[ ᭘᭔ 84B]
᭘᭔᭞
ᬯ᭄ᬯᬤᬸᬄᬓᬶᬢ᭟ᬚᬤ᭄ᬫᬦᬾᬢᬦ᭄ᬗᬃᬤᬶᬘᭀᬭᬄ᭞ᬳᬦ᭄ᬢᬸᬓ᭄ᬱᭀᬮᬄᬫᬮᬶᬄᬫᬸᬜᬶ᭞ᬳᬸᬢᬯᬶ᭠ᬢᬦ᭄ᬳᬦ᭄ᬢᬸᬓ᭄ᬫᬦᬄ᭞ᬢᬸᬃᬚᬤ᭄ᬫᬦᬾᬗᭀᬋᬕ᭄ᬢᭂᬭᬸᬲ᭄᭞ᬳᬶᬦ᭄ᬤᬶᬓ᭄ᬓᬢᬶᬕᬧᬸᬦᬶᬓᬵ᭞ᬳᬶᬤᬵᬭᬭᬶᬲ᭄᭞ᬩ᭄ᬭᬳ᭄ᬫᬵ
ᬓᬯᬲ᭄ᬢᬦᬶᬦ᭄ᬢᬶᬢ᭄ᬬᬂ᭟ᬬᬾᬦ᭄ᬚᬤ᭄ᬫᬦᬾᬫᬺᬲᬶᬤᬬᬂ᭞ᬳᬸᬦᬶᬂᬢᬸᬃᬜᬸᬲᬸᬧᬂᬩᭂᬘᬶᬓ᭄᭞ᬢᬢ᭄ᬯᬓᬥᬃᬫ᭄ᬫᬦ᭄ᬉᬢ᭄ᬢᬫᬦᬾᬓᭀᬚᬄᬳᬦ᭄ᬢᬸᬓ᭄ᬲᬂᬕᬸᬭᬸ᭞ᬢᬦ᭄ᬮᬾᬦ᭄ᬳᬶᬤᬵᬲᬂᬳ᭄ᬬᬂᬩᬸᬤ᭄ᬥ᭞ᬦᬾᬓᬢᬫ᭄ᬧᬶ᭞ᬫᬮ
ᬭᬧᬦ᭄ᬳᬦᬓ᭄ᬮ᭄ᬬᬦᬦ᭄᭟ᬓᬾᬗᬶᬦ᭄ᬚᬤ᭄ᬫᬦᬾᬧᬸᬦᬶᬓ᭞ᬧᬢᬸᬢ᭄ᬳᬶᬧᬸᬦ᭄ᬫᬫᬓ᭄ᬢᬶᬦᬶᬦ᭄᭞ᬲᬂᬲᬦᬾᬳᭀᬮᬲ᭄ᬫᬗᬚᬄ᭞ᬤᬸᬮᬸᬭᬶᬦ᭄ᬲᭂᬫ᭄ᬩᬄᬫᬢᬶᬫ᭄ᬧᬸᬄ᭞ᬧᬢᭂᬄᬓᬤᬶᬲᬂᬩ᭄ᬭᬳ᭄ᬫᬵᬡ᭞ᬦᬾᬫᬓ᭄ᬢᬶᬦᬶ
ᬦ᭄᭞ᬜᭂᬫ᭄ᬩᬄᬳᬧᬶᬲᬸᬘᬶᬦ᭄ᬳᬶᬤᬵ᭟ᬩᭀᬬᬲᬓᬶᬂᬧᬍᬓᬤᬦ᭄᭞ᬢᬦ᭄ᬲᬓᬶᬂᬢᬺᬄᬉᬢ᭄ᬢᬫᬶ᭞ᬢᬍᬃᬢᬦ᭄ᬲᬓᬶᬂᬢᬸᬭᬸᬦᬦ᭄᭞ᬢ᭄ᬯᬶᬢᬦ᭄ᬲᬓᬶᬂᬫᬧᭂᬭᬸᬘᬸᬢ᭄᭞ᬢᬦ᭄ᬲᬓᬶᬂᬫᬕᬸᬦ᭄ᬤᬸᬮ᭄ᬓᭂᬤᬲ᭄᭞
[ ᭘᭕ 85A]
ᬦᬾᬜᬮᬭᬶᬦ᭄᭞ᬳᬶᬧᬸᬦ᭄ᬤᬤᭀᬲ᭄ᬲᬂᬩ᭄ᬭᬳ᭄ᬫᬵᬡ᭟ᬦᬧᬶᬳᬃᬢᬶᬦ᭄ᬜᬧᬸᬦᬶᬓᬵ᭞ᬧᬗᬗ᭄ᬕᬾ᭠ᬩᬦ᭄ᬓᬸᬮᬶᬢ᭄ᬓᬫ᭄ᬩᬶᬂ᭞ᬦᬾᬮᬦᬲᬦ᭄ᬤᬂᬳᬶᬤᬾᬯ᭞ᬤᬸᬄᬤᬾᬯᬲᬂᬫ᭄ᬭᬕᬚᬸᬕᬸᬮ᭄᭞ᬢᬍᬃᬓᬧᬶᬓᬾᬕᬸᬡ
