[ ᭘᭑ 81B]
᭘᭑᭞
ᬢᬸᬢᬾᬳᬶᬤᬵᬧᬸᬦᬶᬓᬗᬮᬾᬤᬗᬶᬦ᭄᭞ᬗᬦ᭄ᬤᬧ᭄ᬓᬲᭀᬃᬩᬦ᭄ᬩᬦ᭄ᬫᬦᬶᬲ᭄᭞ᬭᬶᬂᬲᬚ᭄ᬭᭀᬦᬶᬂᬢᬶᬗ᭄ᬓᬄᬮᬓᬸ᭞ᬫᬮᬶᬄᬲᬓᬶᬂᬗᬮᬶᬫ᭄ᬩᬓᬂ᭞ᬓᬲᬸᬩᬕ᭄ᬬᬦ᭄ᬭᬶᬂᬚ᭄ᬭᭀᬦᬶᬂᬳᬗ᭄ᬕᬧᬫᬸᬧᬸᬢ᭄᭞ᬳᬶᬤᬵᬚᬕᬫᬗᬸᬲᬦᬂ
᭞ᬓᬲᬗ᭄ᬰᬭᬦᬾᬧᬸᬦᬶᬓᬶ᭟ᬳᬲᭂᬓᬃᬬᬲ᭄ᬫᬶᬦ᭄ᬗᬸᬮᬸᬗᬂᬫᬓᬲᬫᬶ᭞ᬲᭂᬓᬃᬜᬦᬾᬭᬶᬂᬧ᭄ᬭᬣᬶᬯᬶ᭞ᬲᬦᬾᬲᬵᬫ᭄ᬧᬸᬦ᭄ᬮᬬᬸᬤᬸᬤᬸᬲ᭄᭞ᬧᬘᭂᬧᭀᬮ᭄ᬧᭀᬮ᭄ᬫᬩ᭄ᬭᬭᬓᬦ᭄᭞ᬲᬧᬸᬦᬶᬓᬧᬢᬸᬢᬾᬢᬍᬃᬲᬂᬯᬶ
ᬓᬸ᭞ᬫᬸᬲ᭄ᬢᬶᬳᬶᬤᬾᬯᬗᭂᬦ᭄ᬢᬸᬗᬂ᭞ᬳᬶᬦ᭄ᬤ᭄ᬭᬶᬬᬮᬦ᭄ᬓ᭄ᬭᭀᬥᬲᬫᬶ᭟ᬧᬭᬶᬲᭀᬮᬄᬲᬂᬪᬶᬓ᭄ᬱᬸᬓᬭᬯᭀᬲ᭄ᬫᬮᬶᬄ᭞ᬢᬍᬃᬓᬬᬸᬦ᭄ᬳᬶᬤᬵᬩᬺᬲᬶᬄ᭞ᬤᭂᬕ᭄ᬤᭂᬕ᭄ᬩᬦ᭄ᬩᬦ᭄ᬲᬳᬳᬮᬸᬲ᭄᭞ᬦᬸᬤᬸᬢ᭄ᬧᬭᬯᬶᬓᬸᬮ᭄ᬬᬦ
ᬦ᭄᭞ᬳᬾᬮᬶᬂᬫ᭄ᬯᬄᬭᬕᬦᬾᬓᭀᬋᬕ᭄ᬲᬢᬸᬯᬸᬓ᭄᭞ᬢᬸᬃᬗᬸᬢᬂᬓᬲᬸᬓᬦ᭄ᬚᬕᬢ᭄᭞ᬲᬂᬲᬦ᭄ᬢᬶᬓᬵᬓᬯᬱ᭄ᬝᬦᬶᬦ᭄᭟ᬜᬦ᭄ᬤᬂᬧᬶᬲᬦ᭄ᬢᬍᬓ᭄ᬢᭂᬓᬂᬢᬸᬭᬾᬓ᭄ᬱᬳᬶᬦ᭄᭞ᬭᬕᬦ᭄ᬳᬶᬤᬾᬯᬧᬤᬶ
[ ᭘᭒ 82A]
