[ ᭕᭗ 57B]
᭕᭗᭞
ᬬᬦ᭄ᬭᬶᬂᬬᬸᬱᬓᬭᬡᬓᬶᬲᬸᬢ᭄ᬫᬮᬶᬄᬭᬸᬬᬸᬤ᭄᭞ᬦᬵᬗ᭄ᬳᬶᬂᬓᬾᬦᬶᬃᬕᬸᬡ᭄ᬦᬵᬧᬶᬲᬦ᭄᭞ᬓᬯᬾᬦ᭄ᬢᭂᬦᬦ᭄ᬳᬶᬧᬸᬦ᭄ᬳᬶᬧᬸᬦ᭄ᬮᬶᬗ᭄ᬲᬶᬃ᭟ᬬᬾᬦ᭄ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬓᬥᬃᬫ᭄ᬫᬦ᭄ᬦᬾᬓᬧᬗ᭄ᬕᬶᬄ᭞ᬭᬶᬂ
ᬳᬗ᭄ᬕᬦ᭄ᬚᬤ᭄ᬫᬦᬾᬗᭂᬧᬶᬮ᭄᭞ᬢᬸᬃᬳᬶᬧᬸᬦ᭄ᬧᬕᭂᬄᬓᬮᬗ᭄ᬓᬸᬂ᭞ᬜᭀᬮᬳᬂᬤᬕᬶᬂᬲᬸᬰᬶᬮᬵ᭞ᬲᬳᬵ ᬧᬕᭂᬄᬗᭀᬋᬕᬂᬭᬕᬲᬢᬸᬯᬸᬓ᭄᭞ᬮᬸᬧᬸᬢ᭄ᬲᬓᬶᬂᬓᬘᭀᬭᬳᬦ᭄᭞ᬋᬕᭂᬤ᭄ᬋ
ᬕᭂᬦ᭄ᬢᭂᬮᬄᬕᬤᬶᬂ᭟ᬇᬧᬸᬦ᭄ᬢᬦ᭄ᬧᬶᬲᬦ᭄ᬜᬗ᭄ᬰᬭᬫᬜᬓᬶᬢᬶᬦ᭄᭞ᬲᬵᬃᬯ᭄ᬯᬫᬳᬸᬭᬶᬧᬾᬲᬫᬶ᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬸ᭞ᬲᬂᬫᬲᭀᬮᬄᬯᬶᬘᬓ᭄ᬱᬡ᭞ᬢᬦ᭄ᬧᬧᬤᬵᬲᬸᬚᬢᬶᬲᬂᬫ᭄ᬭᬕᬧᬸ
ᬢᬸᬲ᭄᭞ᬤᬤᭀᬲ᭄ᬓᬯᬲ᭄ᬝᬦᬶᬦ᭄ᬢᬾᬭ᭞ᬯᬶᬓᬸᬲᬦᬾᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃ᭟ᬢᬦ᭄ᬲᬓᬶᬂᬳᬸᬦᬶᬗᬾᬗᬸᬘᬧ᭄ᬦᬧᬶᬫᬮᬶᬄ᭞ᬳᬦ᭄ᬢᬸᬓ᭄ᬭᬸᬧᬩᬕᬸᬲ᭄ᬕᭂᬜ᭄ᬚᬶᬂ᭞ᬦᬾᬳᬗ᭄ᬕᬾᬦ᭄ᬜᬶᬦᬳᬂᬳᬶᬧᬸᬦ᭄᭞
[ ᭕᭘ 58A]
ᬲᬂᬲᬦᬾ ᬩᭂᬘᬶᬓ᭄ᬭᬶᬂᬚᬕᬢ᭄᭞ᬓᬾᬗᬶᬦ᭄ᬢᬍᬃᬤᬶᬲᬧᬸᬦᬧᬶᬦᬾ ᬳᬶᬧᬸᬦ᭄᭞ᬚᬤ᭄ᬫᬮᭀᬩᬵᬫᬮᬶᬄᬩᭀᬩᬩ᭄᭞ᬳᬦᬓ᭄ᬤᬸᬍᬕ᭄ᬳᬶᬭᬶᬳᬢᬶ᭞ᬦᬵᬗ᭄ᬳᬶᬂᬲᬂᬲᬵᬫ᭄ᬧᬸᬦ᭄ᬤᭀᬄᬗᬸᬢᬂ
ᬲᬳᬵᬫᬲ᭄ᬫᬶ᭞ᬫᭂᬕᬢᬶᬦ᭄ᬧᬸᬦᬶᬓᬵᬲᬫᬶ᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬸ᭞ᬲᬳᬮᬸᬧᬸᬢ᭄ᬲᬓᬶᬂᬓ᭄ᬭᭀᬥᬵ᭞ᬗᬧᬓ᭄ᬳᬧᬓ᭄ᬳᬶᬧᬸᬦ᭄ᬲᬸᬚᬢᬶᬓᬲᭂᬩᬸᬢ᭄᭞ᬲᬂᬯᬶᬘᬓ᭄ᬱᬡᬭᬶᬂᬚᬕᬢ᭄᭞
ᬯᬳᬸᬚᬦ᭄ᬫᬵᬲᬦᬾᬩᭂᬘᬶᬓ᭄᭟ᬢᬦ᭄ᬲᬓᬶᬂᬲᬶᬭᬳᬾᬓᭂᬤᬲ᭄ᬕᬸᬦ᭄ᬤᬸᬮ᭄ᬜᬮᬶᬕ᭄᭞ᬫ᭄ᬯᬄᬲᬂᬫᬲᭀᬮᬄᬲᬮᬶᬢ᭄᭞ᬢᬦ᭄ᬢᭂᬧᭂᬢ᭄ᬭᬶᬂᬢᬶᬗ᭄ᬓᬄᬮᬓᬸ᭞ᬫᬮᬶᬳᬲᭂᬦᭂᬂᬫᬫᭀᬩᬩ᭄᭞ᬫᬺᬲᬶ
ᬤᬬᬂᬳᬶᬧᬸᬦ᭄ᬚᬕᬤᬤᭀᬲ᭄ᬢᬶᬓᬸ᭞ᬫᬶᬦ᭄ᬤᭀᬄᬲᬂᬮᭀᬩᬓᬶᬦ᭄ᬤ᭄ᬭᬶᬬᬦ᭄᭞ᬚᬕᬲᬶᬤᬵᬗᬯᬶᬓᭀᬦᬶᬦ᭄᭟ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬫᭂᬕᬢᬂᬚᬦ᭄ᬢᭀᬲ᭄ᬲᬫᬶ᭞ᬓᬲᭀᬭᬳᬦ᭄ᬳᬶ
Kaca:Bali-lontar-paparikan-dammapada-500ppi.pdf/58
Kaca puniki sampun kauji-wacén
