[ ᭗᭙ 79B]
᭗᭙᭞
ᬥᬶ᭟ᬬᬤ᭄ᬬᬲ᭄ᬢᬸᬦ᭄ᬳᬶᬤᬵᬢᬦ᭄ᬓᬢᬄᬫᬧᬶᬓᭀᬮᬶᬄ᭞ᬦᬗᬶᬂᬬᬦ᭄ᬯᬶᬓᬸᬦᬾᬲᬸᬘᬶ᭞ᬢᬦ᭄ᬗᬦᬶᬲ᭄ᬢᬬᬂᬧᬸᬦᬶᬓᬸ᭞ᬦᬧᬶᬲᬦᬾᬓᬓᭂᬦᬶᬬᬂ᭞ᬢᬸᬯᬶᬤᬾᬯᬲᬂᬲᬧᬸᬦᬶᬓᬓᬲᬸᬫ᭄ᬩᬸᬂ᭞ᬦᬾᬳᬸᬭᬶᬧ᭄ᬳᬶᬤᬵ
ᬦᬾᬲᬫ᭄ᬧ᭄ᬮᬄ᭞ᬢᬦ᭄ᬫᬍᬲ᭄ᬗᬸᬢ᭄ᬲᬳᬂᬤᬶᬭᬶ᭟ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬫᭂᬕᬢᬂᬫᬓᬲᬫᬶ᭞ᬲᬦᬾᬫᬤᭂᬓᭂᬢ᭄ᬭᬶᬂᬳᬢᬶ᭞ᬢ᭄ᬯᬶᬦᬾᬭᬶᬂᬳᬗ᭄ᬕᬵᬫᬢᭂᬕᬸᬮ᭄᭞ᬢᬦ᭄ᬮᬾᬦ᭄ᬳᬕᭂᬂᬓᬭᬦ᭄ᬫᬦᬄ᭞ᬫ᭄ᬭᬲᬕᭂ
ᬮᬄᬚᬤ᭄ᬫᬦᬾᬢᬦ᭄ᬲᭂᬤᬶᬄᬲᬸᬗ᭄ᬲᬸᬢ᭄᭞ᬢᭀᬮᬶᬄᬢᬦ᭄ᬯᬾᬦ᭄ᬢᭂᬦ᭄ᬧᬤᬺᬯᬾᬬᬦ᭄᭞ᬳᬶ᭠ᬗᬭᬦ᭄ᬯᬶᬓᬸᬚᬢᬶ᭟ᬲᬂᬯᬶᬓᬸᬲᬦᬾᬗᭂᬫ᭄ᬩᬗᬂᬘᬶᬦ᭄ᬢᬓᬲᬶᬄ᭞ᬢᬸᬃᬗᬮᬾᬗᬶᬸᬤᬗᬂᬭᬶᬂᬳᬢᬶ᭞ᬧ᭠
ᬧ᭄ᬮᬚᬳᬦ᭄ᬕᬸᬭᬸᬳᬕᬸᬂ᭞ᬳᬶᬤᬵᬚᬕᬫᬶᬓᭀᬮᬶᬳᬂ᭞ᬓᬲᬸᬩᬕ᭄ᬬᬦ᭄ᬢᬸᬃᬢᬸᬦ᭄ᬤᬕ᭄ᬓᬲᬦ᭄ᬢᬦ᭄᭞ᬭᬶᬂᬕᭂᬦᬄᬲᬦᬾᬢᬦ᭄ᬫᭀᬮᬄ᭞ᬲᬫᬶᬮ᭄ᬯᬶᬭᬾᬢᬦ᭄ᬗᬭᬶᬢᬶᬧ᭄᭟ᬤᬾᬯᬲᬂᬧᬭ
[ ᭘᭐ 80A]
