[᭑᭑ 11B]
᭑᭑
ᬧᬭᬢᬦ᭄᭞ᬧᬰ᭄ᬭᬫᬦ᭄ᬲᬂᬫᬳᬵᬫᬸᬦᬶ᭞ᬭᬶᬂᬯᬦᬵᬘᬮ᭞ᬲᬂᬧᬭᬢᬧᬢᬧᬶ᭟ᬧᬢᭂᬄᬲᬫᬶᬗᭂᬮᬭᬂᬪᬾᬭᬯᬧ᭠ᬓ᭄ᬱ᭞ᬯᬾᬦ᭄ᬢᭂᬦᬾᬫᬶᬚᬶᬫᬶᬚᬶ᭞ᬫᬲᬾᬯᭀᬲᬦ᭄ᬕᭂᬦᬄ᭞ᬯᬾᬦ᭄ᬢᭂᬦ᭄ᬭᬶᬂᬩ᭄ᬮᬳᬦ᭄ᬢᬸᬓᬤ᭄᭞ᬯᬾᬦ᭄ᬢᭂᬦ᭄ᬚ᭄ᬭᭀᬦᬶᬂᬩᬸᬓᬶᬢ᭄ᬭᬸᬲᬶ
ᬢ᭄᭞ᬯᬾᬦ᭄ᬢᭂᬦ᭄ᬭᬶᬂᬚᬸᬭᬂ᭞ᬳᬚ᭄ᬭᭀᬂᬧᬭᬶᬗ᭄ᬕᬢᬺᬩᬶᬲ᭄᭟ᬲᬤ᭄ᬥᬲᭂᬫ᭄ᬧᬸᬢ᭄ᬕᬶᬢ᭄ᬕᬶᬢ᭄ᬤᬶᬢᬗ᭄ᬓᬶᬤᬾᬭᬸᬗ᭄ᬓ᭞ᬫᬳᬧᬶᬢ᭄ᬭᬾᬚᬾᬂᬳᬶᬤᬶᬂ᭞ᬧᬗ᭄ᬓᬸᬂᬫᬳᭀᬭᭀᬗᬦ᭄᭞ᬯᬾᬦ᭄ᬢᭂᬦ᭄ᬲᬦᬾᬭᬶᬂᬰᬾᬢ᭄ᬭ᭞ᬕᬦ᭄ᬤᬫᬬᬸᬓᬯᬱ᭄ᬝᬦᬶᬦ᭄᭞ᬲ᭄ᬭᬶᬧᬶᬢ᭄ᬤᬸᬃᬕ᭄ᬕᬫ᭞᭠
ᬳᭂᬩᭂᬗᬺᬫ᭄ᬩᭂᬦ᭄ᬗᬺᬲ᭄ᬋᬲᬶᬦ᭄᭟ᬦᬾᬳᬶᬭᬶᬓᬵᬲᭂᬥᭂᬓ᭄ᬫᬗ᭄ᬭᬗ᭄ᬲᬸᬓ᭄ᬪᬾᬭᬯ᭞ᬫᬪᬸᬱᬡᬗᬲ᭄ᬢᬸᬢᬶ᭞ᬫᬮᬶᬗ᭄ᬕᬭᭀᬘᬡ᭞ᬓᬃᬡ᭄ᬦᬪᬭᬡᬯᬚ᭞ᬫᬲᬫ᭄ᬧᭂᬢ᭄ᬮᬶᬫ᭄ᬧᬫᬮᬶᬮᬶᬢ᭄᭞ᬭᬶᬂᬩᬲᬂᬩᬲᬂ᭞ᬫᬳᬡ᭄ᬝᬶᬂᬳᬡ᭄ᬝᬶᬂᬜᬮᬶ᭟ᬫᬕ᭠
ᬦᬶᬢ᭄ᬭᬶᬓᬭᬄᬓᬮᬸᬂᬚᬚᬭᬶᬗᬦ᭄᭞ᬫᬓᬮ᭄ᬧᬶᬓᬚ᭄ᬭᬶᬚᬶ᭞ᬫᬓᭂᬫ᭄ᬩᬂᬳᬺᬤ᭄ᬥᬬ᭞ᬓᬭᬯᬶᬱ᭄ᬝᬩᬩ᭄ᬯᬳᬦ᭄᭞ᬲᬫ᭄ᬲᬫ᭄ᬗᭂᬫ᭄ᬩᬵᬳᬸᬭᬳᬢᬶ᭞ᬫᬕᬦ᭄ᬤᬓ᭄ᬱᬢᬵ᭞ᬳᬸᬢᭂᬓ᭄ᬮᬦ᭄ᬲᬸᬫ᭄ᬲᬸᬫ᭄ᬧᬸᬢᬶᬄ᭟ᬲᬯᬦ᭄ᬫᬦᬸᬱᬧᬶᬦᬓᬧᬫᬦ᭄ᬤᬶᬳᬗᬦ᭄
[᭑᭒ 12A]
᭑᭒
