[ ᭗᭔ 74B]
᭗᭔᭞
ᬤᬂᬓᬩᭀᬭᭀᬲᬶᬦ᭄᭞ᬫᬩ᭄ᬭᬶᬕᬸᬢᭂᬓᭂᬓ᭄ᬫᬢᬮᬶ᭞ᬳᬦ᭄ᬢᬸᬓ᭄ᬧᬦᭂᬕᬸᬮᬦ᭄ᬳᬶᬧᬸᬦ᭄᭞ᬢᬦ᭄ᬮᬾᬦ᭄ᬮ᭄ᬯᬶᬃᬲᬲᭂᬦᭂᬗᬦ᭄᭞ᬓᬾᬗᬶᬦ᭄ᬓᬲᬗ᭄ᬰᬭᬦ᭄ᬲᭂᬤᬶᬄ᭞ᬭᬯᬸᬄᬗᬧᬸᬲ᭄᭞ᬤᬾᬯᬾ
ᬓ᭄ᬳᬶᬧᬸᬦ᭄ᬩᬸᬲᬦ᭄ᬩᬸᬲᬦ᭄᭟ᬚᬤ᭄ᬫᬧᬸᬦᬶᬓᬵᬓᬗᭀᬦᬂ᭞ᬳᬦ᭄ᬢᬸᬓ᭄ᬓᬫᬼᬤᬦᬾᬰᬓ᭄ᬢᬶ᭞ᬧᬢᬶᬓᭂᬧᬸᬕ᭄ᬫᬳᬶᬍᬳᬦ᭄᭞ᬓᬤᬶᬓᬶᬤᬗᬾᬩᭀᬭᭀᬲᬶᬦ᭄᭞ᬯᬶᬭᬾᬄᬲᬧᬸᬦᬶᬓᬵ
ᬚᬢᬶ᭞ᬫᬓ᭄ᬭᬡᬲᬂᬧᬭᬵᬯᬶᬓᬸ᭞ᬦᬾᬫᭂᬍᬤ᭄ᬭᬶᬂᬓᬍᬧᬲᬦ᭄᭞ᬲᬓᬶᬂᬓᬶᬢᬦᬾᬗᬾᬯᭂᬳᬶᬦ᭄᭞ᬧᬢᬸᬢ᭄ᬮᬚᬸ᭞ᬗᬸᬢᬂᬤᭀᬢ᭄ᬤᭀᬢᬦ᭄ᬧᬸᬦᬶᬓᬵ᭟ᬚᬤ᭄ᬫᬵᬲᬦᬾᬲᬵᬫ᭄ᬧᬸ
ᬦ᭄ᬍᬧᬲ᭄᭞ᬲᬓᬶᬂᬓᬳᬶᬦ᭄ᬤ᭄ᬭᬶᬬᬦ᭄ᬳᬢᬶ᭞ᬍᬕᬫᬳᬸᬭᬶᬧ᭄ᬭᬶᬂᬳᬮᬲ᭄᭞ᬦᬵᬗᬶᬂᬲᬵᬲᬫ᭄ᬧᬸᬦᬾ ᬓᬮᬶᬲ᭄᭞ᬲᬓᬶᬂᬓᬶᬢᬦᬾᬗᬮᬶᬮᬶᬢ᭄᭞ᬭᬭᬶᬲ᭄ᬫᬯᬮᬶᬓᬤᬸᬲᬸᬦ᭄᭞
[ ᭗᭕ 75A]
ᬳᬶᬦ᭄ᬤᬬᬂᬤᬸᬭᬸᬲᬂᬘᬗᬓ᭄᭞ᬚᬤ᭄ᬫᬦᬾᬧᬸᬦᬶᬓᬵᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬮᬸᬧᬸᬢ᭄᭞ᬫᬯᬮᬶᬜᭂᬍᬧᬶᬦ᭄ᬚᭂᬩᬕ᭄᭟ᬲᬂᬯᬶᬘᬓ᭄ᬱᬡᬫᬯᭀᬲᬂ᭞ᬬᬾᬦ᭄ᬢᬮᬶᬦᬾᬳᬦ᭄ᬢᬸᬓ᭄ᬩᭂᬲᬶ᭞ᬳᬦ᭄ᬢᬸᬓ᭄ᬩ
ᬕᬸᬲᬦᬾᬓᬸᬯᬢ᭄᭞ᬢ᭄ᬯᬶᬧᬦᭂᬕᬸᬮᬦ᭄ᬧᬜᬮᬶᬦ᭄᭞ᬯᬦ᭄ᬢᬄᬧᬦᭂᬕᬸᬮᬦ᭄ᬓᭂᬜᬶᬄ᭞ᬗᬶᬂᬢᬮᬶᬦᬾᬮᬸᬢ᭄ᬩᬓᬸᬄ᭞ᬫᭂᬍᬤᬾᬭᬶᬂᬧᬧᬬᬲᬦ᭄᭞ᬫᬲ᭄ᬲᬲᭀᬘᬦ᭄ᬧᬸᬢ᭄ᬭᬓᬮᬶᬄ᭞ᬭᬩᬶ
ᬧᬸᬢᬸ᭞ᬦᬾᬳᬶᬲ᭄ᬢ᭄ᬭᬶᬉᬢᬯᬶᬮᬦᬂ᭟ᬲᬂᬲᬫ᭄ᬧᬸᬦ᭄ᬫᬭᬕᬧ᭄ᬭᬚ᭄ᬜᬦ᭄᭞ᬳᬶᬤᬵᬗᬦ᭄ᬤᬶᬓᬬᬂᬚᬢᬶ᭞ᬧᬦᭂᬕᬸᬮᬦ᭄ᬲᬦᬾᬓᬸᬯᬢ᭄᭞ᬢᬮᬶᬦᬾᬜᬶᬤᬬᬂᬫᬳᬶᬤ᭄᭞ᬢᬶᬩᬓᬦ᭄ᬭᬓᬩᬮᬶᬮᬶ
ᬓ᭄᭞ᬲᬦᬾᬗᬍᬲ᭄ᬫᬮᬶᬄᬓᬸᬓᬸᬄ᭞ᬧᬦᭂᬕᬸᬮᬦ᭄ᬲᬦᬾᬓᬸᬯᬢ᭄᭞ᬲᭂᬗ᭄ᬓᬵᬳᬦ᭄ᬢᬸᬓ᭄ᬫᬫᭂᬕᬢᬶᬦ᭄᭞ᬫᬾᬯᭂᬄᬗᭂᬮᬸᬲ᭄᭞ᬲᬧᬸᬦᬶᬓᬵᬓᬩᬯᭀᬲᬂ᭞ᬦᬵᬗᬶᬂᬓᬾᬲᬂᬯᬶᬘᬓ᭄ᬱᬡ᭞
Kaca:Bali-lontar-paparikan-dammapada-500ppi.pdf/75
Kaca puniki sampun kauji-wacén
