[ ᭘᭓ 83B]
᭘᭓᭞
ᬫᬲᬸᬦᬭᬦ᭄ᬕᬮᬂᬗᭂᬦ᭄ᬤᬶᬄ᭞ᬩᬸᬮᬦᬾᬫᬢᬾᬚᬕᬮᬂ᭞ᬓᬵᬮᬯᭂᬗᬶᬓᬤᬶᬲᬸᬮᬸᬄ᭞ᬲᬂᬓ᭄ᬱᬢ᭄ᬭᬶᬬᬫᬘᬬᬢᭂᬭᬂ᭞ᬢᬸᬮ᭄ᬬᬗᭂᬦ᭄ᬤᬶᬄ᭞ᬳᬦ᭄ᬢᬸᬓ᭄ᬓ᭄ᬯᬘᬵᬧᬧᭂᬭᬗᬦ᭄᭟ᬫᬮᬶᬄᬳᬶᬤᬵᬲᬂᬩ᭄ᬭᬳ᭄ᬫᬵᬡ᭞ᬓᬵᬮ
ᬲᬚ᭄ᬭᭀᬦᬶᬂᬲᬫᬵᬥᬶ᭞ᬗᬸᬮᬾᬫ᭄ᬮᬫ᭄ᬫᬘᬬᬕᬮᬂ᭞ᬗ᭄ᬳᬶᬂᬳ᭄ᬬᬂᬩᬸᬤ᭄ᬥᬵᬗᭂᬦ᭄ᬤᬶᬄᬫᬸᬭᬸᬩ᭄᭞ᬓᬵᬮᬧᬸᬦᬧᬶᬓᬾᬯᬦ᭄ᬢᭂᬦ᭄᭞ᬤᬶᬦᬵᬭᬢ᭄ᬭᬶ᭞ᬫᬢᬾᬚᬕᬮᬂᬳᬧᬥᬂ᭟ᬭᬾᬄᬲᬵᬫ᭄ᬧᬸᬦ᭄ᬦᬶᬗ᭄ᬕᬮᬂᬘᭀ
ᬭᬄ᭞ᬭᬭᬶᬲ᭄ᬳᬶᬤᬵᬓᬯᬱ᭄ᬝᬦᬶᬦ᭄᭞ᬚᬢᬶᬲᬂᬫ᭄ᬭᬕᬩ᭄ᬭᬵᬳ᭄ᬫᬡ᭞ᬭᬾᬄᬲᬸᬘᬶᬲᬚ᭄ᬭᭀᬦᬶᬂᬳᬶᬤᬸᬧ᭄᭞ᬫᬸᬯᬸᬄᬓᬤᭂᬕ᭄ᬤᭂᬕᬦ᭄ᬫᬦᬄ᭞ᬳᬶᬤᬵᬫᬗ᭄ᬓᬶᬦ᭄᭞ᬓᬯᬱ᭄ᬝᬦᬶᬦ᭄ᬲᬂᬰ᭄ᬭᬫᬦᬵ᭟ᬫᬮᬶᬄᬦᬾᬫ᭄ᬭᬕ᭄ᬕᬉ
ᬢ᭄ᬢᬫ᭞ᬲᬂᬲᬶᬤᬓᭂᬤᬲ᭄ᬜᬧ᭄ᬲᬧᬶᬦ᭄᭞ᬲᬮ᭄ᬯᬶᬃᬭᬋᬕᭂᬤᬦ᭄ᬫᬦᬄ᭞ᬲᬫᬶᬲᬵᬫ᭄ᬧᬸᬦ᭄ᬪᬓ᭄ᬢᬶᬍᬩᬸᬃ᭞ᬓᬾᬗᬶᬦ᭄ᬳᬶᬤᬵᬓᬩᬯᭀᬲᬂ᭞ᬚᬢᬶᬬᭀᬕᬶ᭞ᬲᬂᬧ᭄ᬭᬢᬧᬵᬧᬧᬵᬚᬶᬢ᭟ᬚᬤ᭄ᬫᬦᬾᬧᬢᬸᬢ᭄
