[ ᭘᭐ 80B]
᭘᭐᭞
ᬲ᭄ᬫᬸᬭᬸᬩ᭄᭞ᬬᬾᬦ᭄ᬧᬤᬾᬯᬸᬯᬸᬦ᭄ᬳᬶᬤᬾᬯ᭞ᬪᬱ᭄ᬫᬶᬕᭂᬲᭂᬂᬢᬦ᭄ᬚᬲᬶᬤᬤᬾᬯᬗᭂᬮᬸᬃ᭞ᬤᬸᬄᬧᬸᬦᬶᬓᬶ᭠ᬓᬲᬗ᭄ᬰᬭᬦ᭄᭞ᬓ᭄ᬭᬡᬲᬵᬫ᭄ᬧᬸᬦᬂᬢᬦ᭄ᬳᬚᬶᬦ᭄᭟ᬢᬦ᭄ᬯᬾᬦ᭄ᬢᭂᬦ᭄ᬲᬫᬵᬥᬶᬓᭀᬘᬾᬧ᭄ᬳᬋᬧᬾᬭᬶᬂ᭞ᬚ
ᬤ᭄ᬫᬦᬾᬢᬸᬦᬦ᭄ᬧᬗᬸᬦᬶᬂ᭞ᬭᬶᬂᬓᬯᬶᬘᬓ᭄ᬱᬡᬦ᭄ᬮᬸᬳᬸᬃ᭞ᬢᬮᬼᬃᬲᬧᬸᬦᬶᬓᬵᬯᬦ᭄ᬢᬄ᭞ᬩᭀᬬᬯᬾᬦ᭄ᬢᭂᬦ᭄ᬓᬧ᭄ᬭᬚ᭄ᬜᬦ᭄ᬳᬲᭂᬍᬫ᭄ᬓᬸᬓᬸ᭞ᬭᬶᬂᬚᬤ᭄ᬫᬧᬓᬶᬭᬂᬓᬶᬭᬂ᭞ᬗᬮᬓ᭄ᬱᬡᬬᬂᬲᬫᬵᬥᬶ᭟ᬬᬾᬦ᭄ᬮᬗ᭄ᬕᬦ᭄ᬚᬤ᭄ᬫᬧᬸᬦᬶ
ᬓᬵᬓᬮᬶᬗ᭄ᬕᬦᬶᬦ᭄᭞ᬲᬦᬾᬓᬓᬮᬶᬄᬧᬸᬦᬶᬓᬶ᭞ᬤᬕᬶᬂᬲᬫᬵᬥᬶᬮᬸᬳᬸᬃ᭞ᬫᬮᬶᬄᬓᬯᬶᬘᬓ᭄ᬱᬡᬬᬦ᭄᭞ᬲᬸᬚᬢᬶᬦ᭄ᬜᬲᬂᬲᬧᬸᬦᬶᬓᬓᬯᬸᬯᬸᬲ᭄᭞ᬳᬶᬤᬵᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬚᭂᬦᭂᬓ᭄᭞ᬓ᭄ᬭᭀᬦᬶᬂᬦᬶᬃᬯ
ᬡᬫᬮᬶᬗ᭄ᬕᬶᬄ᭟ᬯᬶᬓᬸᬦᬾᬗᭂᬮᬲᬂᬭᬕᬢᬦ᭄ᬧᬓᬦ᭄ᬢᬶ᭞ᬗᬸᬮᬢᬶᬕᭂᬦᬳᬾᬲᭂᬧᬶ᭞ᬦᬾᬲᬵᬫ᭄ᬧᬸᬦ᭄ᬦᭂᬕ᭄ᬤᭂᬕᬂᬓᬬᬸᬦ᭄᭞ᬦᬾᬲᬵᬫ᭄ᬧᬸᬦ᭄ᬢᭂᬭᬂᬧᬯᬶᬓᬦ᭄᭞ᬭᬶᬂᬓᬥᬃᬫ᭄ᬫᬦ᭄ᬳᬶᬤᬵᬚᬕᬧᭀ
[ ᭘᭑ 81A]
