[᭑᭔ 14B]
᭑᭔
ᬥ᭄ᬬᬬᬂ᭞ᬲᬦᬾᬯᬾᬦ᭄ᬢᭂᬦ᭄ᬳᬶᬭᬶᬓᬶ᭟ᬲᬓᬾᬯᬦ᭄ᬢᭂᬦ᭄ᬲᬳᬶᬱ᭄ᬡᬸᬮᬫᬮᬦᬬᬂ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬧᬘᬂᬧᬢᬸᬢ᭄ᬚᬗ᭄ᬓ᭞ᬫᬗ᭄ᬤᬾᬫᬲᬸᬫᬨᬮ᭞ᬲᬧᬸᬦᬶᬓᬰ᭄ᬭᬷᬦ᭄ᬤ᭄ᬭᬵᬧᬢᬶ᭞ᬫᬵᬢᬸᬃᬫᬵᬃᬤ᭄ᬥᬯ᭄ᬯ᭞ᬭᬶᬂᬳᬶᬤ᭄ᬥᬲᬂᬓᬶᬭᬶᬣᬶ᭟ᬭᬭᬶᬲ᭄ᬫᬢᬸᬃ
ᬲᬂᬯᬶᬚᬬᬫᬦᭀᬳᬭ᭞ᬥᬸᬄᬭᬢᬸᬲᬂᬪᬸᬧᬢᬶ᭞ᬢᬶᬢ᭄ᬬᬂᬜᬤ᭄ᬬᬧᬶᬲᬦ᭄᭞ᬬᬦ᭄ᬓᬾᬗᬶᬦ᭄ᬢᬸᬦᬲ᭄ᬢᬶᬢ᭄ᬬᬂ᭞ᬫᬗ᭄ᬤᬲᬶᬤ᭄ᬥᬫᬧᬶᬓᭀᬮᬶᬄ᭞ᬫ᭄ᬭᬸᬧᬲᬳᬾᬓ᭞ᬜᬓ᭄ᬤᬤᭀᬲ᭄ᬳᬲᬶᬓᬶ᭟ᬚᬕᬢ᭄ᬢᬲᬶᬓ᭄ᬫᬮᬬᬭᬯᬸᬳᬶᬂᬳᬲ᭄ᬢᬶᬦᬵ᭞ᬲᬋᬂᬫ
ᬓᬳᭀᬦ᭄ᬩᭂᬘᬶᬓ᭄᭞ᬯᬳᬸᬲᬧᬸᬦᬶᬓ᭞ᬭᬾᬄᬲᬫᬶᬯᬕ᭄ᬫᬶᬫᬬ᭞ᬧᬲᬮᬶᬂᬳᬮᬧ᭄ᬓᬲᭀᬭᬶᬦ᭄᭞ᬲᬫᬶᬯᬶᬥᬕ᭄ᬥ᭞ᬢᬃ᭠ᬓᬯᬾᬱᬦ᭄ᬲᬯᬶᬚᬶ᭟ᬢᬦ᭄ᬳᬸᬘᬧᭂᬦ᭄ᬩᬩᬯᭀᬲ᭄ᬳᬶᬤ᭄ᬥᬲᬂᬓᬵᬃᬯ᭄ᬯ᭞ᬲᬵᬫ᭄ᬧᬸᬦ᭄ᬓᬮᬗᬦ᭄ᬮᬶᬗ᭄ᬲᬶᬃ᭞ᬲᬗ᭄ᬳ᭄ᬬᬂᬧ᭄ᬭᬪᬗ᭄ᬓᬭ᭞ᬫᬾᬄ
ᬳᬦᬸᬗ᭄ᬕᬂᬧᬃᬯ᭄ᬯᬢ᭄ᬣ᭞ᬕᬶᬦᬦ᭄ᬢ᭄ᬬᬵᬦᬶᬂᬕᬶᬢᬭᬰ᭄ᬫᬶ᭞ᬫᭂᬮᭀᬓ᭄ᬕᬸᬫᬯᬂ᭞ᬦᭂᬮᭂᬳᬶᬤᬶᬓ᭄ᬤᬰᬤᬶᬰᬶ᭟ᬉᬯᬸᬲ᭄ᬕᬶᬦ᭄ᬮᬃᬕᭂᬦᬄᬲᬮ᭄ᬯᬶᬃᬧᬜᬫ᭄ᬩ᭄ᬭᬫ᭞ᬲᬵᬃᬯ᭄ᬯᬮᬶᬦᭂᬯᬶᬄᬍᬯᬶᬄ᭞ᬍᬯᬶᬄᬧᬗᬸᬧᬪᭀᬕ᭞ᬧᬦᬫᬢ᭄ᬱ᭄ᬬᬦᬾᬫᬸᬮ᭄ᬬ᭞ᬲᬤᬕᬶᬗᬶᬂᬯ
