[ ᭗᭓ 73B]
᭗᭓᭞
ᬳᬶᬧᬸᬦ᭄ᬲᬦᬾᬫᬶᬬᬶᬓ᭄᭞ᬲᬵᬫ᭄ᬧᬸᬦᬂᬯᬾᬳᬶᬦᬭᬯᬸᬄ᭞ᬳ᭄ᬬᬂᬓᬵᬮᬫᬺᬢ᭄ᬬᬸᬫᬗ᭄ᬭᬸᬲᬓ᭄᭞ᬳᬶᬤᬾᬯᬫᬯᬮᬶᬯᬮᬶ᭞ᬓᬤᬶᬩ᭄ᬮᬩᬸᬃ᭞ᬗᬜᬸᬢ᭄ᬢᬶᬬᬶᬗᬾᬮᬶᬗ᭄ᬲᭂᬳᬦ᭄᭟ᬲᬓᬤᬶᬯᬭᬸᬢᬭᬸᬯ
ᬦ᭄᭞ᬬᬾᬦ᭄ᬳᬓᬄᬜᬓᬸᬓᬸᬄᬢᬭᬶ᭞ᬢ᭄ᬯᬶᬯᬶᬢ᭄ᬳᬶᬧᬸᬦ᭄ᬳᬸᬕᭂᬮ᭄ᬧᭂᬕᬢ᭄᭞ᬳᬶᬧᬸᬦ᭄ᬚᬕᬫᭂᬦ᭄ᬢᬶᬓ᭄ᬫᬮᬶᬄ᭞ᬫᬸᬜ᭄ᬘᬸᬓ᭄ᬓᭂᬤᬧᬦ᭄ᬫᬍᬚᬶᬢ᭄᭞ᬓᬤᬶᬲᬧᬸᬦᬶᬓᬵᬳᬶᬧᬸᬦ᭄᭞ᬬᬾᬦ᭄ᬓᬶᬢᬦᬾᬤᬸᬭᬸᬂᬢᭂᬮᬲ᭄᭞ᬭᬯᬸᬄ
ᬳᬓᬄᬢᭂᬮᬲ᭄ᬕᬤᬶᬂ᭞ᬲᭂᬤᬶᬄᬲᬸᬗ᭄ᬲᬸᬢ᭄᭞ᬢ᭄ᬭᬸᬲ᭄ᬫᭂᬦ᭄ᬢᬶᬓ᭄ᬩᬸᬲᬦ᭄ᬩᬸᬲᬦ᭄᭟ᬬᬾᬦ᭄ᬚᬤ᭄ᬫᬦᬾᬭᬶᬂᬤᬾᬯᬾᬓ᭄ᬜ᭞ᬓᬢᬶᬕᬂᬤᬰᬦᭂᬫ᭄ᬲᬫᬶ᭞ᬳᬭᬸᬲ᭄ᬳᬶᬦ᭄ᬤ᭄ᬭᬶᬬᬦ᭄ᬜᬫᭂᬫᬩᬄ᭞ᬮᬚᬸᬦᭀᬫ᭄ᬧ᭄ᬮᭀᬓ᭄ᬱᬦᬾ
ᬓᬧ᭄ᬢᬶ᭞ᬭᬭᬶᬲ᭄ᬚᬤ᭄ᬫᬦᬾᬦᬾᬧᬮᬶᬂ᭞ᬲᬦᬾᬢᬫ᭄ᬩᭂᬢ᭄ᬫᬮᬶᬄᬧᬸᬗ᭄ᬕᬸᬂ᭞ᬳᭀᬫᬩᬓᬦ᭄ᬫᬦᬄᬧᬸᬦᬶᬓᬵ᭞ᬦᬾᬫᬭᬸᬧᬓᬶᬢᬦ᭄ᬳᬢᬶ᭞ᬚᬕᬗᬜᬸᬢ᭄᭞ᬤᬾᬦᬾᬶᬸᬯᬓ᭄ᬳᬶᬧᬸᬦ᭄ᬲᬂᬓᬲ
[ ᭗᭔ 74A]
