[ ᭕᭙ 59B]
᭕᭙᭞
ᬢᬶᬦ᭄᭞ᬲᬓᬜ᭄ᬘᬦ᭄ᬯᬢᭂᬓ᭄ᬫᬳᬸᬭᬶᬧ᭄᭞ᬢᬦ᭄ᬚᬤ᭄ᬫᬫᬸᬮ᭄ᬬᬓᬯᬸᬯᬸᬲ᭄᭞ᬉᬢᬯᬶᬲᬂᬫᬭᬕᬳᬃᬬ᭄ᬬ᭞ᬬᬦ᭄ᬢᬦ᭄ᬗᭀᬤᬵᬗᬮᬳᬮᬵᬯᬢᭂᬓ᭄ᬳᬶᬤᬸᬧ᭄᭞ᬳᬶᬧᬸᬦ᭄ᬚᬤ᭄ᬫᬲᬦᬾ ᬫᬸᬮ᭄ᬬ᭞ᬢᬍᬃ
ᬳᬃᬬ᭄ᬬᬓᬯᬱ᭄ᬝᬦᬶᬦ᭄᭟ᬢᬦ᭄ᬯᬦ᭄ᬢᬄᬲᬓᬶᬂᬲᬸᬰᬶᬮᬵᬳᬯᬶᬢᬸᬯᬶ᭞ᬗᭂᬫᭂᬢ᭄ᬫᬢᬧᬢᬦ᭄ᬲᬶᬧᬶ᭞ᬢᬍᬃᬢᬦ᭄ᬲᬶᬤᬵᬓᬧᬗ᭄ᬕᬸᬄ᭞ᬭᬶᬬᬦ᭄ᬢᬸᬓ᭄ᬓᬢᬄᬫᬮᬚᬄ᭞ᬢᬍᬃᬩᭀᬬᬦᭂᬕᬓ᭄ᬭᬶᬂᬕᭂᬦᬳᬾ
ᬲᬸᬯᬸᬂ᭞ᬉᬕᬶᬩᭀᬬᬲᬓᬶᬂᬲᭀᬮᬄ᭞ᬯᬦ᭄ᬢᬄᬗᭂᬫ᭄ᬩᬗᬂᬲᬫᬵᬤᬶ᭟ᬳᬹᬥᬸᬄᬲᬂᬧᬭᬪᬶᬓ᭄ᬲᬸᬓᬵᬧᬓᬬᬸᬦᬶᬦ᭄᭞ᬲᬵᬫ᭄ᬧᬸᬦᬂᬚᬵᬫ᭄ᬭᬱᬢᬺᬧ᭄ᬢᬶ᭞ᬲᬵᬫ᭄ᬧᬸᬦᬂᬚᬗ᭄ᬕᭂᬮ᭄ᬗᬭᬸᬭᬸᬄ᭞ᬲᬤᬸᬭᬸᬂᬤᬾ
ᬯᬫᬓᬢᬂ᭞ᬫᬸᬗ᭄ᬕ᭄ᬯᬶᬂᬳᬶᬘᬮ᭄ᬓᬧᬶᬂᬓᬮᬶᬄᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬲᬓᬜ᭄ᬘᬦᬶᬂᬭᬋᬕᭂᬤᬦ᭄᭞ᬦᬸᬜ᭄ᬘᬧ᭄ᬧᬮᬶᬢ᭄ᬧᬶᬮᬶᬄᬲᬸᬘᬶ᭟᭐᭟ᬕᬶᬦᬤᬵ᭟᭐᭟ᬫᬕ᭄ᬕᬓᬸᬢᬸᬲᬾᬉᬢ᭄ᬢᬫ᭞
[ ᭖᭐ 60A]
ᬫᬃᬕᬶᬲᬦᬾᬧᬶᬦᬶᬄᬍᬯᬶᬄ᭞ᬫᬃᬕᬶᬦᬸᬚᬸᬓᬍᬧᬲᬦ᭄᭞ᬓᬲᬸᬜᬢᬦ᭄ᬧᬶᬦᬶᬄᬮᬸᬳᬸᬃ᭞ᬧᬢ᭄ᬧᬢ᭄ᬓᬲᬸᬜᬢᬦ᭄ᬫᬸᬮ᭄ᬬ᭞ᬢᬦ᭄ᬧᬢᬦ᭄ᬤᬶᬂ᭞ᬢᬦ᭄ᬲᬶᬤᬳᬦ᭄ᬢᬸᬓ᭄ᬦᬸᬮᬓᬂ᭟ᬓᬯᬾᬦ᭄ᬢᭂ
ᬦᬦ᭄ᬧᬶᬦᬶᬄᬫᭂᬮᬄ᭞ᬓᬯᬾᬦ᭄ᬢᭂᬦᬦ᭄ᬲᬦᬾᬓᬮᬶᬲ᭄᭞ᬲᬓᬶᬂᬲᬮ᭄ᬯᬶᬃᬢᬢᭂᬕᬸᬮᬦ᭄᭞ᬫᬦᬸᬲᬦᬾᬧᬶᬦᬶᬄᬮᬸᬳᬸᬃ᭞ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬗ᭄ᬯᬲᬬᬂ᭞ᬦᬾᬉᬢ᭄ᬢᬫᬶ᭞ᬘᬘᬶᬗᬗᬾᬢ᭄ᬭᬂᬕᬮᬂ᭟
ᬧᬸᬦᬶᬓᬶᬚᬫᬃᬕᬢᬸᬗ᭄ᬕᬮ᭄᭞ᬩᭀᬬᬯᬾᬦ᭄ᬢᭂᬦ᭄ᬮᬾᬦᬦ᭄ᬫᬮᬶᬄ᭞ᬫᬃᬕᬦᬸᬚᬸᬧᬩᬺᬲᬶᬳᬦ᭄᭞ᬗᬶᬘᬮᬮᬂᬮᬶᬳᬢᬾᬮᬫᬸᬃ᭞ᬫᬃᬕᬦᬾᬧᬸᬦᬶᬓᬶᬳᭂᬦ᭄ᬢᬧ᭄᭞ᬫᬕᬍᬯᬶᬄ᭞ᬗᬯᬾᬩᬶᬗᬸᬂᬲᬂ
ᬳ᭄ᬬᬂᬓᬵᬮ᭟ᬭᬶᬬᬦ᭄ᬢᬸᬓ᭄ᬳᬶᬤᬾᬯᬗᭂᬦ᭄ᬢᬧ᭄᭞ᬗ᭄ᬭᬜ᭄ᬚᬶᬗᬶᬦ᭄ᬫᬃᬕᬧᬸᬦᬶᬓᬶ᭞ᬚᬕᬫᬸᬧᬸᬢᬂᬲᬗ᭄ᬰᬭᬵ᭞ᬫᬃᬕᬶᬦᬾᬲᬦᬾᬓᬢᬸᬤᬸᬄ᭞ᬫᬃᬕᬶᬦᬾᬓᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬓᬵᬮᬗᬜ᭄ᬘᬶᬢ᭄᭞
Kaca:Bali-lontar-paparikan-dammapada-500ppi.pdf/60
Kaca puniki sampun kauji-wacén