[᭑᭕ 15A]
᭑᭕
ᬦᬕᬶᬭᬶ᭞ᬭᬡᬸᬲᬵᬕᬭ᭞ᬭᬭᬶᬲ᭄ᬓᬵᬢᬸᬭᬦ᭄ᬫᬗ᭄ᬓᬶᬦ᭄᭟ᬫᬭᬬᬸᬦᬦ᭄ᬭᬾᬄᬲᬫᬶᬲᬵᬫ᭄ᬧᬸᬦ᭄ᬧᬶᬗᬦᬦ᭄᭞ᬫᬶᬯᬄᬲᬂᬫ᭄ᬭᬕᬢᬫᬸᬬ᭄᭞ᬫᬲ᭄ᬯᬩᬯᬲᬺᬥᬄ᭞ᬤᬸᬮᬸᬭᬶᬦ᭄ᬧᬲ᭄ᬬᬵᬓ᭄ᬭᬡ᭞ᬧᬓᬬᬸᬦᬦᬾᬢᬦ᭄ᬫᬮᬶᬄ᭞ᬮ᭄ᬬᬦ᭄ᬢᬦ᭄ᬧᬳᬶᬗ
ᬦ᭄᭞ᬜᬸᬓ᭄ᬱ᭄ᬫᬬᬂᬭᬶᬂᬲ᭄ᬯᬋᬤ᭄ᬥᬶ᭟ᬢᬦ᭄ᬘᬭᬶᬢ᭄ᬣᬧᭀᬮᬳᬶᬂᬲᬂᬫᬩᭀᬚᬦᬵ᭞ᬲᬯᬢᬭᬳᬸᬲᬦ᭄ᬭᬶᬂᬕ᭄ᬮᬶᬲ᭄᭞ᬗ᭄ᬭᬭᬶᬲ᭄ᬓᬳᬢᬸᬭᬦ᭄᭞ᬳᬸᬫᬸᬗ᭄ᬕ᭄ᬯᬶᬂᬧᬲᬗ᭄ᬕ᭄ᬭᬳᬦ᭄᭞ᬲᬳᬭᬸᬦ᭄ᬢᬸᬢᬦ᭄ᬧᬶᬲᬮᬶᬦ᭄᭞ᬫᬯᬶᬚᬶᬲᭀᬯᬂ᭞ᬫᬓᬦ᭄ᬤᬵᬓᬦ᭄ᬤᬵᬧᬲ᭄ᬢᬶ᭟ᬢᬦ᭄ᬯᬶᬦᬃ
ᬡ᭄ᬦᬲᬂᬭᬯᬸᬄᬲᬂᬓᬭᬯᬸᬳᬦ᭄᭞ᬯᬢᬭᬢᬶᬕᬂᬯ᭄ᬗᬶ᭞ᬲᬂᬧᬃᬣᬳᬶᬭᬶᬓᬵ᭞ᬫᬧᬸᬧᬸᬮ᭄ᬲᬩ᭄ᬭᬦ᭄ᬤᬶᬦ᭞ᬢᬦ᭄ᬫᬋᬦ᭄ᬫᬗᬸᬮᬶᬄᬳᬸᬮᬶᬄ᭞ᬢᬦ᭄ᬫᭀᬧᬤᬾᬰ᭞ᬢᬸᬢᬸᬃᬭᬳᬱ᭄ᬬᬧᬶᬗᬶᬢ᭄᭟ᬓᬤᬶᬩ᭄ᬬᬦᬶᬂᬰᬶᬯᬦᬾᬓᬮᬯᬵᬦ᭄ᬩᬸᬤ᭄ᬥ᭞ᬗᬶᬭᬶᬂᬰ᭄ᬭᬷ
ᬦᬭᬧᬢᬶ᭞ᬲᬕᬾᬢ᭄ᬧᬓᬮᬶᬳᬦ᭄᭞ᬯᬸᬲ᭄ᬓᬭᬲᬧᬃᬘ᭄ᬘᬬ᭞ᬫᬕᬸᬦᬶᬢᬦ᭄ᬳᬶᬤ᭄ᬥᬲᬂᬓᬮᬶᬄ᭞ᬜᭂᬜᭂᬃᬫᬫᭂᬜᬦ᭄᭞ᬢᬦ᭄ᬧᬾᬦ᭄ᬤᬄᬥᬂᬥᬂᬕᭂᬦ᭄ᬤᬶᬲ᭄᭟᭜᭚ᬥᬂᬥᬂ᭚ᬭᬭᬶᬲ᭄ᬫᬵᬢᬸᬃᬳᬶᬤᬲᬂᬓᬶᬭᬶᬣᬶᬫᬦᬶᬲ᭄ᬩᬦ᭄ᬩᬦ᭄
