[ ᭕᭖ 56B]
᭕᭖᭞
ᬲᬦ᭄ᬓᬧᬗ᭄ᬕᬸᬄ᭞ᬦᬾᬫᬭᬸᬧᬫᬳᬸᬓᬸᬤᬦ᭄᭟᭐᭟ᬗ᭄ᬓᬸᬃ᭟᭐᭟ᬚᬤ᭄ᬫᬦᬾᬲᬦᬾᬫᬸᬢᬸᬲᬂᬲᬮ᭄ᬯᬶᬃᬳᬶᬦ᭄ᬤᬶᬓ᭄᭞ᬳᬦ᭄ᬢᬸᬓ᭄ᬯᬶᬭᭀᬱᬮᬦ᭄ᬲᭂᬗᬶᬢ᭄᭞ᬢᬗ᭄ᬓᬾᬗᬶᬦ᭄ᬲᬢ᭄ᬬᬓᬯᬸᬯᬸ
ᬲ᭄᭞ᬩᭀᬬᬓᬩᬯᭀᬲ᭄ᬲᬢᬶᬫ᭄ᬩᬂ᭞ᬗ᭄ᬳᬶᬂᬲᬂᬧ᭄ᬭᬚ᭄ᬜᬦ᭄ᬲᬢᬢᬦᬶᬫ᭄ᬩᬂᬭᬶᬓᬬᬸᬦ᭄᭞ᬦᬾᬧᬢᬸᬢ᭄ᬓᬮᬯᬦ᭄ᬮᬶᬯᬂ᭞ᬳᬶᬦ᭄ᬤᬶᬓ᭄ᬳᬶᬧᬸᬦ᭄ᬲᬋᬂᬓᬮᬶᬄ᭞ᬚᬤ᭄ᬫᬦᬾᬲᬦᬾᬗᭀᬋᬕᬂᬢᬸᬃᬗᬃ
ᬤᬶᬦᬶᬦ᭄᭞ᬳᬦᬓ᭄ᬮᬾᬦ᭄ᬳᬦ᭄ᬢᬸᬓ᭄ᬱᬸᬢᬶᬦ᭄ᬤᬶᬄ᭞ᬢᬦ᭄ᬧᬶᬮᬶᬄᬓᬲᬶᬄᬭᬶᬂᬓᬬᬸᬦ᭄᭞ᬢᬦ᭄ᬮᬶᬜᭀᬓ᭄ᬓᬵᬮᬫᬸᬧᬸᬢᬂ᭞ᬳᬦᬓ᭄ᬮᬾᬦᬦ᭄ᬳᬶᬧᬸᬦ᭄ᬲᬸᬚᬢᬶᬧᬦᬬᬸᬄ᭞ᬲᬂᬧ᭄ᬭᬚ᭄ᬜᬦ᭄ᬲᬦᬾᬢ
ᬦ᭄ᬮᭀᬫ᭄ᬧᬂ᭞ᬗᬫᬗ᭄ᬕᭂᬕᬂᬳᬯᬶᬕ᭄ᬳᬯᬶᬕ᭄᭟ᬢᬦ᭄ᬲᬓᬶᬂᬗᬭᬯᭀᬲ᭄ᬓᬢᬄᬲᬂᬧᬸᬦᬶᬓᬵ᭞ᬯᬶᬘᬓ᭄ᬱᬡᬓᬯᬲ᭄ᬝᬦᬶᬦ᭄᭞ᬦᬾᬯᬶᬓᬦ᭄ᬭᬶᬂᬲᬮ᭄ᬯᬶᬃᬳᬸᬦ᭄ᬤᬸᬓ᭄᭞ᬗ᭄ᬳᬶᬂᬚᬤ᭄ᬫᬦᬾᬢᬦ᭄ᬲᬗ᭄ᬲ
[ ᭕᭗ 57A]
ᬬ᭞ᬫᬮᬶᬄᬍᬧᬲ᭄ᬲᬓᬶᬂᬓ᭄ᬭᭀᬥᬦ᭄ᬫᬾᬗᬮᬶᬧᬸᬢ᭄᭞ᬍᬧᬲᬓᬶᬂᬓᬢᬓᬸᬢᬦ᭄᭞ᬓᬩᬯᭀᬲᬂᬳᬦᬓ᭄ᬳᬸᬦᬶᬂ᭞ᬤᬸᬭᬸᬂᬧᬲ᭄ᬢᬶᬓᬩᬯᭀᬲᬂᬳᬦᬓ᭄ᬳᬸᬦᬶᬂ᭞ᬤ᭄ᬬᬓ᭄ᬱᬭᬶᬂᬓᬥᬃᬫᬦ᭄ᬚᬢᬶ᭞ᬓᬩ
ᬢᭂᬓ᭄ᬭᬯᭀᬲᬾᬮᬶᬬᬸ᭞ᬤ᭄ᬬᬲ᭄ᬢᬸᬚᬤ᭄ᬫᬦᬾᬫᬮᬚᬄ᭞ᬦᭀᬭᬓᬢᬄᬦᬗᬶᬂᬫᬺᬲᬶᬤᬬᬂᬳᬶᬧᬸᬦ᭄᭞ᬢ᭄ᬭᬂᬗᬦ᭄ᬢᭂᬦᬂᬓᬥᬃᬫ᭄ᬫᬵᬦ᭄᭞ᬦᬾᬯᬾᬦ᭄ᬢᭂᬦ᭄ᬭᬶᬂᬚ᭄ᬭᭀᬦᬶᬂᬳᬢᬶ᭟ᬫᬮᬶᬄᬚᬤ᭄ᬫᬦᬾᬧᬸᬦᬶᬓᬵ
ᬩᭀᬬᬮᬮᬶ᭞ᬲᬚ᭄ᬭᭀᬦᬶᬂᬳᬶᬧᬸᬦ᭄ᬫᬳᬭᬶᬧ᭄᭞ᬜᭀᬮᬳᬂᬥᬃᬫ᭄ᬫᬦᬾᬮᬸᬳᬸᬃ᭞ᬢᬦ᭄ᬧᬶᬲᬦ᭄ᬗᬮᬾᬫᬦᬬᬂ᭞ᬧᭂᬢᭂᬂᬍᬫᬄᬓ᭄ᬭᬤ᭄ᬫᬦᬾᬧᬸᬦᬶᬓᬸ᭞ᬲᬂᬲᬦᬾᬢᬢᬲ᭄ᬧᬯᬶᬓᬦ᭄᭞ᬧ
ᬢᬾᬂᬥᬃᬫ᭄ᬫᬵᬓᬭᬦᬶᬦ᭄᭟ᬢᬦ᭄ᬲᬓᬶᬂᬭᬫ᭄ᬩᬸᬢᬾᬉᬩᬦ᭄ᬤᬤᭀᬲ᭄ᬘᬶᬭᬶ᭞ᬲᬫ᭄ᬧᬸᬦ᭄ᬫᬭᬕᬯᬶᬓᬸᬮᬶᬗ᭄ᬲᬶᬃ᭞ᬉᬢᬯᬶᬢᬾᬭᬓᬯᬸᬯᬸᬲ᭄᭞ᬚᬢᬶᬳᬶᬧᬸᬦ᭄ᬲᬵᬫ᭄ᬧᬸᬦ᭄ᬢᬲᬓ᭄᭞
Kaca:Bali-lontar-paparikan-dammapada-500ppi.pdf/57
Kaca puniki sampun kauji-wacén
