᬾᬭᬯᬸᬄᬫᬗ᭄ᬓᬶᬦ᭄᭞ᬩᬢ
ᬦ᭄ᬩᬜ᭄ᬘᬶᬗᬄ᭞ᬳᬶᬤ᭄ᬥᬰ᭄ᬭᬷᬦᬭᬧᬢᬶ᭟ᬲᬵᬫ᭄ᬧᬸᬦᬵᬳ᭄ᬬᬲ᭄ᬫᬗᬦ᭄ᬢᭀᬲ᭄ᬭᬶᬂᬧᬮᬶᬫᬦᬦ᭄᭞ᬲᬳᬸᬧᬘᬭᬘᬸᬫᬯᬶ᭠ᬲ᭄᭞ᬭᬯᬸᬄᬲᬗᬃᬚ᭄ᬚᬸᬡ᭞ᬲᬂᬧ᭄ᬭᬪᬸᬢ᭄ᬤᬸᬦ᭄ᬜᬕ᭄ᬚᬕ᭄᭞ᬫᬜᬫ᭄ᬩᬸᬢ᭄ᬲᬂᬯᬳᬸᬧ᭄ᬭᬧ᭄ᬢᬶ᭞ᬫᬢᬸᬦ᭄ᬢᬸᬦ᭄ᬢᬗᬦ᭄᭞ᬲᬋᬂᬫᬸᬗ᭄ᬕᬄᬫᬗ᭄ᬭᬭᬶᬲ᭄᭟
ᬯᬸᬲᬮᬸᬗ᭄ᬕ᭄ᬯᬶᬂᬧᬢᬭᬡᬭᬶᬂᬲᬶᬗ᭄ᬳᬰᬡ᭞ᬫᬵᬲ᭄ᬢᬢᬸᬃᬫᬳᬸᬓᬶᬃ᭞ᬓᬶᬦᭂᬦᬦ᭄ᬲᬲᭀᬘᬦ᭄᭞ᬫᬡᬶᬫᬬᬪᬰ᭄ᬯᬭ᭞ᬯᬸᬲ᭄ᬓᬵᬢᬸᬭᬦ᭄ᬧᬥ᭄ᬬᬵᬃᬕ᭄ᬖᬵᬤᬶ᭞ᬲᬳᬸᬧᬘᬭ᭞ᬓᭂᬫ᭄ᬧᬸᬪᭀᬕᬫᬵᬃᬤ᭄ᬥᬵᬢᬶ᭟ᬧᬘᬦᬗᬦ᭄ᬫᬮᬮᬜ᭄ᬘᬂᬧᬯᬶᬤ᭄ᬯᬦ᭄
[᭑᭔ 14A]
᭑᭔
ᬳᬦᬸᬢ᭄ᬲᬦᬾᬗᬫᭀᬗᬶᬦ᭄᭞ᬓᬤᬶᬯᬭᬵᬧ᭄ᬲᬭᬵ᭞ᬍᬜ᭄ᬚᭂᬧ᭄ᬓᬮᬶᬲ᭄ᬧ᭄ᬭᬢᬫ᭞ᬧᬫᭂᬂᬧᭂᬂᬳᬦᭀᬫᬧ᭄ᬓᬶᬓ᭄᭞ᬳᬸᬫᬸᬗ᭄ᬕ᭄ᬯᬶᬂᬳᬃᬱ᭞ᬳᬶᬤ᭄ᬥᬲᬂᬫᬳᬵᬋᬱᬶ᭟ᬧᬭᬵᬧᬸᬢ᭄ᬭᬧᬭᬵᬫᬜ᭄ᬘᬩᬳᬸᬥᬡ᭄ᬥ᭞ᬳᬢᬢᬵᬢᬧᬮᬶᬗ᭄ᬕᬶᬄ᭞ᬧᭂᬧᭂᬓ᭄ᬳᬸᬧ᭠
ᬓᬭᬵ᭞ᬢᬶᬗ᭄ᬓᬄᬭᬢᬸᬯᬶᬪᬯ᭞ᬢᬦ᭄ᬓᬸᬭᬂᬭᬶᬂᬭᬚᬧᬾᬦᬶ᭞ᬲᬸᬩᬵᬮᬯᬶᬃᬬ᭄ᬬ᭞ᬫᬶᬫ᭄ᬬᬵᬦᬶᬫ᭄ᬬᬵᬦ᭄ᬢᬦ᭄ᬫᬭᬶ᭟᭠ᬳᭀᬋᬕᬸᬫ᭄ᬬᬂᬲ᭄ᬯᬭᬦᬶᬂᬢᬩᬢᬩᭂᬳᬦ᭄᭞ᬕᬕᬫ᭄ᬩᭂᬮᬦ᭄ᬕᭀᬂᬕᭂᬦ᭄ᬤᬶᬂ᭞ᬲ᭄ᬫᬭᬧᬕᬸᬮᬶᬗᬦ᭄᭞ᬤᬸᬮᬸᬭᬶᬦ᭄ᬢᬢᬦ᭄ᬤᬓ
ᬦ᭄᭞ᬲᬶᬦᬫᬾᬦᬶᬂᬋᬩᬤ᭄ᬲᬸᬮᬶᬂ᭞ᬫ᭄ᬯᬂᬓᬓᬶᬥᬸᬗᬦ᭄᭞ᬲᬶᬦ᭄ᬮᬦ᭄ᬕᬶᬢᬓᬓᬯᬶᬦ᭄᭟ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬗᬫ᭄ᬧ᭄ᬬ᭠ᬕ᭄ᬮᬶᬗ᭄ᬕᬶᬳᬾᬫᬓᬡ᭄ᬥ᭞ᬲᬫᬧ᭄ᬢᬲᬋᬂᬲᬫᬶ᭞ᬭᬭᬶᬲ᭄ᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬦᬩᬸᬄᬫᬗᬸᬧᬓ᭄ᬱᬫ᭞ᬳᬶᬗ᭄ᬕᬶᬄᬤᬾᬯ᭄ᬯ
ᬲᬂᬢᬧᬢᬶ᭞ᬓᬾᬗᬶᬦᬦ᭄ᬢᬶᬢ᭄ᬬᬂ᭞ᬧᬫᬸᬧᬸᬢ᭄ᬓᬤᬶᬫᬗ᭄ᬓᬶᬦ᭄᭟ᬮᬶᬦ᭄ᬢᬂᬮ᭄ᬕᬵᬯ᭄ᬓᬲ᭄ᬫᬜᬸᬓ᭄ᬱ᭄ᬫᬬᬂᬧᬶᬲᬦ᭄᭞ᬳᬶ᭠ᬤᬾᬯ᭄ᬯᬫᬗ᭄ᬭᬯᬸᬳᬶᬦ᭄᭞ᬦᭂᬫ᭄ᬩᬾᬦᬶᬜ᭄ᬚᭀᬢᬶᬢ᭄ᬬᬂ᭞ᬚᬕᬢ᭄ᬢᬲᬶᬓ᭄ᬫᬮᬬ᭞ᬭᬶᬂᬧᬸᬦᬧᬶᬦᬾᬕᬸᬫᬦ᭄ᬢᬶ᭞ᬧᬘᬂᬲ᭠
