[ ᭕᭕ 55B]
᭕᭕᭞
ᬓᬤᭂᬓ᭄ᬤᭂᬓᬂ᭞ᬭᬳᬶᬦᬯᭂᬗᬶᬢᬦ᭄ᬯᬸᬭᬸᬂ᭞ᬫᬗ᭄ᬕᬶᬄᬤᭂᬕ᭄ᬤᭂᬕᬦ᭄ᬫᬦᬄ᭟ᬢᬦ᭄ᬯᬾᬦ᭄ᬢᭂᬦ᭄ᬳᬧᬶᬗᭂᬩᬸᬲᬶᬦ᭄᭞ᬢ᭄ᬯᬶᬗᬩᬃᬳᬩᬃᬤᬸᬫᬶᬮᬄ᭞ᬮ᭄ᬯᬶᬃᬫᬦᭂᬲ᭄ᬳᬶᬦ᭄ᬤ᭄ᬭᬶᬬᬦᬾ᭞ᬲᬦᬾᬦᬸᬜ᭄ᬚᭂᬮ᭄ᬓᬤᬳᬢᬦ᭄᭞ᬮᭀ
ᬬᬫᬗ᭄ᬕᬶᬄᬧᬫᭂᬤ᭄ᬫᭂᬤᬦ᭄᭞ᬦᬾᬗᬯᬾᬩᬗᭂᬢ᭄ᬫᬩ᭄ᬭᬶᬕᬸ᭞ᬢᭂᬓᭂᬓᬦ᭄ᬭᬶᬂᬩᬺᬕᭂᬤᭂᬕᬦ᭄᭟ᬢᬦ᭄ᬯᬾᬦ᭄ᬢᭂᬦ᭄ᬚᬭᬶᬂᬓᬧᬗ᭄ᬕᬶᬄ᭞ᬤ᭄ᬬᬲ᭄ᬢᬸᬢᬫ᭄ᬧᬸᬲ᭄ᬓᬸᬓᬸᬄᬤᬳᬢ᭄᭞ᬮ᭄ᬯᬶᬃᬚᭂᬳᭂᬢ᭄ᬓᬢᬩᬶᬸᬫ᭄ᬩᭂᬢᬦᬾ᭞ᬗᬧᬸᬢ᭄ᬳᬦ᭄ᬲᬶ
ᬤᬫᬚᬶᬕᬤ᭄᭞ᬢᬦ᭄ᬧᬗ᭄ᬕᬶᬄᬢᬸᬓᬤ᭄ᬭᬶᬂᬚᬕᬢ᭄᭞ᬲᬦᬾᬢᭀᬬᬦ᭄ᬜᬦᬾᬲᬸᬮᬸᬓ᭄᭞ᬲ᭠ᬢ᭄ᬳᭂᬫ᭄ᬩᬳᬦ᭄ᬓᬫᭂᬍᬤᬦ᭄᭟ᬤᬗᬦ᭄ᬧᬶᬲᬦ᭄ᬗᬮᬶᬳᬢᬶᬦ᭄᭞ᬓᬳᬶᬯᬗᬦ᭄ᬳᬦᬓ᭄ᬮᬾᬦᬦ᭄᭞ᬗ᭄ᬳᬶᬂᬓ
ᬳᬶᬯᬗᬦ᭄ᬤᬾᬯᬾᬓᬾ᭞ᬚᬢᬶᬲᭂᬗ᭄ᬓᬵᬫᬗᬦ᭄ᬢᭂᬦᬂ᭞ᬓᬳᬶᬯᬗᬦ᭄ᬳᬦᬓᬾᬮᬾᬦᬦ᭄᭞ᬚᬦ᭄ᬢᭀᬲ᭄ᬦᬾᬫᬮᬶᬢ᭄ᬓᬭᬸᬭᬸᬄ᭞ᬲᬢ᭄ᬜᬶᬤᬶᬳᭀᬯᭀᬢ᭄ᬢᬦ᭄ᬩᬶᬦᬵ᭟ᬬᬾᬦ᭄ᬓᬳᬶᬯᬗᬦ᭄ᬧᬤᬶᬤᬶ᭞ᬲᬦᬾ
[ ᭕᭖ 56A]
