[ ᭘᭘ 88B]
᭘᭘᭞
ᬮᬦᬫᬤᬕᬶᬂᬗᬗ᭄ᬲᭀᬓᬂ᭞ᬫᬗ᭄ᬤᬗ᭄ᬭᬭᬶᬲ᭄᭞ᬓᬯᬾᬦ᭄ᬢᭂᬦᬦᬾᬗᬮᬶᬫ᭄ᬩᬓ᭄᭟ᬤᬕᬶᬂᬭᬯᭀᬲ᭄ᬜᬦᬾᬮᬦ᭞ᬯᬦ᭄ᬢᬄᬓᬧᬢᬸᬢᬦ᭄ᬫᬸᬓ᭄ᬢᬶ᭞ᬢᬦ᭄ᬗᬯᬾᬚᬤ᭄ᬫᬮ᭄ᬬᬦᬦ᭄᭞ᬲᬮᬶᬢ᭄ᬳᬫ᭄ᬧᬾᬦ᭄ᬫᬶᬯᬄ
ᬩᭂᬦ᭄ᬤᬸ᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬦᬾᬳᬸᬢ᭄ᬢᬫᬶ᭞ᬯᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬢᬦ᭄ᬫᬗ᭄ᬯᬲᬬᬂ᭞ᬗᬫ᭄ᬩᬶᬮ᭄ᬭᬶᬂᬚᬕᬢ᭄ᬧᬸᬦᬶᬓᬶ᭞ᬩᬭᬂᬩᭂᬘᬶᬓ᭄ᬫᬶᬯᬄᬓᬲᬃ᭞ᬦᬾᬩᭀᬬᬓᬯᬾᬳᬶ
ᬦ᭄ᬳᬶᬧᬸᬦ᭄᭞ᬦᬾᬳᬮᬶᬮᬶᬸᬢ᭄ᬳᬸᬢᬯᬶᬫᬕᭂᬂ᭞ᬲᬧᬸᬦᬶᬓᬶ᭞ᬯᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬦᬾᬲᬵᬫ᭄ᬧᬸᬦᬼᬧᬲ᭄᭞ᬲᬓᬶᬂᬓᬫᭂᬍᬤᬦ᭄ᬳᬢᬶ᭞ᬗᭂᬦᬶᬦᬶᬦ᭄ᬲᬃᬯ᭄ᬯᬲᬸᬓᬦ᭄᭞ᬭᬶᬚ
ᬕᬢ᭄ᬧᬸᬦᬶᬓᬶᬓᬲᬸᬩ᭄᭞ᬧᬶᬢ᭄ᬯᬶᬭᬶᬂᬚᬕᬢ᭄ᬓᬯᭂᬓᬲ᭄᭞ᬫᬓᬲᬵᬫᬶ᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬓᬤᭀᬢᬂ᭟ᬲᬫᬮᬶᬳᬵᬲᬫ᭄ᬧᬸᬦ᭄ᬧᭂᬕᬢ᭄᭞ᬲᬓᬶᬂᬓᬧᬶᬢᬺᬱ᭄ᬡᬦ᭄ᬲᬫᬶ᭞ᬲᬳᬲᬵᬫ᭄ᬧᬸᬦ᭄ᬫ᭄ᬭᬕ
[ ᭘᭙ 89A]
ᬍᬧᬲ᭄᭞ᬲᬓᬶᬂᬢᬮᬶᬦᬾᬫᬦᭂᬕᬸᬮ᭄᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬯᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬡ᭟ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬢᬦ᭄ᬫᬸᬯᬄ᭞ᬫᬤ᭄ᬯᬾᬳᬶᬲᭂᬂᬫᬮᬶᬄᬓᬲᬶᬄ᭞ᬲᬦᬾᬲᬵᬫ᭄ᬧᬸᬦ᭄ᬫ
ᬗᭀᬤᬕᬂ᭞ᬧᬗᬸᬦᬶᬗᬾᬧᬶᬦᬶᬄᬮᬸᬳᬸᬭ᭄᭞ᬧᬸᬦᬶᬓᬵᬫᬓᬚᬮᬭᬦ᭄᭞ᬲᬶᬤᬵᬓᬮᬶᬲ᭄᭞ᬲᬓᬶᬂᬫᬦᬄᬓᬲᬗ᭄ᬰᬬᬦ᭄᭟ᬲᬦᬾᬲᬵᬫ᭄ᬧᬸᬦ᭄ᬚᭂᬦᭂᬓ᭄ᬦᬧᬓ᭄᭞ᬭᬶᬂᬓᬯᬾᬦ᭄ᬢᭂᬦᬦᬾᬧᬶᬗᬶᬢ᭄᭞
ᬍᬧᬲ᭄ᬲᬓᬶᬂᬧᬢᬶᬮᬭ᭞ᬢᬍᬃᬦᬶᬃᬯᬡᬓᬯᬸᬯᬸᬲ᭄᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬦᬾᬉᬢ᭄ᬢᬫᬶ᭞ᬯᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬭᬶᬂᬳᬶᬦ᭄ᬤᬶᬓ᭄ᬧᬸᬦᬶᬓᬶᬓᭀᬘᬧ᭄᭞ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬗ
ᬢᬲᬶᬦ᭄᭞ᬓᬘᭀᬭᬳᬦ᭄ᬓᬩᭂᬘᬶᬓᬦ᭄᭞ᬫᬓᬓᬵᬮᬶᬄᬧᬸᬦᬶᬓᬸ᭞ᬢᬍᬃᬲᬫᬶᬢᬢᭂᬕᬸᬮᬦ᭄᭞ᬦᬾᬗᬮᬶᬮᬶᬢ᭄᭞ᬲᬵᬫ᭄ᬧᬸᬦ᭄ᬲᬶᬤᬵᬓᬓᭀᬤᬕᬂ᭟ᬢᬍᬃᬳᬸᬭᬶᬧ᭄ᬳᬶᬧᬸᬦ᭄
Kaca:Bali-lontar-paparikan-dammapada-500ppi.pdf/89
Kaca puniki sampun kauji-wacén