ᬲᬃ᭟ᬅᬭᬸᬲ᭄ᬓᬫᬼᬤᬦ᭄ᬧᬸᬦᬶᬓᬵ᭞ᬫᭂᬫ᭄ᬩᬄᬢ᭄ᬭᬸᬲ᭄ᬓᭂᬫᭀᬫᬳᬶ᭞ᬦᬾᬯᬮᬸᬬᬩᬸᬦ᭄ᬓᭂᬲᬾᬮ᭞ᬫᬸᬜ᭄ᬘᬸᬓ᭄ᬲᭂᬳᭂᬦᬦ᭄ᬜᬫᬼᬚᬶᬢ᭄᭞ᬧᬢᭂᬋᬩᭂᬲ᭄ᬳᬶᬧᬸᬦ᭄ᬫᭂᬦ᭄ᬢᬶᬓ᭄᭞ᬓᬵᬮᬧᬸᬦᬧᬶᬢᬦ᭄ᬗᬶᬢᬸᬂ᭞
ᬬᬾᬦ᭄ᬧᬤᬾᬳᬶᬤᬾᬯᬜᬶᬗᬓ᭄᭞ᬲᭂᬢᭂᬦᬦ᭄ᬳᬶᬧᬸᬦ᭄ᬫᬍᬚᬶᬢ᭄᭞ᬕ᭄ᬮᬶᬲ᭄ᬩᬸᬢ᭄ᬩᬸᬢ᭄᭞ᬳᬓᬄᬜᬳᬦ᭄ᬢᬸᬓ᭄ᬓᬧ᭄ᬭᬚ᭄ᬜᬦ᭄᭟ᬯᬾᬦᬵᬢᭂᬦ᭄ᬭᬱᬍᬕᬫᭂᬫ᭄ᬩᬄ᭞ᬭᬶᬂᬤᬾᬯᬾᬓ᭄ᬱᬃᬯ᭄ᬯ
ᬫᬳᬸᬭᬶᬧ᭄᭞ᬦᬸᬚᬸᬦᬭᬾᬓᬲᬸᬓᬵᬬᬂ᭞ᬢ᭄ᬭᬸᬲ᭄ᬳᬶᬧᬸᬦ᭄ᬚᬕᬳᬶᬮᬶᬤ᭄᭞ᬭᬶᬂᬚ᭄ᬭᭀᬦᬶᬂᬓᬫ᭄ᬩᭂᬤᬦ᭄ᬳᬢᬶ᭞ᬬᬾᬦ᭄ᬢᭂᬍᬩ᭄ᬭᬶᬂᬲᬸᬓᬦ᭄ᬓᬬᬸᬦ᭄᭞ᬚᬕᬗᬸᬩᭂᬭᬶᬦ᭄ᬓᬲᬸᬓᬦ᭄᭞ᬲᬂᬲ᭠
ᬧᬸᬦᬶᬓᬵᬲᬸᬚᬢᬶ᭞ᬢᭂᬭᬸᬲ᭄ᬳᬶᬧᬸᬦ᭄᭞ᬫᬗ᭄ᬕᬶᬄᬢᬸᬳᬵᬧᬢᬶᬍᬓᬤ᭄᭟ᬚᬤ᭄ᬫᬵᬧᬸᬦᬶᬓᬵ ᬓᬗᭀᬦᬂ᭞ᬳᬦ᭄ᬢᬸᬓ᭄ᬓᬶᬢᬦ᭄ᬜᬦᬾᬰᬓ᭄ᬢᬶ᭞ᬓᬩᬭᬢ᭄ᬩᬶᬭᬶᬢ᭄ᬳᬶᬍᬢᬦ᭄᭞ᬓᬦᬶᬓᬶ
Kaca:Bali-lontar-paparikan-dammapada-500ppi.pdf/74
Kaca puniki sampun kauji-wacén