[ ᭘᭔ 84A]
ᬲᬵᬫ᭄ᬧᬸᬦᬂ᭞ᬜᬳᬲᬾᬦ᭄ᬩ᭄ᬭᬳ᭄ᬫᬵᬓᬲᬸᬘᬶ᭞ᬧᬢᬸᬢ᭄ᬲᬂᬫ᭄ᬭᬕ᭄ᬕᬩ᭄ᬭᬳ᭄ᬫᬵᬡ᭞ᬲᬵᬫ᭄ᬧᬸᬦᬂᬫᬜᬲᬃᬮᬓᬸ᭞ᬫᬗ᭄ᬯᬍᬲ᭄ᬚᬤ᭄ᬫᬧᬸᬦᬶᬓᬵ᭞ᬫᬦᬶᬫ᭄ᬧᬮᬶᬦ᭄᭞ᬲᬂᬲᬦᬾᬜᬳᬲᬾᬦ᭄ᬳᬶᬤᬵ᭟ᬲᬸᬚᬢᬶᬦ᭄ᬜᬗ
ᬯᬾᬓᬾᬫᬤ᭄᭞ᬭᬶᬂᬲᬂᬲᬦᬾᬫᬜᬓᬶᬢᬶᬦ᭄᭞ᬕᭂᬫᭂᬲ᭄ᬦᬫ᭄ᬧ᭄ᬮᬓ᭄ᬱᬂᬩ᭄ᬭᬳ᭄ᬫᬵᬡ᭞ᬚᬢᬶᬩᬗᭂᬢ᭄ᬗᬯᬾᬓᬶᬫᬸᬤ᭄᭞ᬫᬋᬧ᭄ᬲᬂᬫ᭄ᬭᬕ᭄ᬕᬩ᭄ᬭᬳ᭄ᬫᬵᬡ᭞ᬦᬾᬫᬮᬶᬓᬶᬦ᭄᭞ᬫᬓᬬᬸᬦ᭄ᬧᬘᬂᬗ᭄ᬯᬍᬲᬂ᭟ᬫ
ᬋᬧ᭄ᬲᬂᬫ᭄ᬭᬕᬩ᭄ᬭᬳ᭄ᬫᬵᬡ᭞ᬦᬾᬢᬦ᭄ᬯᬾᬦ᭄ᬢᭂᬦ᭄ᬓᬲᬸᬲᬸᬧᬶ᭞ᬳᬦ᭄ᬢᬸᬓ᭄ᬭᬱᬫᬗ᭄ᬯᬍᬲᬂ᭞ᬩᭀᬬᬤᬗᬦ᭄ᬢᭂᬕᭂᬲ᭄ᬳᬶᬧᬸᬦ᭄᭞ᬓᬯᬾᬦ᭄ᬢᭂᬦᬦᬾᬧᬸᬦᬶᬓᬵ᭞ᬤᬤᭀᬲ᭄ᬘᬶᬭᬶ᭞ᬓᬮᬶᬫ᭄ᬩᬓᬦᬾᬫᬩᬸᬯ
ᬢ᭄᭟ᬫᬮᬶᬄᬬᬾᬦ᭄ᬲᬵᬫ᭄ᬧᬸᬦ᭄ᬓᬲᬶᬤᬦ᭄᭞ᬳᬸᬤᭂᬧ᭄ᬫᬦᬄᬳᬶᬤᬵᬲᬫᬶ᭞ᬲᬓᬶᬂᬲᬮ᭄ᬯᬶᬃᬲᬲᭂᬦᭂᬗᬦ᭄᭞ᬬᬾᬦ᭄ᬫᬦᬳᬾᬩᭂᬦ᭄ᬤᬸᬦᬗ᭄ᬕᬸ᭞ᬓᬾᬗᬶᬦ᭄ᬭᬶᬓᬵᬮᬧᬸᬦᬶᬓᬵ᭞ᬢᬦ᭄ᬧᬢᬦ᭄ᬤᬶᬂᬳᬸᬥᭂᬧ᭄ᬜᬲᬃ
