[ ᭕᭔ 54B]
᭕᭔᭞
ᬤ᭄ᬯᬾᬚᭂᬗᬄᬮᬦ᭄ᬓᬶᬫᬸᬤ᭄᭞ᬗᬤᬸᬚ᭄ᬯᬭᬶᬲᭀᬮᬄᬜᬲᬃ᭟ᬦᬵᬗ᭄ᬳᬶᬂᬓᬾᬲᭂᬗ᭄ᬓᬵᬲᬸᬚᬢᬶ᭞ᬳᬸᬭᬶᬧᬾᬦᬾᬲᬤᬭᬦ᭞ᬫᬫᬕᭂᬳᬂᬓᬲᬸᬘ᭄ᬬᬦᬾ᭞ᬢᬸᬃᬫᬓᭂᬮᬾᬲ᭄ᬲᬓᬶᬂᬍᬓᭂᬢ᭄᭞ᬫᬲᬫᬤᬶᬦᭀ
ᬭᭀᬳᭀᬩᬄ᭞ᬦᬶᬗ᭄ᬓᭂᬲᬂᬭᬕᬲᬢᬸᬯᬸᬓ᭄᭞ᬧᬕᭂᬄᬜᭀᬮᬳᬂᬲᬸᬰᬶᬮᬵ᭟ᬲᬂᬲᬸᬓᬫᬫᬢᬶᬫᬢᬶ᭞ᬕᭂᬫᭂᬲ᭄ᬫᬮᬶᬄᬗᬧᬓ᭄ᬳᬧᬓ᭄᭞ᬢᬶᬗ᭄ᬓᬄᬳᬶᬧᬸᬦ᭄ᬭᬶᬂᬚᬕᬢᬾ᭞ᬢᬸᬃᬲᭂᬦᭂᬂᬗᬭᬯᭀᬲ᭄
ᬩᭀᬩᬩ᭄᭞ᬫᬮᬶᬄᬲᭂᬦᭂᬂᬗᬍᬗᬶᬢᬂ᭞ᬦᬾᬤᬸᬭᬸᬂᬓᬯᬾᬄᬭᬶᬂᬳᬶᬧᬸᬦ᭄᭞ᬧᬤᬺᬯᬾᬦ᭄ᬳᬦᬓ᭄ᬮᬶᬬᬦᬦ᭄᭟ᬫᬮᬶᬳᬵᬲᬂᬲᭂᬦᭂᬂᬭᬸᬲᬶᬢ᭄᭞ᬗᭀᬤᭀᬭᬩᬶᬦ᭄ᬳᬦᬓ᭄ᬮᬶᬬᬦᬦ᭄᭞ᬫᬲᬤᬾᬕ
ᬦ᭄ᬲᭂᬦᭂᬂᬜᬦᬾᬚᬦ᭄ᬢᭀᬲ᭄ᬫᬧᬸᬜᬄᬧᬸᬜᬳᬦ᭄᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬲᬢ᭄ᬳᬶᬧᬸᬦ᭄ᬧᬤᬶᬤᬶᬫᬜ᭄ᬘᬸᬢ᭄᭞ᬳᬸᬭᬶᬧ᭄ᬳᬶᬧᬸᬦᬾᬭᬶᬂᬚᬕᬢ᭄᭟ᬤᬸᬄᬤᬾᬯᬲᬂᬩᭂᬘᬶᬓ᭄ᬩᭂᬤᬶᬓ᭄᭞ᬧ
[ ᭕᭕ 55A]
ᬢᬸᬢ᭄ᬳᬶᬤᬾᬯᬧᬯᬶᬓᬦ᭄᭞ᬭᬾᬄᬲᬧᬸᬦᬶᬓᬳᬶᬦ᭄ᬤᬶᬓᬾ᭞ᬢᬦ᭄ᬤᬗᬦ᭄ᬗᬸᬤᭂᬂᬧᬂᬘᭀᬭᬄ᭞ᬓ᭄ᬭᬦᬮᭀᬩᬦᬾᬮᬜ᭄ᬘᭀᬭᬄ᭞ᬲᬵᬫ᭄ᬧᬸᬦᬂᬯᬳᬶᬦᬗᬸᬮ᭄ᬕᬸᬮ᭄᭞ᬗ᭄ᬮᬶᬮᬶᬢ᭄ᬗᬸᬫᬤ᭄ᬓᬦᬭᬓ
᭟ᬚᬤ᭄ᬫᬦᬾᬓᬤᬶᬧᬸᬦᬶᬓᬶ᭞ᬗ᭄ᬮᬓ᭄ᬱᬦᬬᬂᬤᬦᬧᬸᬦ᭄ᬬ᭞ᬫᬯᬶᬢ᭄ᬲᭂᬓᭂᬦ᭄ᬧᬗᭂᬕᬦᬾ᭞ᬫᬦᬸᬢ᭄ᬧᬗᬶᬂᬓ᭄ᬱᬭ᭞ᬧᬸᬦᬶᬓᬫᬓᬚᬭᬦ᭄᭞ᬧᭀᬮᬶᬄᬓᬮᬾᬤᬗᬦ᭄ᬓᬬᬸᬦ᭄᭞ᬲᬸᬩᬕ᭄ᬬᬵ
ᬢᬺᬧ᭄ᬢᬶᬯᭂᬓᬲᬦ᭄᭟ᬗ᭄ᬳᬶᬂᬚᬤ᭄ᬫᬦᬾᬳᬶᬭᬶᬳᬢᬶ᭞ᬭᬶᬂᬧᬗᬦ᭄ᬓᬶᬦᬸᬫ᭄ᬲᬂᬮᬾᬦᬦ᭄᭞ᬢᬍᬃᬭᬶᬂᬧᬕ᭄ᬮᬳᬦ᭄ᬜᬦᬾ᭞ᬚᬤ᭄ᬫᬦᬾᬧᬸᬦᬶᬓᬲᬶᬦᬄ᭞ᬦᭀᬭᬫᬗ᭄ᬕᬶᬄᬓᬲᬸᬩᬕ᭄ᬬᬦ᭄᭞ᬢᬍᬃᬓᬤᭂᬕ᭄ᬤᭂ
ᬕᬦ᭄ᬓᬬᬸᬦ᭄᭞ᬓᬵᬮᬯᭂᬗᬶᬢ᭄ᬯᬶᬭᬳᬶᬦᬵ᭞ᬗ᭄ᬳᬶᬂᬚᬤ᭄ᬫᬦᬾᬲᬫ᭄ᬧᬸᬦ᭄ᬫᬶᬲ᭄ᬩᬶᬲ᭄᭞ᬧᬜᬓᬶᬢ᭄ᬧᬸᬦᬶᬓᬶᬢ᭄ᬧᬸᬦᬶᬓᬶᬓᭀᬘᬧ᭄᭞ᬲᬮ᭄ᬯᬶᬃᬗᬯᬾᬓᬮᬭᬦᬾ᭞ᬫᬜ᭄ᬘᬸᬢ᭄ᬢᬸᬯᬸᬄᬓᬳᬓᬄᬦ᭄ᬬᬲᬢᬲᬫᬶ
Kaca:Bali-lontar-paparikan-dammapada-500ppi.pdf/55
Kaca puniki sampun kauji-wacén
