[ ᭘᭗ 87B]
᭘᭗᭞
ᬦᬼᬓᭂᬢ᭄ᬓᬗ᭄ᬕᬾᬦ᭄ᬲᬯᬶᬢ᭄ᬭ᭟ᬫᬮᬶᬳᬵᬲᬦᬾᬲᬢᬢᬵ᭞ᬫᬗᬸᬫ᭄ᬩᬭᬢᬦ᭄ᬧᬧᬸᬭᬶ᭞ᬲᬦᬾᬲᬵᬫ᭄ᬧᬸᬦ᭄ᬲᬶᬤᬵᬍᬧᬲ᭄᭞ᬲᬓᬶᬂᬤᭀᬢ᭄ᬤᭀᬢᬦᬾᬦᭂᬕᬸᬮ᭄᭞ᬳᬶᬧᬸᬦ᭄ᬲᬂᬓᬵᬤᬶᬧᬸᬦᬶᬓᬵ᭞ᬲᬦᬾᬚᬢᬶ᭞
ᬩ᭄ᬭᬳ᭄ᬫᬵᬡᬯᬲ᭄ᬢᬦᬶᬦ᭄ᬢᬶᬢ᭄ᬬᬂ᭟ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬜᬶᬤᬬᬂ᭞ᬗᬸᬢᬂᬢᬸᬗ᭄ᬓᭂᬤ᭄ᬜᬦᬾᬲᬫᬶ᭞ᬦᬾᬲᬳᬶᬓᬵᬗ᭄ᬕᬾᬦ᭄ᬗᬍᬫ᭄ᬧᬕ᭄᭞ᬲᬃᬯ᭄ᬯᬫᬸᬭᬶᬧᬾᬢᬦ᭄ᬗᬶᬢᬸᬂ᭞ᬲᬦᬾᬍᬫ᭄ᬧᬢᬸᬯᬶᬓᬸᬯᬢ᭄᭞ᬲᬦᬾᬫᬮᬶᬢ᭄᭞ᬤ᭄ᬬ
ᬲ᭄ᬢᬸᬫᬕᭂᬂᬫᬮᬶᬄᬕᬮᬓ᭄᭟ᬢᬸᬃᬲᬦᬾᬲᬵᬫ᭄ᬧᬸᬦ᭄ᬢᬦ᭄ᬧᬶᬲᬦ᭄᭞ᬗᬫ᭄ᬩᭂᬓᬂᬫᬫᬢᬶᬫᬢᬶ᭞ᬉᬢᬯᬶᬤᬤᭀᬲ᭄ᬮᬦ᭄ᬢᬭᬦ᭄᭞ᬫᬢᬶᬦ᭄ᬜᬦᬾᬲᬃᬯ᭄ᬯᬳᬶᬤᬸᬧ᭄᭞ᬚᬤ᭄ᬫᬧᬸᬦᬶᬓᬵᬢᬦ᭄ᬮ᭄ᬬᬦ᭄᭞ᬦᬾᬲᬸᬚᬢᬶ᭞ᬯ
ᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬲᬦᬾᬦᬶᬗ᭄ᬓᭂᬲ᭄ᬫᬕ᭞ᬭᬯᭀᬲ᭄ᬳᬮᬸᬲ᭄ᬫᬦᬄᬓᬳᬲᬶᬄ᭞ᬭᬶᬂᬚ᭄ᬭᭀᬦᬶᬂᬲᬂᬧᬭᬚᬦ᭞ᬲᬦᬾᬗᬫ᭄ᬩᭂᬓᬂᬫᬫᬸᬲᬸᬄ᭞ᬦᬾᬤᭂᬕ᭄ᬤᭂᬕ᭄ᬲᬳᬵᬧᭂᬮᬧᬦ᭄᭞ᬭᬶᬂᬲᬚ᭄ᬭᭀᬦᬶᬂ᭞ᬚ
[ ᭘᭘ 88A]
ᬤ᭄ᬫᬦᬾᬕᭂᬫᭂᬲ᭄ᬢᬸᬃᬓᬲᬃ᭟ᬫᬮᬶᬄᬲᬦᬾᬲᬵᬫ᭄ᬧᬸᬦᬼᬧᬲ᭄᭞ᬲᬓᬶᬂᬢᬮᬶᬦᬾᬗᬮᬶᬮᬶᬢ᭄᭞ᬭᬶᬂᬲᬚ᭄ᬭᭀᬦᬶᬂᬧᬭᬚᬦ᭞ᬦᬾᬓᬦ᭄ᬢᬸᬦ᭄ᬢᭂᬓᭂᬓ᭄ᬫᬩ᭄ᬭᬶᬕᬸ᭞ᬳᬶᬧᬸᬦ᭄ᬦᬾᬩᬯᭀᬲᬂᬢᬶᬢ᭄ᬬᬂ᭞ᬓᬤᬶᬫᬗ᭄ᬓᬶ
ᬦ᭄᭞ᬚᬢᬶᬲᬂᬫ᭄ᬭᬕᬩ᭄ᬭᬳ᭄ᬫᬡ᭟ᬬᬾᬦ᭄ᬧᬤᬾᬲᬮ᭄ᬯᬶᬃᬳᬶᬦ᭄ᬤ᭄ᬭᬶᬬ᭞ᬤᭀᬱᬓᬧᬶᬗ᭄ᬓᬮᬶᬄᬩ᭄ᬭᬂᬢᬶ᭞ᬩᬺᬕᬄᬲᬳᬵᬧᬭᬶᬘᬘᬤ᭄᭟ᬓᬮᬵᬯᬦ᭄ᬲᬶᬧᬢᬾᬳᬚᬸᬫ᭄᭞ᬲᬵᬫ᭄ᬧᬸᬦ᭄ᬢᬶᬩᬫᬩ᭄ᬭᬭᬓᬦ᭄
᭞ᬧᬚᭂᬭᬶᬭᬶᬢ᭄᭞ᬲᬓᬶᬂᬤᬾᬯᬾᬓ᭄ᬳᬶᬫᬦᬸᬱ᭟ᬢᬶᬩᬦ᭄ᬳᬶᬧᬸᬦ᭄ᬓᬸᬫ᭄ᬧᬫᬬᬂ᭞ᬓᬤᬶᬲᭀᬮᬄᬩᬢᬸᬦ᭄ᬲᬯᬶ᭞ᬧᬘᭂᬧᭀᬮ᭄ᬧᭀᬮ᭄ᬫᬓᬘᬓᬦ᭄᭞ᬳᬸᬮᬸᬂᬲᬓᬶᬂᬫᬸᬜ᭄ᬘᬸᬓ᭄ᬚᬭᬸᬫ᭄᭞ᬚᬤ᭄ᬫᬦᬾᬓᬤᬶ
ᬧᬸᬦᬶᬓᬵ᭞ᬦᬾᬲᬸᬚᬢᬶ᭞ᬯᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬦᬵ᭟ᬚᬤ᭄ᬫᬦᬾᬲᬦᬾᬲᬢᬢᬵ᭞ᬗᬫᭂᬤᬮᬂᬭᬯᭀᬲ᭄ᬫᬦᬶᬲ᭄᭞ᬗᬦ᭄ᬤᬧ᭄ᬓᬲᭀᬃᬢᬸᬃᬧᭂᬮᬧᬦ᭄᭞ᬲᬫᬮᬶᬳᬵᬲᬶᬧᬢ᭄ᬳᬶᬧᬸᬦ᭄᭞᭠
Kaca:Bali-lontar-paparikan-dammapada-500ppi.pdf/88
Kaca puniki sampun kauji-wacén
