[᭑᭒ 12B]
᭑᭒
ᬲᬦ᭄᭞ᬩᬸᬓᬢᬸᬤᬸᬳᬶᬂᬯᬶᬥᬶ᭞ᬩᭂᬮᬶᬘᬸᬦ᭄ᬤᬸᬓ᭄ᬢ᭄ᬬᬂ᭞ᬓᬢᭂᬧᬸᬓ᭄ᬤᬶᬧᬚᬮᬦ᭄᭞ᬫᬧᬦ᭄ᬲᬵᬫ᭄ᬧᬸᬦ᭄ᬳᬸᬮᬶᬗᬹᬦᬶ᭞ᬫᬧᬶᬦᬲᬶ᭠ᬳᬦ᭄᭞ᬢᬦ᭄ᬬᬚᬯᬶᬦᬶᬂᬩᭂᬮᬶ᭟ᬦᬾᬢᬯᬂᬢ᭄ᬬᬂᬤ᭄ᬭᬶᬓᬶᬤᬶᬢᬲᬶᬓ᭄ᬫᬮᬬ᭞ᬲᬫᬮᬶᬄᬫᬸᬮᬵᬳᬲᬶᬄ᭞ᬳᬤᬸᬂᬫᬲᬯᬶᬢ᭄ᬭ
᭞ᬧᬥᬧᭂᬧᭂᬲ᭄ᬫᬗᭂᬦᬄ᭞ᬭᬶᬂᬳᬶᬤ᭄ᬥᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬤᬤ᭄ᬬᬵᬜᬢ᭄ᬬᬂ᭞ᬩᬸᬓᬫᬗ᭄ᬓᬶᬦ᭄ᬫᬭᬶᬓᬶ᭟ᬢᬦ᭄ᬮᬾᬦ᭄ᬯᬦ᭄ᬢᬄᬩᭂᬮᬶ᭠ᬧᬶᬲᬭᬵᬢᬶᬦ᭄ᬢᬶᬢ᭄ᬬᬂ᭞ᬗᬯᭂᬓᬲᬂᬓᬦᬵᬕᬭᬶ᭞ᬧᬘᬂᬗᬸᬦᬶᬦᬶᬸᬗᬬᬂ᭞ᬭᬶᬂᬲᬂᬰ᭄ᬭᬶᬦᬭᬦᬵᬣ᭞ᬤᬢᬘᬦ᭄ᬤ᭄ᬭᬩᬦᬸᬫᬗ᭄ᬓᬶᬦ᭄᭞᭠
ᬢ᭄ᬬᬂᬗᬦ᭄ᬢ᭄ᬬᬂᬗᭂᬦᬄ᭞ᬜᬤ᭄ᬬᬧᬋᬓ᭄ᬓᬧᬸᬭᬶ᭟ᬫᬕᬸᬫᬦᬵᬧᬘᬂᬫᬗ᭄ᬮᬯᬵᬤ᭄ᬳᬶᬤ᭄ᬥ᭞ᬦᬸᬦᬲ᭄ᬥᬃᬫᬳᬸᬧᬧᬢᬶ᭞ᬲᬦᬾᬫᬳᬸᬢᬫ᭞ᬫᬧᬤᭀᬩᬵᬬᬳᬶᬢ᭄ᬣ᭞ᬲᬧᬸᬦᬶᬓᬲᬂᬓᬶᬭᬶᬣᬶ᭞ᬫᬲᬫ᭄ᬪᭀᬥᬦ᭞ᬭᬭᬶᬲ᭄ᬤᬦᬾᬲᬂᬫᬦ᭄ᬢ᭄ᬭᬶ᭟ᬫᬢᬮ
ᬗ᭄ᬓᬸᬧ᭄ᬫᬧᬫᬶᬢ᭄ᬫᬫᬶᬢᬂᬮᬸᬕ᭄ᬭ᭞ᬫᬸᬗ᭄ᬕᬳᬶᬂᬓᬸᬤᬫᬗ᭄ᬓᬶᬦ᭄᭞ᬫᬗ᭄ᬭᬭᬶᬲ᭄ᬫᬫᬵᬃᬕ᭄ᬕ᭞ᬭᬶᬲᬵᬓ᭄ᬱᬡᬭᬶᬫᬵᬃᬕ᭄ᬕ᭞ᬲᬂᬓᬳᬸᬢᬸᬲ᭄ᬭᬯᬸᬄᬕ᭄ᬮᬶᬲ᭄᭞ᬭᬶᬂᬧᬗᬲ᭄ᬢ᭄ᬭᬶᬬᬦ᭄᭞ᬳᬶᬤ᭄ᬥᬰ᭄ᬭᬶᬦᬭᬧᬢᬶ᭟ᬲ᭄ᬥᭂᬓ᭄ᬫᬬᬧ᭄ᬳᬦ᭄ᬢᬸᬓ᭄ᬓᬸᬦ᭄ᬤᬂᬲᬲ᭄ᬮᬶᬭᬦ᭄᭞ᬫ᭄ᬯᬂᬲᬂᬧᬭᬲᬸᬮᬶᬗ᭄ᬕᬶᬄ᭞ᬭᬶᬂᬩ