ᬦ᭄ᬜ᭞ᬓᬤᬶᬫᬗ᭄ᬓᬶᬦ᭄᭞ᬭᬫ᭄ᬩᬸᬢᬾᬫᬕᭂᬮᬸᬂᬜᬮᬂ᭟ᬳᬗᬶᬂᬳᬶᬤᬾᬯᬗᬾᬩᭂᬓ᭄ᬧᬶᬲᬦ᭄᭞ᬫᬤᬕᬶᬂᬓᬾᬦ᭄ᬤ᭄ᬭᬶᬬᬦ᭄ᬳᬢᬶ᭞ᬫᬮᬶᬄᬩ᭄ᬭᬂᬢᬶᬩ᭄ᬭᬓᬧᬓᬦ᭄᭞ᬢᬦ᭄ᬗᬦᬸᬢᬶᬦ᭄ᬥᬃᬫ᭄ᬫᬦ᭄ᬯᬶᬓᬸ᭞ᬲᬦᬾᬲᬭᬢᬂᬳᬶ
ᬤᬾᬯ᭞ᬢ᭄ᬯᬄᬭᬶᬂᬲᬶᬲᬶ᭞ᬧᬓᬦ᭄ᬢᭂᬦᬦ᭄ᬲᬂᬧ᭄ᬭᬢᬧᬵ᭟ᬧᬗᬗ᭄ᬕᬾᬦᬾᬢᬢᬫ᭄ᬩᭂᬦᬶᬸᬮᬦ᭄᭞ᬤᬾᬯᬾᬓ᭄ᬜᬦᬾᬩᭂᬭᬕ᭄ᬤᬶᬕ᭄ᬭᬶᬕ᭄᭞ᬳᬸᬯᬢ᭄ᬳᬸᬯᬢ᭄ᬜᬦᬾᬦ᭄ᬭᬂᬤᬂ᭞ᬢᬦ᭄ᬧᬢᬶᬫ᭄ᬧᬮ᭄ᬳᬸᬭᬶᬧ᭄ᬳᬶᬧᬸᬦ᭄᭞ᬢᭂᬮᬸᬓ᭄ᬫᬢᬧ
ᬭᬶᬂᬳᬮᬲ᭄᭞ᬳᬶᬧᬸᬦ᭄ᬚᬢᬶ᭞ᬩᬯᭀᬲᬂᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬳᬶᬧᬸᬦ᭄ᬢᬦ᭄ᬯᬲ᭄ᬢᬦᬶᬦ᭄ᬢᬶᬢ᭄ᬬᬂ᭞ᬩ᭄ᬭᬳ᭄ᬫᬵᬡᬳᬦ᭄ᬢᬸᬓ᭄ᬧᬫᬶᬚᬶᬮ᭄᭞ᬲᬓᬶᬂᬲᬂᬢᬺᬄᬩ᭄ᬭᬳ᭄ᬫᬵᬡ᭞ᬬᬾᬦᬶᬂᬳᬶᬧᬸᬦ᭄ᬓᬦ᭄ᬢᬸᬦ᭄ᬧᭂᬦᬸᬦ᭄᭞ᬳᬦ᭄ᬢᬸᬓ᭄ᬲ
Kaca:Bali-lontar-paparikan-dammapada-500ppi.pdf/85
Kaca puniki sampun kauji-wacén
