[ ᭗᭒ 72B]
᭗᭒᭞
ᬮᬶᬢ᭄᭞ᬓᭂᬫ᭄ᬩᬂᬗᬮᬶᬫ᭄ᬩᬓ᭄ᬢᬦ᭄ᬫᬭᬶ᭞ᬲᬢ᭄ᬯᬮᬸᬬᬵᬓᬲᬾᬮᬩᬸᬦ᭄᭞ᬢᬍᬃᬩ᭄ᬯᬶᬦ᭄ᬩᭀᬚᭀᬓ᭄ᬦᬾᬩᬶᬦᬮ᭄᭞ᬢ᭄ᬭᬸᬲ᭄ᬳᬶᬧᬸᬦ᭄ᬓᭂᬘᬲ᭄ᬓᭂᬘᬶᬲ᭄᭞ᬲᬓᬶᬂᬢᬭᬸ᭞ᬓᬢᬭᬸᬦᬾᬲᬦᬾᬮᬾᬦᬦ᭄᭟ᬧ᭄ᬭᬬᬗᬭᬸᬭᬸᬄ
ᬯᭀᬄᬯᭀᬳᬦ᭄᭞ᬓᬤᬶᬲᬧᬸᬦᬶᬓᬵᬉᬕᬶ᭞ᬳᬶᬧᬸᬦ᭄ᬚᬕᬓᬢᬮ᭄ᬬᬦ᭄᭞ᬢᭂᬓᭂᬓ᭄ᬫᬢᭂᬕᬸᬮ᭄ᬳᬭᬶᬭᬶᬲ᭄᭞ᬳᬦ᭄ᬢᬸᬓ᭄ᬓᬶᬢᬦ᭄ᬜᬦᬾᬲᬫᬶ᭞ᬮᬾᬦ᭄ᬫᭂᬍᬤ᭄ᬳᬶᬧᬸᬦ᭄ᬓᬸᬓᬸᬄ᭞ᬓᭂᬫᭀᬫᬳᬶᬫᬗᬸᬫ᭄ᬩᬭᬵ᭞
ᬭᬶᬂᬚ᭄ᬭᭀᬦᬶᬂᬫᬳᬸᬭᬶᬧ᭄ᬫᬗ᭄ᬓᬶᬦ᭄᭞ᬢᬸᬃᬗᬮᬦ᭄ᬢᬸᬃ᭞ᬭᬶᬂᬳᬸᬭᬶᬧ᭄ᬲᬦᬾᬮᬾᬦ᭄ᬮᬾᬦᬦ᭄᭟ᬚᬤ᭄ᬫᬦᬾᬲᬦᬾᬓᬓᭀᬤᬕ᭄᭞ᬲᬸᬲᬸᬧᬶᬦ᭄ᬤᭀᬢ᭄ᬤᭀᬢᬦ᭄ᬳᬢᬶ᭞ᬲᬦᬾᬕᭂᬫᭂᬲ᭄ᬩ᭄ᬭᬓᬧᬓᬦ᭄᭞ᬲ
ᬦᬾᬗᬾᬩᭂᬓ᭄ᬓᬤᬕᬶᬗᬶᬦ᭄᭞ᬯᬶᬲᬯᬶᬲᬵᬗᬍᬢᬸᬳᬶᬦ᭄᭞ᬭᬶᬂᬚᬕᬢ᭄ᬧᬸᬦᬶᬓᬶᬓᬲᬸᬩ᭄᭞ᬲᭂᬤᬶᬄᬜᬦᬾᬚᬕᬓᭂᬫ᭄ᬩᬂ᭞ᬫᬮ᭄ᬬᬄᬗᬮᬶᬫ᭄ᬩᬓ᭄ᬭᬭᬶᬲ᭄᭞ᬲᬫᬄᬢᬸᬫ᭄ᬩᬸᬄ᭞ᬲᬓᬤᬶᬧᬤᬂᬩᬶ᭠
[ ᭗᭓ 73A]
