[ ᭘᭕ 85B]
᭘᭕᭞
ᬮ᭄ᬯᬶᬃᬭᬋᬕᭂᬤᬦ᭄᭞ᬘᭀᬭᬄᬩ᭄ᬭᬂᬢᬶ᭞ᬢᬍᬃᬲᭀᬮᬄᬲᬵᬃᬯ᭄ᬯᬲᬲᬃ᭟ᬳᬶᬧᬸᬦ᭄ᬯᬦ᭄ᬢᬄᬲᬸᬚᬢᬶᬦ᭄ᬜᬓᬤᬶᬓᬦ᭄ᬢᬶᬲᬦᬾᬩᭂᬘᬶᬓ᭄᭞ᬗ᭄ᬳᬶᬂᬚᬤ᭄ᬫᬦᬾᬲᬵᬫ᭄ᬧᬸᬦᬼᬧᬦᬶᬸᬲ᭄᭞ᬲᬓᬶᬂᬢᬮᬶᬦᬾᬫᬢᭂᬕᬸᬮ᭄᭞
ᬲᬓᬶᬂᬘᭀᬭᬄᬫᬶᬯᬄᬜᬲᬃ᭞ᬳᬶᬧᬸᬦ᭄ᬚᬢᬶ᭞ᬩᬯᭀᬲᬂᬢᬶᬢ᭄ᬬᬂᬩ᭄ᬭᬳ᭄ᬫᬡ᭟ᬚᬤ᭄ᬫᬲᬦᬾᬲᬵᬫ᭄ᬧᬸᬦ᭄ᬦᬲ᭄ᬢᬲ᭄᭞ᬲᬓᬜ᭄ᬘᬦ᭄ᬢᬮᬶᬦᬾᬗ᭄ᬮᬶᬮᬶᬢ᭄᭞ᬢᬦ᭄ᬗᭂᬢᭀᬃᬭᬶᬓᬵᬮᬫᬧᬲ᭄᭞ᬲᬮ᭄ᬯᬶᬃᬧᬤᬩ᭄ᬤ
ᬩᬾᬭᬯᬸᬄ᭞ᬗᬲᭀᬭᬂᬲᬮ᭄ᬯᬶᬃᬕᬕᭀᬤᬦ᭄᭞ᬳᬶᬧᬸᬦ᭄ᬚᬢᬶ᭞ᬯᬲ᭄ᬢᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬡ᭟ᬚᬦ᭄ᬫᬲᬦᬾᬲᬵᬫ᭄ᬧᬸᬦ᭄ᬫᭂᬕᬢ᭄᭞ᬢᬮᬶᬦ᭄ᬓ᭄ᬭᭀᬥᬦᬾᬗᭂᬩᬸᬲᬶᬦ᭄᭞ᬦᬾᬲᬫ᭄ᬧᬸᬦ᭄ᬲᬲ᭄ᬢᬲ᭄ᬦᭂᬮ
ᬲᬂ᭞ᬢᬮᬶᬦ᭄ᬳᬶᬦ᭄ᬤ᭄ᬭᬶᬬᬦᬾᬫᬭᬶᬓᬸ᭞ᬧᬗᭂᬕᬦᬾᬩᭀᬬᬩᭀᬬ᭞ᬲᬵᬫ᭄ᬧᬸᬦ᭄ᬲᬫᬶ᭞ᬢ᭠ᬮᬶᬦ᭄ᬜᬦᬾᬓᬕᬕᬳᬂ᭟ᬫᬮᬶᬄᬲᬵᬫ᭄ᬧᬸᬦ᭄ᬦᬸᬜ᭄ᬚᭂᬮ᭄ᬓᭂᬤᬲ᭄᭞ᬧᬫᭂᬤᬶᬸᬤ᭄ᬩᭂᬤ᭄ᬢᬺᬱ᭄ᬡᬦᬾᬫᬳᬶᬤ᭄᭞
[ ᭘᭖ 86A]
ᬦᬾᬲᬵᬫ᭄ᬧᬸᬦ᭄ᬗᭂᬩᬄᬫᬮ᭄ᬩᬮᬂᬄᬶ᭞ᬢᬸᬭᬸᬦ᭄ᬧᬧᭂᬢᭂᬗᬾᬮᬸᬲᬸᬄ᭞ᬧᬶᬮᬶᬄᬧᬦ᭄ᬫᬗᬦ᭄ᬲᬵᬫ᭄ᬧᬹᬃᬡ᭄ᬦ᭞ᬳᬶᬧᬸᬦ᭄ᬚᬢᬶ᭞ᬩᬯᭀᬲᬂᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬢᬦ᭄ᬫ᭄ᬭᬱᬓ᭄ᬭᭀᬥ᭞ᬓᬸᬓᬸᬄᬢᬗ᭄ᬕᭂᬦ᭄ᬫᬦᬢᬓᬶ
ᬦ᭄᭞ᬲᬮ᭄ᬯᬶᬃᬫᬭᬸᬧᬵᬧᬜᬤ᭄ᬘᬤ᭄᭞ᬲᬫᬶᬲᬓᬜ᭄ᬘᬦ᭄ᬧᬫᬶᬲᬸᬄ᭞ᬧᬦᬶᬕ᭄ᬢᬶᬕ᭄ᬮᬵᬯᬦ᭄ᬧᬗᬼᬫ᭄ᬧᬕ᭄᭞ᬦᬾᬦᬶᬩᬦᬶᬦ᭄᭞ᬢᬍᬃᬤᬤᭀᬱᬦ᭄ᬫᬩᬸᬯᬢ᭄᭟ᬫᬮᬶᬳᬵᬳᬶᬧᬸᬦ᭄ᬧᬸᬦᬶᬓᬵ᭞ᬲᬦᬾ
ᬫᬤᬺᬯᬾᬓᬰᬓ᭄ᬢᬶᬦ᭄᭞ᬓᬓ᭄ᬯᬢᬦ᭄ᬓᭀᬧᬲᬫᬦ᭄᭞ᬓᬓ᭄ᬯᬢᬦ᭄ᬧ᭄ᬭᬯᬶᬭᬧᬢᬸᬄ᭞ᬳᬶᬧᬸᬦ᭄ᬧᬸᬦᬶᬓᬢᬦ᭄ᬮᬶᬬᬦ᭄᭞ᬦᬾᬲᬸᬚᬢᬶ᭞ᬯᬱ᭄ᬝᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬲᬦᬾᬓᬶᬦᬸᬘᬧ᭄᭞
ᬢᬦ᭄ᬫᬤᬕᬶᬂᬫᬦᬄᬩ᭄ᬭᬂᬢᬶ᭞ᬦᬵᬗ᭄ᬳᬶᬂᬲᭂᬍᬕ᭄ᬫᬮᬶᬄᬗᭂᬫᭂᬢ᭄᭞ᬜᭀᬮᬳᬂᬲ᭄ᬯᬥᬃᬫᬦ᭄ᬳᬶᬧᬸᬦ᭄᭞ᬦᬾᬗᬾᬩᭂᬓ᭄ᬳᬦ᭄ᬢᬸᬓ᭄ᬮᬓ᭄ᬱᬡ᭟ᬲᬃᬯ᭄ᬯᬩᭂᬘᬶᬓ᭄᭞ᬦᬾᬮᬸᬧᬸᬢ᭄ᬲᬓᬶᬂᬓᬾᬦ᭄ᬤ᭄ᬭᬶᬬᬦ᭄᭟ᬫᬮᬶᬳᬵᬚ
Kaca:Bali-lontar-paparikan-dammapada-500ppi.pdf/86
Kaca puniki sampun kauji-wacén
