[ ᭔᭒ 42B]
᭔᭒᭞
ᬦᬓᬦ᭄ᬓᬍᬕᬦ᭄ᬓᬬᬸᬦ᭄᭞ᬢ᭄ᬯᬄᬓᬶᬤᬶᬓ᭄ᬓᬭᬲᬬᬂ᭞ᬦᬗᬶᬂᬍᬯᬶᬄᬗᭂᬦ᭄ᬢᬶᬓᬂᬲᭂᬤᬶᬄᬓ᭠ᬮᬭᬦ᭄᭟ᬲᬂᬧ᭄ᬭᬚ᭄ᬜᬦ᭄ᬓᬮᬧᬯᬶᬓᬦ᭄᭞ᬭᬶᬂᬧᬤᬩ᭄ᬤᬩᬾᬧᬸᬦᬶᬓᬶ᭞ᬢᬦ᭄ᬗᭂᬧᬸᬂᬓᬲᬸᬓᬦ᭄ᬫᬦᬄ᭞
ᬢ᭄ᬯᬶᬲᬸᬓᬦ᭄ᬲ᭄ᬯᬃᬕᬦᬾᬓᬲᬸᬩ᭄᭞ᬲᬶᬱ᭄ᬬᬦ᭄ᬳ᭄ᬬᬂᬩᬸᬤ᭄ᬥᬲᬸᬩᬕ᭄ᬬ᭞ᬓᬮᬩᬲ᭄ᬫᬶ᭞ᬜᬕ᭄ᬳᬶᬦ᭄ᬤ᭄ᬭᬶᬬᬦ᭄ᬓᬬᬸᬦ᭄ᬳᬶᬤ᭟ᬚᬤ᭄ᬫᬦᬾᬓ᭄ᬯᬲᬬᬂᬕᭂᬢᬧ᭄᭞ᬮᬦᬳᬶᬧᬸᬦ᭄ᬫ᭄ᬭᬲᬭᬶᬫ᭄ᬭᬶᬫ᭄᭞ᬭᬭᬶᬲ᭄ᬗᬭᬸ
ᬭᬸᬄᬧᬾᬫ᭄ᬩᭀᬦᬦ᭄᭞ᬦᬾᬫᬾᬦ᭄ᬤᬳᬦ᭄ᬭᬸᬧᬦ᭄ᬳᬶᬧᬸᬦ᭄᭞ᬧᬦᬬᬸᬄᬭᬶᬂᬕᬸᬦᬸᬂᬳᬮᬲ᭄᭞ᬢᬭᬸᬫᬮᬶᬄ᭞ᬭᬶᬂᬧᬶᬗᬶᬢᬾᬫ᭄ᬯᬄᬭᬶᬂᬲᬾᬢ᭄ᬭ᭟ᬲᬸᬚᬢᬶᬦ᭄ᬜᬓᬩᬯᭀᬲᬂ᭞ᬢᬦ᭄ᬯᬾᬦ᭄ᬢᭂᬦ᭄ᬮ᭠
ᬦᬗᭂᬢᬶᬲᬶᬦ᭄᭞ᬧᬾᬫ᭄ᬩᭀᬦᬦ᭄ᬓᬤᬶᬓᬶᬦᬸᬘᬧ᭄᭞ᬩᭀᬬᬢᬸᬳᬸᬗᬯᬾᬤ᭠ᬬᬸᬄ᭞ᬲᬸᬚᬢᬶᬩᭀᬬᬧᬾᬫ᭄ᬩᭀᬦᬦ᭄᭞ᬲᬦᬾᬗ᭄ᬭᬜ᭄ᬚᬶᬂ᭞ᬧᬦᬬᬸᬄᬧᬶᬦᬶᬄᬉᬢ᭄ᬢᬫ᭟
[ ᭔᭓ 43A]
ᬚᬤ᭄ᬫᬦᬾᬲᬦᬾ ᬜᬭᬢᬂ᭞ᬧᬦᬬᬸᬄᬚᬢᬶᬗᭂᬢᬶᬲᬶᬦ᭄᭞ᬭᬶᬂᬳᬶᬤᬪᬝᬵᬭᬩᬸᬤ᭄ᬥ᭞ᬭᬶᬂᬥᬃᬫ᭄ᬫᬲᬸᬜᬢᬮᬸᬳᬸᬃ᭞ᬢᬍᬃᬭᬶᬂᬲᬂᬧᬭᬳᬃᬬ᭄ᬬ᭞ᬲᬗ᭄ᬳᬲᬸᬘᬶ᭞ᬦᬾᬫᬯᬲ᭄ᬝᬳ᭄ᬬᬂᬢ᭄ᬭᬶᬭᬵᬢ᭄ᬦᬵ᭟
ᬳᬶᬧᬸᬦ᭄ᬢᬕᬢᭂᬭᬂᬜᬶᬗᬓ᭄᭞ᬘᬢᬸᬃᬜᬢᬉᬢ᭄ᬢᬫᬶ᭞ᬓᬯᬾᬦ᭄ᬢᭂᬦᬦᬾᬤᬸᬄᬓᬶᬢ᭞ᬦᬾᬗᬯᬾᬤᬸᬄᬓᬶᬢᬢᬸᬫ᭄ᬩᬸᬄ᭞ᬮᬦ᭄ᬧᬗᬶᬘᬮᬦ᭄ᬥᬸᬄᬓᬶᬢ᭞ᬫᬮᬶᬄᬫᬃᬕᬶ᭞ᬧᬓᬸ
ᬢᬸᬲᬦᬾᬉᬢ᭄ᬢᬫᬄ᭞ᬫᬃᬕᬶᬦᬾᬧᬸᬦᬶᬓᬢᬸᬗ᭄ᬕᬮ᭄᭞ᬦᬵᬗᬶᬂᬤᬤᭀᬲ᭄ᬓᬸᬢᬸᬲ᭄ᬩᬕᬶ᭞ᬦᬸᬚᬸᬧᬫᬸᬘᭂᬄᬤᬸᬄᬓᬶᬢ᭞ᬫᬭᬸᬧᬢᬸᬳᬸᬧᬢᭂᬤᬸᬄ᭞ᬗᬯᬾᬲᬢᬢᬭᬳᬃᬚ᭞ᬳᬦ᭄ᬧ
ᬢᬦ᭄ᬤᬶᬂ᭞ᬭᬶᬂᬚᬕᬢᬾᬲᬦᬾᬚᬶᬫ᭄ᬩᬃ᭟ᬫᬮᬭᬧᬦ᭄ᬫᬜᬭᬢᬂ᭞ᬧᬾᬫ᭄ᬩᭀᬦᬦ᭄ᬓᬤᬶᬧᬸᬦᬶᬓᬶ᭞ᬚᬤ᭄ᬫᬦᬾᬚᬕᬜᬶᬤᬬᬂ᭞ᬲᬓᬶᬂᬤᬸᬄᬓᬶᬢᬦᬾᬮᬸᬧᬸᬢ᭄᭞ᬭᬸᬯᬢ᭄ᬲᬓᬶᬂ
Kaca:Bali-lontar-paparikan-dammapada-500ppi.pdf/43
Kaca puniki sampun kauji-wacén