ᬲᬺᬕᭂᬧ᭄ᬲᬧᬸᬮᬵᬧᬮᬶ᭞ᬲᬳᬵᬥᬸᬧᬥᬶᬧ᭞ᬫᬲᬾᬯᬫ᭄ᬪᬫᬵᬱ᭄ᬝᬓ᭞ᬫᬩ᭄ᬭᬾᬂᬩ᭄ᬭᬾᬗᬦ᭄ᬭᬫ᭄ᬩᬸᬢ᭄ᬚ᭄ᬭᬶᬂ᭞ᬫᬓᬸᬭᬫᬲ᭄ᬳᭂᬭᬄ᭞ᬯᬃᬡ᭄ᬦᬦᬾᬓᬚᬚ᭄ᬭᬶᬄ᭟ᬭᬾᬄᬗᬱ᭄ᬝᬯᬳ᭄ᬬᬂᬦᬭᬮᬶᬧᬭᬶᬫᬶᬢ᭞ᬢᬦ᭄ᬯᬃᬡ᭄ᬦᬦ᭄ᬳᬲᬶᬂᬧᬗ᭄ᬕᬶᬄ᭞ᬲᬫᬶᬳᬸᬯᬸᬲ᭄ᬓᬮᬮ᭄ᬯ
ᬦ᭄᭞ᬫᬗ᭄ᬓᬶᬦ᭄ᬳᬶᬤ᭄ᬥᬲᬂᬧᬃᬣ᭞ᬲᬵᬫ᭄ᬧᬸᬦ᭄ᬦᬦ᭄ᬤᭂᬦ᭄ᬭᬶᬂᬧᬦᭂᬧᬶᬦ᭄᭞ᬢᬲᬶᬓ᭄ᬫᬮᬬ᭞ᬯᬾᬦ᭄ᬢᭂᬦ᭄ᬫᬦ᭄ᬢ᭄ᬭᬶᬓᬧᬗ᭄ᬕᬶᬄ᭟ᬫᬧᬲᬾᬗᬦ᭄ᬲᬂᬚᬬᬩᬦᬸᬓᬲᭀᬦ᭄ᬢ᭄ᬭᬄ᭞ᬚᬦᬦᬸᬭᬵᬕᬭᬶᬭᬶᬄ᭞ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬡ᭞ᬭᬭᬶᬲ᭄ᬲᬫᬶᬦᬫ᭄ᬧᭂᬓᬂ᭞ᬧ᭄ᬭᬦᬫ᭄ᬬᬕᭀ
ᬭᬯᬳᬭᬶᬲ᭄᭞ᬫᬵᬢᬸᬃᬫᬜᬧ᭞ᬤᬸᬄᬭᬢᬸᬲᬂᬢᬧᬢᬶ᭟ᬢᬶᬢ᭄ᬬᬂᬢᬍᬃᬧ᭄ᬭᬲᬗ᭄ᬕᬫᬵᬢᬸᬃᬦᬸᬦᬲᬂ᭞ᬧᬫᬃᬕ᭄ᬕᬶᬤ᭄ᬭᬸ᭠ᬯᬾᬦᬾᬫᬗ᭄ᬓᬶᬦ᭄᭞ᬲᬓᬶᬂᬤᬶᬚᬦᬤᬓ᭄᭞ᬫᬶᬦᬩ᭄ᬓᬧ᭄ᬭᬡᬕᬢᬵ᭞ᬧᬸᬦᬧᬶᬲᬦᬾᬕᬸᬫᬦ᭄ᬢᬶ᭞ᬧᬘᬂᬲᬤ᭄ᬬᬬᬂ᭞ᬳᬶᬭᬢᬸᬭ᭠
ᬯᬸᬄᬫᬭᬶᬓᬶ᭟ᬳᬶᬗ᭄ᬕᬶᬄᬬᬦᬶᬂᬫᬦᬯᬶᬤᬤᭀᬲ᭄ᬯᬾᬭᬬᬂ᭞ᬭᬶᬂᬢᬶᬢ᭄ᬬᬂᬫᬗ᭄ᬤᬳᬸᬦᬶᬂ᭞ᬩᭂᬘᬶᬓ᭄ᬧᬯᬘᬬᬂ᭞ᬲᬵᬫ᭄ᬧᬸᬦᬂᬫᬮᬶᬄᬗᬸᬩ᭄ᬥ᭞ᬭᬭᬶᬲ᭄ᬳᬶᬤ᭄ᬥᬲᬂᬓᬶᬭᬶᬣᬶ᭞ᬩᬦ᭄ᬩᬦ᭄ᬫᬦᬶᬫ᭄ᬩᬮ᭄᭞ᬫᬲᬳᬸᬃᬫᬦᬶᬲ᭄ᬮᬶᬦ᭄ᬤᬶ᭟ᬉᬥᬸᬄᬩᭂᬮᬶᬢᭀᬲ᭄ᬤᭂᬂᬫ᭄ᬮᬳᬧᬶ᭠
