[ ᭘᭖ 86B]
᭘᭖᭞
ᬤ᭄ᬫᬧᬸᬦᬶᬓᬵ᭞ᬢᬦ᭄ᬫᬭᬶᬗᭀᬋᬳᬂᬤᬶᬭᬶ᭞ᬲᬳᬵᬳᬦ᭄ᬢᭂᬂᬗᬸᬧᬧᬶᬭ᭞ᬤᬾᬯᬾᬓ᭄ᬳᬶᬧᬸᬦ᭄ᬧᬶᬦᬶᬄᬧᬸᬗ᭄ᬓᬸᬃ᭞ᬚᬤ᭄ᬫᬧᬸᬦᬶᬓᬵᬲᬶᬦᬳᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬚᬢᬶᬲᬂᬫ᭄ᬭᬕᬩ᭄ᬭᬳ᭄ᬫᬡ᭟ᬮ᭄ᬯᬶᬃᬓᭂᬢᬾᬮ᭄ᬓᭂᬢᬾᬮ
ᬦ᭄ᬢᭀᬬ᭞ᬭᬶᬂᬤᭀᬦ᭄ᬘᬦ᭄ᬤᬸᬗᬾᬳᬸᬫ᭄ᬧᬫᬶ᭞ᬲᬢ᭄ᬩᬢᬸᬦ᭄ᬲᬯᬶᬤᬾᬫᬸᬯᬄ᭞ᬫᬕᭂᬦᬄᬭᬶᬂᬫᬸᬜ᭄ᬘᬸᬓ᭄ᬚᬭᬸᬫ᭄᭞ᬲᬧᬸᬦᬶᬓᬵᬓᬸᬫ᭄ᬧᬫᬬᬂ᭞ᬧᬲ᭄ᬢᬶᬓᬮᬶᬲ᭄᭞ᬢᬦ᭄ᬫᬳᬫ᭄ᬧᬓ᭄ᬜᬂᬳᬮᬢᬤ᭄᭟ᬓᬤᬶᬲᬧᬸᬦᬶ
ᬓᬲᬶᬦᬄ᭞ᬓᬲᬸᬓᬦᬾᬫᬓᬲᬫᬶ᭞ᬢᬦ᭄ᬲᬶᬤᬵᬚᭂᬦᭂᬓ᭄ᬫᬕᭂᬦᬄ᭞ᬫᬤᭂᬓᭂᬢ᭄ᬭᬶᬂᬤᬾᬯᬾᬓ᭄ᬳᬶᬧᬸᬦ᭄᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬦᬾᬯᬲ᭄ᬢᬦᬶᬦ᭄᭞ᬢᬶᬢ᭄ᬬᬂᬲᬂᬫ᭄ᬭᬕᬩ᭄ᬭᬳ᭄ᬫᬡ᭟ᬚᬤ᭄ᬫᬦᬾᬲᬵ
ᬫ᭄ᬧᬸᬦ᭄ᬧᭂᬭᬕᬢ᭄᭞ᬫᬸᬘᭂᬳᬂᬤᬸᬄᬓᬦ᭄ᬜᬲᬫᬶ᭞ᬭᬶᬂᬚᬕᬢ᭄ᬧᬸᬦᬶᬓᬵᬓᭀᬘᬧ᭄᭞ᬫᬮᬶᬄᬲᬦᬾᬲᬵᬫ᭄ᬧᬸᬦ᭄ᬗᭂᬮᬸᬲ᭄᭞ᬜᭂᬓᭀᬮᬂᬢᬢᭂᬕᭂᬦᬦ᭄ᬜ᭞ᬫᬓᬲᬫᬶ᭞ᬲᬦᬾᬳᬩᭀᬢ᭄ᬫᬶᬯᬄ
[ ᭘᭗ 87A]
ᬤᬗᬦ᭄᭟ᬢᬸᬃᬲᬦᬾᬲᬵᬫ᭄ᬧᬸᬦ᭄ᬓᬲᬶᬤᬦ᭄᭞ᬫᭂᬕᬢᬂᬲᬳᬗᭂᬮᬾᬲᬶᬦ᭄᭞ᬲᬓᬜ᭄ᬘᬦ᭄ᬓᬲᬸᬓᬦ᭄ᬚᬕᬢ᭄᭞ᬦᬾᬦᭂᬓᭂᬢ᭄ᬭᬶᬂᬤᬾᬯᬾᬓ᭄ᬳᬶᬧᬸᬦ᭄᭞ᬚᬤ᭄ᬫᬦᬾᬓᬤᬶᬓᬶᬦᬸᬘᬧ᭄᭞ᬳᬶᬧᬸᬦ᭄ᬚᬢᬶ᭞ᬯᬲ᭄ᬢ
ᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬲᬦᬾᬧᬗᬸᬦᬶᬂᬜ᭞ᬤᬍᬫ᭄ᬢᬦ᭄ᬓᭂᬦᬶᬚᬸᬕ᭄ᬚᬸᬕ᭄ᬚᬶᬸᬕᬶᬦ᭄᭞ᬲᬦᬾᬮᬸᬳᬸᬃᬢᬦ᭄ᬧᬳᬶᬗᬦ᭄᭞ᬓᬯᬶᬘᬓ᭄ᬱᬡᬬᬦ᭄ᬳᬶᬧᬸᬦ᭄᭞ᬲᬦᬾᬧᬯᬶᬓᬦ᭄ᬫᬜᬶᬗᬓ᭄᭞ᬫᬃᬕ᭄ᬕᬶᬓᬮᬶᬄ
ᬦᬾᬧᬢᬸᬢ᭄ᬓᬮᬯᬦ᭄ᬳᬶᬯᬂ᭟ᬢᬸᬃᬲᬦᬾᬲᬵᬫ᭄ᬧᬸᬦ᭄ᬜᬶᬤᬬᬂ᭞ᬫᬗ᭄ᬕᬶᬄᬦᬾᬧᬶᬦᬶᬄᬉᬢ᭄ᬢᬫᬶ᭞ᬓᬍᬧᬲᬦᬾᬭᬶᬂᬚᬕᬢ᭄᭞ᬢᬢᬸᬚᭀᬦᬾᬧᬶᬦᬶᬄᬧᬸᬗ᭄ᬓᬸᬃ᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬦᬾᬲᬸᬚᬢᬶ᭞ᬯ
ᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬲᬦᬾᬢᬦ᭄ᬭᬓᭂᬢ᭄᭞ᬫᬲᬯᬶᬢ᭄ᬭᬤᬳᬢ᭄ᬓᬲᬶᬄ᭞ᬭᬶᬂᬚᬤ᭄ᬫᬲᬦᬾᬫᬓᬸᬋᬦ᭄᭞ᬉᬢᬯᬶᬭᬶᬂᬚᬤ᭄ᬫᬮᬘᬸᬃ᭞ᬲᬦᬾᬢᬦ᭄ᬫᬤ᭄ᬯᬾᬧᬸᬫᬳᬦ᭄᭞ᬫᬓᬲᬫᬶ᭞ᬢ
Kaca:Bali-lontar-paparikan-dammapada-500ppi.pdf/87
Kaca puniki sampun kauji-wacén
