[ ᭘᭒ 82B]
᭘᭒᭞
ᬲᬢ᭄ᬫᬓ᭞ᬲᬂᬳ᭄ᬬᬂᬯᬸᬮᬦ᭄ᬢᭂᬭᬂᬕᬮᬂᬓᬤᬶᬲᬸᬮᬸᬄ᭞ᬦᭀᬭᬓᬢᬯᭂᬗᬶᬦ᭄ᬳᬯᬦ᭄᭞ᬜᬸᬦᬭᬶᬦ᭄ᬢᬕᬢ᭄ᬧᬸᬦᬶᬓᬶ᭟᭜᭟ᬕᬶᬦᬤᬵ᭟ᬳᬸᬥᬸᬄᬤᬾᬯᬲᬂᬩ᭄ᬭᬵᬳ᭄ᬫᬵᬡ᭞ᬲᬸᬚᬢᬶᬦ᭄ᬫᭂᬲᭂᬳᬾᬰᬓ᭄ᬢᬶ᭞ᬳᬦ᭄ᬢᭂ
ᬗᬾᬳᬗ᭄ᬕᬾᬦ᭄ᬚᬮᬭᬦ᭄᭞ᬫᭂᬕᬢᬂᬳᬭᬸᬲᬾᬲᬸᬮᬸᬓ᭄᭞ᬳᬭᬸᬲ᭄ᬤᭀᬢ᭄ᬤᭀᬢᬦᬾᬫᭂᬫ᭄ᬩᬄ᭞ᬓᬸᬢᬂᬲᬫᬶ᭞ᬲᬮ᭄ᬯᬶᬃᬓᬳᬶᬦ᭄ᬤ᭄ᬭᬶᬬᬦ᭄ᬫᬦᬄ᭟ᬲᬲᬵᬫ᭄ᬧᬸᬦ᭄ᬤᬾᬯᬧᬯᬶᬓᬦ᭄᭞ᬪᬱ᭄ᬫᬶᬦ᭄ᬜ
ᬦᬾᬫᬓᬲᬫᬶ᭞ᬲᬓᬜ᭄ᬘᬦ᭄ᬲᬦᬾᬓᬤᬓᬂ᭞ᬲᭂᬓᭂᬦ᭄ᬤᬾᬯᬧᬘᬂᬯᭂᬭᬸᬄ᭞ᬳᬶᬦ᭄ᬤᬶᬓ᭄ᬱᬦᬾᬢᬦ᭄ᬓᬤᬓᬂ᭞ᬢᬦ᭄ᬓᬓᬃᬤᬶ᭞ᬳᬶᬗ᭄ᬕᬶᬄᬧᬸᬦᬶᬓᬦᬶᬃᬯᬡ᭟ᬬᬾᬦᬶᬂᬧ᭄ᬭᬤᬾᬲᬂᬩ᭄ᬭᬳ᭄ᬫᬵᬡ᭞ᬓ
ᬯᬾᬦ᭄ᬢᭂᬦᬦ᭄ᬲᬦᬾᬓᬮᬶᬄ᭞ᬓᬤᬸᬮᬸᬄᬓᬗ᭄ᬕᬾᬦ᭄ᬭᬸᬭᬸᬗᬦ᭄᭞ᬗᬸᬗ᭄ᬰᬶᬧᬲᬶᬲᬶᬦᬾᬤᬶᬢᬸ᭞ᬲᬶᬤᬢᬮᬶᬦᬾᬫᬓᭂᬚᬂ᭞ᬦᬾᬓᬸᬦᬶᬗᬶᬦ᭄᭞ᬧᬘᬂᬢᬲ᭄ᬢᬲ᭄ᬫᬩ᭄ᬭᬭᬓᬦ᭄᭟ᬚᬤ᭄ᬫᬦᬾᬲᬦᬾ
[ ᭘᭓ 83A]
ᬓᬶᬦᬸᬘᬧ᭄᭞ᬢᬦ᭄ᬭᬶᬂᬧᬲᬶᬲᬶᬳᬶᬭᬶᬓᬶ᭞ᬲᬦᬾᬚᭂᬦᭂᬓ᭄ᬓᬗ᭄ᬕᬾᬦ᭄ᬕᭂᬦᬄᬢᬦ᭄ᬭᬶᬂᬧᬲᬶᬲᬶᬦᬾᬤᬶᬢᬸ᭞ᬢᬍᬃᬢᬦ᭄ᬚᭂᬦᭂᬓ᭄ᬫᬕᭂᬦᬄ᭞ᬭᬶᬂᬓᬓᬵᬮᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬵᬳᬶᬭᬶᬓᬵ᭟ᬲᬦᬾᬢᬦ᭄ᬯᬾᬦᬵᬢᭂᬦ᭄ᬳᬶᬭᬶ