[᭑᭓ 13A]
᭑᭓
ᬮᬾᬫᬦ᭄ᬤᬧ᭞ᬧᬗᬬᬳᬾᬫᬢᬢᬵ᭞ᬚᬕ᭄ᬭᬯᬸᬄᬤᬦᬾᬲᬂᬫᬦ᭄ᬢ᭄ᬭᬶ᭞ᬲᬂᬩᬦᬸᬚᬬ᭞ᬧ᭄ᬭᬡᬫ᭄ᬬᬫᬵᬢᬹᬃᬪᬓ᭄ᬢᬶ᭟ᬳᬶ᭠ᬗ᭄ᬕᬶᬄᬭᬢᬸᬲᬂᬫᬳᬗ᭄ᬕᬧᬦᬶᬓ᭄ᬮᬦ᭄᭞ᬢᬶᬢ᭄ᬬᬂᬜᬤ᭄ᬬᬧᬸᬦᬶᬓᬶ᭞ᬧᬋᬓ᭄ᬗᬸᬦᬶᬗᬬᬂ᭞ᬳᬶᬤ᭄ᬥᬲᬂᬤᬦᬜ᭄ᬚᬬ᭞ᬭᬯᬸᬄᬫᬲᬥ᭄ᬬ᭠
ᬫ᭄ᬭᬶᬓᬶ᭞ᬫᬬᬢ᭄ᬫᬕᭂᬦᬄ᭞ᬫᬗ᭄ᬕᬸᬢ᭄ᬰ᭄ᬭᬷᬦᬭᬧᬢᬶ᭟ᬦᬄᬓ᭄ᬫᬵᬚᬦᬶᬳᬢᬸᬭᬶᬦ᭄ᬮᬳᬸᬢᬂ᭞ᬫᬗ᭄ᬤᬾᬳᬶᬤ᭄ᬥᬫᬗ᭄ᬭᬭᬶᬲ᭄᭞ᬲᬂᬓ᭠ᬥᬯᬸᬄᬢᬸᬮᬓ᭄᭞ᬢᬦ᭄ᬳᬸᬘᬧᬦ᭄ᬭᬶᬂᬳᬯᬦ᭄᭞ᬫᬗ᭄ᬓᬶᬦ᭄ᬳᬶᬤ᭄ᬥᬰ᭄ᬭᬶᬪᬸᬧᬢᬶ᭞ᬫᬮᬶᬄᬗᬦ᭄ᬤᬶᬓ᭞ᬫᬵᬃᬤ᭄ᬥᬯᬭᬸᬫ᭄ᬫᬫᬦᬶᬲ᭄᭟ᬢᬦ᭄ᬮ᭄ᬬ᭠
ᬦ᭄ᬲᬶᬭᬭᬓ᭄ᬭ᭄ᬬᬵᬦ᭄ᬧᬢᬶᬄᬓᬤᬯᬸᬳᬦ᭄᭞ᬫᬗ᭄ᬤᬮᬸᬗᬫᭂᬦ᭄ᬤᬓᬶᬦ᭄᭞ᬲᬵᬓ᭄ᬱᬡᬫᬫᬵᬃᬕ᭄ᬕ᭞ᬫᬶᬭᬶᬗᬦ᭄ᬳᬸᬧᬘᬭ᭞ᬤᬫ᭄ᬧᬲ᭄ᬧᬝᬶᬓᬲᬶᬦᬗ᭄ᬮᬶᬂ᭞ᬲᬵᬫ᭄ᬧᬸᬦ᭄ᬫᬩᬜ᭄ᬚᬄ᭞ᬤᬮᬸᬕ᭄ᬥᬕ᭄ᬳᬫᬭᬧᬶᬢ᭄᭟ᬢᬸᬫ᭄ᬩᬓ᭄ᬢᬸᬗ᭄ᬕᬸᬮ᭄ᬓᭀᬩᬾᬃᬧᬬᬸᬂᬳᬕᬸᬂᬓᭂᬫ᭄ᬩᬃ᭞᭠
ᬢᬸᬫ᭄ᬩᬓ᭄ᬫᬫᬲ᭄ᬧᬗᬯᬶᬦ᭄᭞ᬢᬸᬮᬸᬧ᭄ᬮᬦ᭄ᬘᭂᬦ᭄ᬤᭂᬓᬦ᭄᭞ᬚᬫ᭄ᬩᬾᬂᬤᭀᬮᭀᬕ᭄ᬩᬚ᭄ᬭᬗᬦ᭄᭞ᬧᬬᬸᬂᬭᭀᬩ᭄ᬭᭀᬩᬾᬗᬺᬦ᭄ᬢᬶᬩᬶᬦ᭄᭞ᬥᬥᬧ᭄ᬓᬮᬾᬯᬂ᭞ᬲᬸᬦ᭄ᬤ᭄ᬭᬶᬮᬦᬸᬩᬃᬳᬩᬶᬃ᭟ᬓᬲᬋᬗᬶᬦ᭄ᬢᬫ᭄ᬬᬂᬓᭀᬍᬫ᭄ᬳᬦᬾᬗᬃᬱ᭞ᬩᭂᬦ᭄ᬤᬾᬢᬫ᭄ᬩᬸᬃᬓᬮᬶ