ᬤᬶ᭞ᬲᬓᬶᬂᬫᬗ᭄ᬭᬓ᭄ᬱᬗᬮᬦ᭄ᬢᬸᬃ᭞ᬭᬕᬦ᭄ᬳᬶᬤᬾᬯᬲᬢᬢᬵ᭞ᬢᬸᬃᬯᬲ᭄ᬧᬤᬢᬦ᭄ᬢᭂᬮᬤ᭄ᬳᬾᬮᬶᬂᬭᬶᬂᬓᬬᬸᬦ᭄᭞ᬤᬸᬄᬤᬾᬯᬧᬭᬶᬪᬶᬓ᭄ᬱᬸᬓᬵ᭞ᬤᬾᬯᬲᬸᬩᬕ᭄ᬬᬫᬳᬸᬭᬶᬧ᭄᭟ᬭᬓᬦᬾᬧᬤᬶᬤᬶᬯᬦ᭄ᬢᬄᬦᬾ
ᬲᬸᬚᬢᬶ᭞ᬧᬗ᭄ᬭᬓ᭄ᬱᬭᬩᬳᬸᬢ᭄ᬢᬫᬶ᭞ᬢᬍᬃᬫᬭᬸᬧᬧᬦᬬᬸᬄ᭞ᬦᬾᬚᬢᬶᬓᬮᬶᬦ᭄ᬢᬂᬫᬸᬮ᭄ᬬ᭞ᬳᭂᬦ᭄ᬢᭀᬫᬓ᭄ᬭᬡᬳᬸᬭᬸᬓᬂᬭᬕᬦᬾ ᬢᭂᬭᬸᬲ᭄᭞ᬲᬢ᭄ᬳᬶᬲᬸᬤᬕᬃᬗᭀᬋᬕᬂ᭞ᬓᬸᬤᬦ᭄ᬜᬦᬾᬦᬾᬉᬢ᭄ᬢ
ᬫᬶ᭟ᬓᬾᬦᬓ᭄ᬢᬸᬃᬓᬾᬩᭂᬓᬦ᭄ᬩᬕ᭄ᬬᬓᬤᬸᬮᬸᬭᬶᬦ᭄᭞ᬗᬾᬩᬓ᭄ᬧᬗᭂᬕᬦᬾᬗᬶᬮᬶᬲ᭄᭞ᬭᬶᬂᬧᬯᬭᬄᬕᬸᬭᬸᬳᬕᬸᬂ᭞ᬯᬶᬓᬸᬦᬾᬧᬸᬦᬶᬓᬓᬲᬶᬦᬄ᭞ᬫᬶᬓᭀᬮᬶᬳᬂᬓᬯᬾᬦ᭄ᬢᭂᬦ᭄ᬲᬦᬾᬮᬦ᭄ᬤᬸᬄ᭞ᬭᬶᬂᬕᭂ᭠
ᬦᬢᬾᬲᬦᬾᬦᬸᬗ᭄ᬕᬮ᭄᭞ᬲᬫᬶᬗᭀᬬᭀᬂᬢᬦ᭄ᬗᬭᬶᬢᬶᬧ᭄᭟ᬯᬶᬓᬸᬲᬦᬾᬓᬦ᭄ᬢᬸᬦ᭄ᬳᬦ᭄ᬯᬫ᭄ᬦᬾᬢᬦ᭄ᬫᬭᬶ᭞ᬢᭂᬮᬸᬩ᭄ᬧᬶᬗ᭄ᬓᬮᬶᬄᬲᬸᬢᬶᬦ᭄ᬤᬶᬄ᭞ᬭᬶᬂᬧᬯᬭᬄᬕᬸᬭᬸᬳᬕᬸᬂ᭞ᬯᬶᬓᬸᬧᬸᬦᬶᬓᬵ᭠
Kaca:Bali-lontar-paparikan-dammapada-500ppi.pdf/82
Kaca puniki sampun kauji-wacén