ᬮᬶᬄᬗᬶᬦᬸᬫ᭄᭞ᬓᬲᬸᬩᬕ᭄ᬬᬦ᭄ᬳᬶᬫᬦᬸᬱ᭞ᬮᬦ᭄ᬲᬸᬓᬧᬶᬦᬶᬄᬳᬸᬢ᭄ᬢᬫᬶ᭟ᬬᬾᬦ᭄ᬚᬤ᭄ᬫᬦᬾᬓᬍᬓ᭄ᬢᭂᬓᬂᬫᬓᬬᬸᬦᬶᬦ᭄᭞ᬳᬶᬦ᭄ᬤᬶᬓ᭄ᬳᭂᬳᭂᬧ᭄ᬜᬮᬦ᭄ᬫᭂᬦ᭄ᬢᬢᭂᬧ᭄ᬚᬮᬦ᭄ᬫᭂᬦ᭄ᬢᬶᬓ᭄᭞ᬧᬜ᭄ᬘᬓᬡ᭄ᬤᬦᬾᬧᬸᬦᬶᬓᬸ᭞ᬚᬕᬗᭂᬘᬧᬶᬦ᭄ᬓᬩᬕ᭄ᬬᬦ᭄᭞
ᬲᬸᬓᬤᬳᬢ᭄ᬫᬋᬧ᭄ᬭᬶᬂᬲᬂᬲᬵᬫ᭄ᬧᬸᬦ᭄ᬘᬮᬸᬄ᭞ᬗᬬᬸᬦ᭄ᬗᬬᬸᬦᬂᬧᬸᬦᬶᬓ᭞ᬳᬶᬧᬸᬦᬼᬧᬲ᭄ᬲᬓᬶᬂᬧᬢᬶ᭟ᬫᬮᬶᬳᬵᬧᬸᬦᬶᬓᬶᬳᬦ᭄ᬤᬕ᭄ᬦᬾᬧᬗᬯᬶᬢ᭄᭞ᬲᬓᬶᬂᬲᬂᬯᬶᬓᬸᬳᬶᬭᬶᬓᬶ᭞ᬲᬦᬾᬯᬶᬘᬓ᭄ᬱᬦᬾᬂᬓᬬᬸᬦ᭄᭞
ᬳᬶᬗ᭄ᬕᬶᬄᬧᬸᬦᬶᬓᬶᬢᬦ᭄ᬮᬶᬬᬦ᭄᭞ᬫᬗᭀᬋᬕᬂᬳᬶᬦ᭄ᬤ᭄ᬭᬶᬬᬦᬾᬲᬦᬾᬧᬸᬗ᭄ᬕᬸᬂ᭞ᬕᬸᬭᬶᬧᬾᬦᬾᬲᬤᬭᬦ᭞ᬲᬶᬤᬜᬸᬓᬬᬂᬭᬶᬂᬳᬢᬶ᭟ᬲᬳᬵᬜᭀᬮᬳᬂᬲᬸᬰᬶᬮᬢᬸᬃᬫᬓᬦ᭄ᬢᬶ᭞ᬭᬶᬂᬚᬤ᭄ᬫᬦᬾ
ᬩᭂᬘᬶᬓ᭄ᬩᭂᬘᬶᬓ᭄᭞ᬲᬦᬾᬫᬲᭀᬓᬄᬭᬳᬬᬸ᭞ᬫᬮᬶᬄᬳᬦ᭄ᬢᭂᬂᬢᬦ᭄ᬚᬗ᭄ᬓᬬᬦ᭄᭞ᬗᬸᬭᬸᬓ᭄ᬭᬕᬲᬦᬾᬗ᭄ᬮᬲᬡᬬᬂᬳᬶᬤᬸᬧ᭄᭞ᬢᬦ᭄ᬜᬲᬃᬭᬶᬂᬓᬧᬢᬸᬢᬦ᭄᭞ᬲᬸᬚᬢᬶᬦᬶᬂᬫᬮᬵᬩᬺᬲᬶᬄ᭟ᬧ
Kaca:Bali-lontar-paparikan-dammapada-500ppi.pdf/81
Kaca puniki sampun kauji-wacén