ᬓᬵ᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬳᬶᬭᬶᬓᬶ᭞ᬲᬦᬾᬮᬸᬧᬸᬢ᭄ᬲᬓᬶᬂᬩᬡ᭄ᬥ᭞ᬍᬧᬲᬓᬶᬂᬲᭂᬤᬶᬄᬲᬸᬗ᭄ᬲᬸᬢ᭄᭞ᬧᬸᬦᬶᬓᬵᬗᬯᭀᬲᬂᬢᬶᬢ᭄ᬬᬂ᭞ᬚᬢᬶᬚᬢᬶ᭞ᬳᬶᬤᬵᬲᬂᬫ᭄ᬭᬕᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬢᬦ᭄ᬮᬶᬫᬳᬶᬫᬵ᭞ᬮᬦ
ᬗᭂᬮᬭᬂᬲᬫᬵᬥᬶ᭞ᬳᬸᬭᬶᬧ᭄ᬳᬶᬧᬸᬦᬾᬗᬭᬕ᭞ᬲᬓᬶᬂᬘᬘᬤ᭄ᬥᭀᬱᬮᬸᬧᬸᬢ᭄᭞ᬲᬳᬵᬲᬮ᭄ᬯᬶᬃ᭠ᬢᬢᭂᬕᭂᬦᬦ᭄᭞ᬲᬂᬫᬳᬸᬭᬶᬧ᭄᭞ᬲᬵᬫᬵᬧᬸᬦ᭄ᬧᬸᬧᬸᬢ᭄ᬓ᭄ᬮᬓ᭄ᬱᬡᬬᬂ᭟ᬲᬫᬮᬶᬳᬵᬲᬫ᭄ᬧᬸᬦᬼᬧᬲ᭄᭞
ᬭᬶᬂᬲᬮ᭄ᬯᬶᬃᬲᬲᬃᬧᬫᬃᬕ᭄ᬕᬶ᭞ᬲᬦᬾᬲᬵᬫ᭄ᬧᬸᬦ᭄ᬲᬶᬤᬵᬦᬸᬜ᭄ᬘᬧ᭄᭞ᬗᬸᬗ᭄ᬲᬶᬭᬶᬂᬦᬶᬃᬯᬡ᭄ᬦᬮᬸᬳᬸᬃ᭞ᬧᬸᬦᬶᬓᬵᬩᬯᭀᬲᬂᬢᬶᬢ᭄ᬬᬂ᭞ᬲᬂᬳᬸᬢ᭄ᬢᬫᬶ᭞ᬳᬶᬤᬵᬲᬂᬫ᭄ᬭᬕᬩ᭄ᬭᬳ᭄ᬫᬵᬡ᭟ᬲᬹᬃᬬ᭄ᬬᬦᬾᬓᬵᬮᬭᬳᬶᬦᬵ᭞
Kaca:Bali-lontar-paparikan-dammapada-500ppi.pdf/83
Kaca puniki sampun kauji-wacén