ᬓᬶᬓ᭄ᬱᬸᬓᬵᬤᬸᬄᬢᬮᬗᬶᬦ᭄᭞ᬧ᭄ᬭᬳᬸᬦ᭄ᬤᬾᬯᬧᬸᬦᬶᬓᬶ᭞ᬬᬾᬦᬶᬂᬳᬶᬧᬸᬦ᭄ᬲᬵᬫ᭄ᬧᬸᬦ᭄ᬧᬸᬬᬸᬂ᭞ᬚᬕᬗᭂᬮᬶᬲᬂᬗᬋᬧᬂ᭞ᬧᭂᬕᬢᬂᬚᬳᬶᬦ᭄ᬤ᭄ᬭᬶᬬᬮᬦ᭄ᬓ᭄ᬭᭀᬥᬦ᭄ᬓᬬᬸᬦ᭄᭞ᬚᬕᬧᬲᬶᬲᬶᬦ᭄ᬦᬶᬃᬯᬡ᭄ᬦ᭞ᬲᬓᬶᬂᬧᬸ
ᬦᬶᬓᬵᬓᬧᬗ᭄ᬕᬶᬄ᭟ᬓᬸᬢᬂᬚᬲᬦᬾᬮᬮᬶᬫᬢᬸᬃᬧᭂᬕᬢᬶᬦ᭄᭞ᬦᬾᬮᬮᬶᬫᬮᬾᬦᬦ᭄ᬫᬮᬶᬄ᭞ᬓᭂᬫ᭄ᬩᬗᬂᬦᬾᬮᬶᬫᬢᭂᬭᬸᬲ᭄᭞ᬯᬶᬓᬸᬦᬾᬲᬵᬫ᭄ᬧᬸᬦ᭄ᬗ᭄ᬯᬲᬬᬂ᭞ᬦᬾᬮᬂᬮᬶᬫᬧᬦᭂᬕᬸᬮᬦᬾᬧᬶᬂᬭᬸ᭠
ᬳᬸᬦ᭄᭞ᬳᬶᬤᬵᬫᬗᭂᬦ᭄ᬢᬧ᭄ᬩᭂᬮᬩᬃ᭞ᬲᬧᬸᬦᬶᬓᬵᬓᬯᬲ᭄ᬢᬦᬶᬦ᭄᭞ᬤᬾᬯᬲᬂᬧᬭᬪᬶᬓ᭄ᬱᬸᬓᬳᬬ᭄ᬯᬮᬮᬶ᭞ᬧᬕᭂᬳᬂᬚᬫᬲᬫᬵᬥᬶ᭞ᬲᬵᬫ᭄ᬧᬸᬦᬂᬚᬤᬾᬯᬗᬸᬮᬸᬃ᭞ᬫᬗ᭄ᬕᬬᬂᬓᬬᬸᬦ᭄ᬳᬶᬤᬾᬯ᭞ᬫᬳᬶᬍ
ᬳᬦ᭄ᬫᬘᬦ᭄ᬤᬳᬶᬧᬸᬦ᭄ᬲᬢᬸᬯᬸᬓ᭄᭞ᬭᬶᬂᬧᬚᬚᬳᬦ᭄ᬳᬶᬦ᭄ᬤ᭄ᬭᬶᬬ᭞ᬲᬦᬾᬓᬢᬄᬢᬦ᭄ᬧᬢᬦ᭄ᬤᬶᬂ᭟ᬲᬵᬫ᭄ᬧᬸᬦᬂᬚᬫᬦᬸᬳᬸᬢᬂᬲᬸᬓᬦ᭄ᬳᬢᬶ᭞ᬚᬦ᭄ᬢᭀᬲ᭄ᬗᬸᬦ᭄ᬢᬮ᭄ᬩᭀᬮᬩᭂᬲᬶ᭞ᬲᬦᬾᬩᬭᬓ᭄ᬧᬦ᭠
Kaca:Bali-lontar-paparikan-dammapada-500ppi.pdf/80
Kaca puniki sampun kauji-wacén
