[ ᭔᭑ 41B]
᭔᭑᭞
ᬦᬾᬤᬤᭀᬲ᭄ᬫᬦᬸᬲᬦᬺᬱ᭄ᬝᬯᬭᬾᬄᬲᭂᬗ᭄ᬓᬓᬤᬳᬢᬦ᭄᭞ᬫᬳᬸᬭᬶᬧ᭄ᬓᬮᬗ᭄ᬓᬸᬂᬓᬾᬯᬸᬄ᭞ᬭᬶᬂᬚᬕᬢᬾᬲᬦᬾᬚᬶᬫ᭄ᬩᬃ᭞ᬭᬾᬓᭂᬩᭂᬓᬶᬦ᭄᭞ᬓᬲᬸᬓᬦᬾᬉᬮᬧ᭄ᬳᬸᬮᬧ᭄᭟ᬲᬸᬚᬢᬶ
ᬲᭂᬗ᭄ᬓᬫᬶᬋᬗᬂ᭞ᬕᬸᬫᭂᬦ᭄ᬢᭀᬲ᭄ᬜᬶᬤᬬᬂᬗ᭄ᬭᬜ᭄ᬚᬶᬂ᭞ᬧᬧ᭄ᬮᬚᬳᬦᬾᬉᬢ᭄ᬢᬫ᭞ᬥᬃᬫ᭄ᬫᬲᬸᬜᬢᬦᬾᬮᬸᬳᬸᬃ᭞ᬲᬸᬚᬢᬶᬳᬭᬂᬭᬶᬂᬚᬕᬢ᭄᭞ᬫᬦᬸᬫᬤᬶ᭞ᬫᭂᬦ᭄ᬢᬶᬓ᭄ᬱᬂᬫᬭᬕᬩᬸᬤ᭄ᬥ᭟ᬲᬫ᭄ᬧᬸᬦᬂ
ᬫ᭄ᬮᬓ᭄ᬱᬡᬘᭀᬭᬄ᭞ᬜᬦ᭄ᬤᬂᬮᬶᬫ᭄ᬩᬓᬂᬢᬦ᭄ᬫᬭᬶ᭞ᬲᭀᬮᬳᬾᬧᬢᬸᬢ᭄ᬭᬶᬂᬚᬕᬢ᭄᭞ᬩᬺᬲᬶᬳᬶᬦ᭄ᬲᬮ᭄ᬯᬶᬃᬧᬓᬬᬸᬦᬦ᭄᭞ᬢ᭄ᬯᬄᬧᬸᬦᬶᬓᬧᬧ᭄ᬮᬚᬳᬦ᭄᭞ᬫᬓᬲᬫᬶ᭞ᬲᬂᬲᬫ᭄ᬧᬸᬦ᭄ᬫᬭᬕᬩᬸᬤ᭄ᬥ
᭟ᬗᬫ᭄ᬕᭂᬳᬂᬓᬢᬾᬮᬶᬗᬦ᭄᭞ᬉᬢᬫᬦ᭄ᬧᭀᬮᭀᬲᬾᬚᬢᬶ᭞ᬲᬶᬧᬢ᭄ᬧᬶᬦᬶᬄᬲᬤᬭᬦ᭞ᬢ᭄ᬯᬄᬓᬦᬶᬃᬯᬡᬦ᭄ᬧᬫᬸᬧᬸᬢ᭄᭞ᬓᬯᬾᬦ᭄ᬢᭂᬦᬦ᭄ᬧᬶᬦᬶᬄᬩᬸᬗᬄ᭞ᬗᬕᬯᭀ
[ ᭔᭒ 42A]
ᬓᬶᬦ᭄᭞ᬫᬦᬸᬢ᭄ᬳᬸᬚᬃᬧᬭᬩᬸᬤ᭄ᬥ᭟ᬚᬤ᭄ᬫᬦᬾᬫᬗ᭄ᬳᬮᬳᬮ᭞ᬜᬓᬶᬢᬶᬦ᭄ᬯᬢᭂᬓ᭄ᬫᬳᬸᬭᬶᬧ᭄᭞ᬳᬶᬧᬸᬦ᭄ᬢᬸᬳᬸᬲᬂᬢᬧ᭞ᬢᬍᬃᬩᭀᬬᬫᬸᬦᬶᬳᬕᬸᬂ᭞ᬲᬂᬲᬸᬓᬗᬯᬶᬦᬂᬧᬸᬦᬄ᭞ᬢᬸᬃᬗᬸᬗ᭄ᬓᬸ
ᬮᬶᬦ᭄᭞ᬫᬸᬋᬢᬂᬫᬦᬄᬲᬂᬮᬾᬦᬦ᭄᭟ᬲᬫ᭄ᬧᬸᬦᬂᬚᬫᬜᭂᬧᬾᬓᬂ᭞ᬲᬫ᭄ᬧᬸᬦᬂᬜᬓᬶᬢ᭄ᬜᬓᬶᬢᬶᬦ᭄᭞ᬭᬕᬦᬾᬜᬦ᭄ᬤᬂᬤᬩ᭄ᬤᬩᬂ᭞ᬳᭀᬋᬕᬂᬲᬢᬶᬗ᭄ᬓᬄᬮᬓᬸ᭞ᬫᬗ᭄ᬤᬗᬦᬸ
ᬢᬶᬦ᭄ᬲᬸᬰᬶᬮ᭞ᬢᬸᬃᬯᭂᬯᭂᬳᬶᬦ᭄᭞ᬳᬚᭂᬗᬦᬾᬲᬤᬭᬦ᭟ᬉᬕᬶᬜᬦ᭄ᬤᬂᬳᬸᬢ᭄ᬲᬳᬂ᭞ᬚᭂᬦᭂᬓ᭄ᬭᬶᬂᬕᭂᬦᬳᬾᬲᭂᬧᬶ᭞ᬢᬸᬃᬳᬦ᭄ᬢᭂᬗᬂᬗᬮᬶᬫ᭄ᬩᬓᬂ᭞ᬲᬫᬥᬶᬦᬾᬲᬦᬾᬮᬸᬳᬸᬃ᭞ᬧᬫ
ᬤᭂᬫ᭄ᬫᬮᬦᬶᬂᬫᬦᬄ᭞ᬢ᭄ᬯᬄᬧᬸᬦᬶᬓᬶ᭞ᬧᬧ᭄ᬮᬚᬳᬦ᭄ᬧᬭᬩᬸᬤ᭄ᬥ᭟ᬢᬦ᭄ᬲᬓᬶᬂᬲᬩᭂᬄᬫᬲ᭄ᬧᬶᬭᬓ᭄᭞ᬦᬾᬲᬶᬤᬗᬯᬾᬗᬼᬕᬦᬶᬦ᭄᭞ᬗᬮᬶᬧᬸᬃᬳᬶᬦ᭄ᬤ᭄ᬭᬶᬬᬦ᭄ᬫᬦᬄ᭞ᬓᬾ
Kaca:Bali-lontar-paparikan-dammapada-500ppi.pdf/42
Kaca puniki sampun kauji-wacén