ᬭᬦᬵ᭟ᬚᬤ᭄ᬫᬦᬾᬲᬦᬾᬜᬶᬤᬬᬂ᭞ᬦᬸᬗ᭄ᬓᬸᬮᬂᬓᬶᬦ᭄ᬤ᭄ᬭᬶᬬᬦ᭄ᬳᬢᬶ᭞ᬲᬦᬾᬯᬶᬭᭀᬱᬗᬮᬶᬫ᭄ᬩᬓ᭄᭞ᬦᬾ ᬩᭂᬓᬶᬦ᭄ᬯᬶᬱᬜᬓᬶᬢᬶᬦ᭄᭞ᬭᬶᬂᬚᬕᬢ᭄ᬮᬶᬗ᭄ᬕᬄᬧᬸᬦᬶᬓᬶ᭞ᬲᭂᬤᬶᬄᬳᬶᬧᬸᬦ᭄ᬚᬕ
ᬍᬩᬸᬃ᭞ᬲᬓᬤᬶᬓᭂᬢᬾᬮᬦ᭄ᬢᭀᬬ᭞ᬲᬦᬾᬧᬲ᭄ᬭᬾᬢ᭄ᬘᭂᬢ᭄ᬗᭂᬢᬾᬮᬶᬦ᭄᭞ᬤᬯᬸᬦ᭄ᬢᬸᬜ᭄ᬚᬸᬂ᭞ᬓᬮᬶᬲ᭄ᬳᬜᬸᬤ᭄ᬢᬦ᭄ᬧᬢᬫ᭄ᬧᬓ᭄᭟ᬧᬸᬦᬶᬓᬶᬲᬶᬦᬳᬂᬢᬶᬢ᭄ᬬᬂ᭞ᬭᬶᬂᬳᬶᬤᬾᬯᬲᬦᬾ
ᬫᬗ᭄ᬓᬶᬦ᭄᭞ᬫᬸᬕᬶᬫᬸᬕᬶᬩᬕ᭄ᬬᬤᬳᬢ᭄᭞ᬦᬾᬢᬶᬤᬾᬯᬵᬲᬋᬂᬲᬫᬶ᭞ᬲᬦᬾᬲᬤ᭄ᬬᬵᬗᬭᬯᬸᬳᬶᬦ᭄᭞ᬳᬶᬭᬶᬓᬶᬤᬾᬯᬫᬧᬸᬦ᭄ᬤᬸᬄ᭞ᬫᬃᬕ᭄ᬕᬶᬩᬸᬢ᭄ᬩᬸᬢᬶᬦ᭄ᬢᬶᬮᬲᬂ᭞ᬲᬓᬦ᭄ᬘᬦ᭄ᬳᬶᬦ᭄ᬤ᭄ᬭᬶᬬᬦ᭄ᬳᬢᬶ᭞
ᬚᬦ᭄ᬢᭀᬲ᭄ᬧᬸᬧᬸᬢ᭄᭞ᬭᬯᬸᬳᬶᬂᬳᬓᬄᬳᬓᬄᬜ᭟ᬓᬤᬶᬚᬤ᭄ᬫᬦᬾᬢᬦ᭄ᬩᬶᬦ᭞ᬧ᭄ᬭᬬᬢ᭄ᬦᬳᬶᬧᬸᬦ᭄ᬫᬸᬢ᭄ᬩᬸᬢᬶᬦ᭄᭞ᬢᬦ᭄ᬮᬾᬦ᭄ᬳᬶᬧᬤᬂᬩᬶᬭᬦᬵ᭞ᬚᬦ᭄ᬢᭀᬲ᭄ᬲᬶᬤᬵᬫᬧᬶᬓᭀᬮᬶᬄ᭞ᬳᬓ
Kaca:Bali-lontar-paparikan-dammapada-500ppi.pdf/73
Kaca puniki sampun kauji-wacén