ᬫᬕᭂᬂᬫᬮᬶᬄᬲᬶᬦᬄ᭞ᬓᬲᬭ᭄ᬯᬂᬧᬮᬶᬳᬢᬾ᭞ᬢᬸᬃᬓᭂᬂᬓᭂᬩᬂᬓᬳᬶᬮᬶᬤᬂ᭞ᬓᬤᬶᬩᬩᭀᬢᭀᬄᬢᬦ᭄ᬩᬶᬦ᭞ᬧᬮᬶᬂᬳᬶᬧᬸᬦ᭄ᬧᬢᬶᬮᬸᬧ᭄ᬮᬸᬧ᭄᭞ᬗᭂᬂᬓᭂᬩᬂᬤᬤᬸᬦᬾᬓᬮᬄ᭟ᬲᬂᬮᬦᬗᬮᬶᬳᬮᬶᬳᬶᬦ᭄᭞
ᬓᬯᬶᬸᬳᬶᬯᬗᬦ᭄ᬳᬦᬓ᭄ᬮᬶᬬᬦ᭄᭞ᬢᬸᬃᬲᭂᬦᭂᬂᬜᬾᬤᬵᬳᬦ᭄ᬓ᭄ᬮᬾᬦ᭄᭞ᬳᬶᬦ᭄ᬤ᭄ᬭᬶᬬᬦ᭄ᬜᬚᬕᬓᭂᬫ᭄ᬩᬂ᭞ᬫᬯᬸᬯᬸᬄᬲᭀᬮᬄᬜᬜᬲᬃ᭞ᬲᬸᬫᬬᬦ᭄ᬚᬤ᭄ᬫᬧᬸᬦᬶᬓᬸ᭞ᬤᭀᬄᬲᬓᬶᬂᬫᬺᬲᬶᬳᬶᬦ᭄ᬭᬕᬵ᭟ᬭᬶᬂᬮ
ᬗᬶᬢ᭄ᬢᬦ᭄ᬯᬾᬦᬵᬢᭂᬦ᭄ᬫᬃᬕ᭄ᬕᬶ᭞ᬢᬦ᭄ᬯᬾᬦ᭄ᬢᭂᬦ᭄ᬲᬂᬲᬸᬘᬶᬲᬫ᭄ᬧ᭄ᬮᬄ᭞ᬭᬶᬂᬚᬩᬬᬦ᭄ᬓᬥᬃᬫ᭄ᬫᬦᬾ᭞ᬓᬫ᭠ᬦᬸᬱᬦᬾᬜᬸᬓᬬᬂ᭞ᬲᬓᬜ᭄ᬘᬦ᭄ᬓᬍᬕᬦ᭄ᬚᬕᬢ᭄᭞ᬲᬂᬳ᭄ᬬᬂᬩᬸᬤ᭄ᬥᬲᬫ᭄ᬧᬸᬦ᭄ᬮᬸᬧᬸᬢ᭄ᬲᬓᬶᬂᬲᬲᭂᬦᭂᬗᬦ᭄ᬚ
ᬕᬢ᭄᭟ᬲᬫᬮᬶᬳᬵᬲᬧᬸᬦᬶᬓᬶ᭞ᬲᬮ᭄ᬯᬶᬃᬲᬦᬾᬫᬳᬸᬓᬸᬤᬦ᭄᭞ᬲᬧᬸᬦᬧᬶᬚ᭄ᬯᬵᬭᬸᬧᬦᬾ᭞ᬩᭀᬬᬯᬾᬦᬵᬢᭂᬦ᭄ᬲᬦᬾᬮᬗ᭄ᬕᭂᬂ᭞ᬭᬶᬂᬳᬗ᭄ᬕᬦ᭄ᬳᬶᬤᬵᬳ᭄ᬬᬂᬩᬸᬤ᭄ᬥᬵ᭞ᬢᬦ᭄ᬯᬾᬦ᭄ᬢᭂᬦ᭄ᬧᬶ
Kaca:Bali-lontar-paparikan-dammapada-500ppi.pdf/56
Kaca puniki sampun kauji-wacén
