[ ᭕᭘ 58B]
᭕᭘᭞
ᬧᬸᬦ᭄ᬪᬱ᭄ᬫᬶ᭞ᬲᬦᬾ ᬳᬮᬶᬢ᭄ᬤ᭄ᬬᬲ᭄ᬢᬸᬳᬕᬸᬂ᭞ᬩᭀᬬᬯᬾᬦᬵᬢᭂᬦ᭄ᬫᬕᬦ᭄ᬢᬸᬮᬦ᭄᭞ᬲᬂᬧᬸᬦᬶᬓᬯᬱ᭄ᬝᬦᬶᬦ᭄ᬯᬶᬓᬸ᭞ᬭᬾᬄᬳᬶᬧᬸᬦ᭄ᬲᬵᬫ᭄ᬧᬸᬦ᭄ᬗᬲᭀᬭᬂ᭞ᬓᬘᭀᬭᬳᬦ᭄ᬫᬓᬲᬫᬶ᭟
ᬤᬸᬭᬸᬂᬤᬤᭀᬲ᭄ᬓᬩᬯᭀᬲᬂᬗᬯᬶᬓᭀᬦᬶᬦ᭄᭞ᬳᬦᬓ᭄ᬱᬦᬾᬗᬶᬤᬶᬄᬗᬶᬤᬶᬄ᭞ᬦᬾᬯᬦ᭄ᬢᬄᬜᬭᬢᬂᬲᬗᬸ᭞ᬦᬸᬦᬲ᭄ᬭᬶᬂᬳᬦᬓᬾᬮᬾᬦᬦ᭄᭞ᬲᬸᬚᬢᬶᬦ᭄ᬜᬦᬾᬤᬤᭀᬲ᭄ᬓᬭᬦᬶ
ᬦ᭄ᬪᬶᬓ᭄ᬱᬸ᭞ᬲᬓᬶᬂᬜᭀᬮᬳᬂᬲᬸᬰᬶᬮᬵ᭞ᬩᭀᬬᬲᬓᬶᬂᬗᬶᬤᬶᬄᬗᬶᬤᬶᬄ᭟ᬭᬶᬂᬳᬶᬦ᭄ᬤᬶᬓ᭄ᬧᬸᬦᬶᬓᬲᬶᬦᬄᬲᬦᬾᬫᭀᬮᬶᬄ᭞ᬚᬤ᭄ᬫᬦᬾᬲᬶᬤᬗᬢᬲᬶᬦ᭄᭞ᬓᬲᭀᬭᬳᬦ᭄ᬲᬮ᭄ᬯᬶᬃ
ᬳᬶᬧᬸᬦ᭄᭞ᬳᬧᬶᬢᬸᬯᬶᬓᬧᬢᬸᬢᬦ᭄᭞ᬲᬫᬮᬶᬳᬵᬢᬦ᭄ᬘᬾᬤᬵᬭᬶᬂᬢᬶᬗ᭄ᬓᬄᬮᬓᬸ᭞ᬦᬾᬳᬸᬦᬶᬂᬭᬶᬂᬧᬚᬕᬢᬦ᭄᭞ᬳᬶᬧᬸᬦ᭄ᬓᭀᬘᬧ᭄ᬪᬶᬓ᭄ᬱᬸᬚᬢᬶ᭟ᬢᬦ᭄ᬲᬓᬶᬂᬳᬸᬭᬶᬧᬾᬗᬮ
[ ᭕᭙ 59A]
ᬲ᭄ᬗᬸᬮᬄᬲᭂᬧᬶ᭞ᬫᬮᬶᬄᬧᬤᬶᬤᬶᬗᬮᬶᬦ᭄ᬢᬶᬓ᭄᭞ᬫᬫᭀᬦᬢᬦ᭄ᬗᬸᬘᬧ᭄ᬢᭂᬭᬸᬲ᭄᭞ᬫᬫᭂᬕᭂᬂᬢᬦ᭄ᬫᬓ᭄ᬮᬶᬲᬓᬦ᭄᭞ᬲᬂᬯᬶᬫᬸᬤᬵᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬧᬸᬗ᭄ᬕᬸᬂ᭞ᬳᬶᬧᬸᬦ᭄ᬧᬸᬦᬶᬓᬵᬜᭂᬗ᭄ᬕᬸᬳᬂ᭞ᬲᬶ
ᬤᬵᬤᬤᭀᬲ᭄ᬳᬦᬓ᭄ᬱᬸᬘᬶ᭞ᬦᬵᬗ᭄ᬳᬶᬂᬓᬾᬲᬯᬶᬘᬓ᭄ᬱᬡᬦᬾᬲᬓᬤᬶ᭞ᬗᬫᭂᬮ᭄ᬢᬶᬫ᭄ᬩᬗᬦ᭄ᬫᬳᬸᬭᬶᬧ᭄᭞ᬲᬦᬾᬲᬵᬫ᭄ᬧᬸᬦ᭄ᬗᬗ᭄ᬕᬾᬦ᭄ᬲᬸᬮᬸᬄ᭞ᬫᬧᬗᬜ᭄ᬘᬦ᭄ᬓᬧᬢᬸᬢᬦ᭄᭞ᬢᬸᬃᬜᬫ᭄ᬧᬢᬂᬲ
ᬮ᭄ᬯᬶᬃᬧᬤᬩ᭄ᬤᬩᬾ ᬍᬢᬸᬄ᭞ᬓᬘᭀᬭᬳᬦ᭄ᬲᬫᬶᬓᭂᬤᬲ᭄᭞ᬳᬶᬧᬸᬦ᭄ᬚᬢᬶᬳᬦᬓ᭄ᬱᬸᬘᬶ᭟ᬲᬓᬶᬂᬳᬶᬦ᭄ᬤᬶᬓᬾᬓᬶᬦᬘᬧ᭄ᬫᬓᬩᬶᬩᬶᬢ᭄᭞ᬳᬶᬧᬸᬦ᭄ᬤᬤᭀᬲ᭄ᬳᬦᬓ᭄ᬱᬸᬘᬶ᭞ᬲᬫᬮᬶᬳᬵᬢᬢ
ᬲ᭄ᬯᭂᬭᬸᬄ᭞ᬭᬶᬂᬚᬕᬢ᭄ᬲᬦᬾᬭᬶᬂᬚᬩ᭞ᬢ᭄ᬯᬶᬭᬶᬂᬢᭂᬗᬄᬚᬕᬢᬾᬓᬮᬶᬄᬧᬸᬦᬶᬓᬸ᭞ᬧᬸᬦᬶᬓᬲᬦᬾᬗᬯᬶᬦᬂ᭞ᬳᬶᬧᬸᬦ᭄ᬓᭀᬘᬧ᭄ᬳᬦᬓ᭄ᬱᬸᬘᬶ᭟ᬚᬤ᭄ᬫᬦᬾᬲᬦᬾᬲᬢᬢᬫᬜᬓᬶ
Kaca:Bali-lontar-paparikan-dammapada-500ppi.pdf/59
Kaca puniki sampun kauji-wacén
