[ ᭔᭐ 40B]
᭔᭐᭞
ᬘᬶᬓᬦ᭄ᬮᬗ᭄ᬓᬸᬂ᭞ᬭᬶᬂᬮᬸᬗᬓᬲ᭄ᬯᬃᬕᬮᭀᬓ᭞ᬳᬸᬃᬩᭂᬘᬶᬓᬦ᭄ᬭᬶᬂᬗᬫᭂᬮ᭄ᬚᬕᬢᬾᬳᬕᬸᬂ᭞ᬓᬭᬯᬸᬳᬶᬂᬧᬭᬮᭀᬓ᭞ᬯᭀᬄᬓᬲᬸᬘ᭄ᬬᬦ᭄ᬰ᭄ᬭᭀᬢᬧᬢᬶ᭟᭐᭟ᬕᬶᬦᬤ᭟᭐᭟ᬲᬂᬲᬫ᭄ᬧᬸ
ᬦ᭄ᬗᭀᬤᬕ᭄ᬕᬶᬦ᭄ᬤ᭄ᬭᬶᬬ᭞ᬢᬦ᭄ᬲᬶᬤᬓᬕᭀᬤᬫᬮᬶᬄ᭞ᬳᬦ᭄ᬢᬸᬓ᭄ᬱᬮ᭄ᬯᬶᬃᬓᬶᬢᬦ᭄ᬫᬦᬄ᭞ᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬓᬶᬢᬦ᭄ᬓᬬᬸᬦ᭄᭞ᬲᬦᬾᬲᬫ᭄ᬧᬸᬦ᭄ᬓᬢᬸᬗ᭄ᬓᬸᬮᬂ᭞ᬫᬮᬶᬄᬗᭂᬫ᭄ᬧᬶ᭞ᬭᬶᬂᬳᬗ᭄ᬕᬦ᭄ᬲᬂ
ᬲᬫ᭄ᬧᬸᬦ᭄ᬧ᭄ᬭᬚ᭄ᬜᬦ᭄᭟ᬓᬤᬶᬧᬸᬦᬶᬓᬳ᭄ᬬᬂᬩᬸᬤ᭄ᬥ᭞ᬦᬾᬗᬾᬩᭂᬓ᭄ᬳᬦ᭄ᬢᬸᬓ᭄ᬧᬗᬸᬦᬶᬂ᭞ᬓᬧ᭄ᬭᬚ᭄ᬜᬦᬦ᭄ᬢᬦ᭄ᬧᬯᬢᭂᬲ᭄᭞ᬮᬸᬧᬸᬢ᭄ᬲᬓᬶᬂᬓᬶᬢᬦ᭄ᬓᬬᬸᬦ᭄᭞ᬦᬧᬶᬚᬕᬓᬗ᭄ᬕᬾᬦ᭄ᬗᭀᬤ᭞
ᬫᬫᬜ᭄ᬘᬶᬗᬶᬦ᭄᭞ᬲᬶᬦᬄᬕᬕᭀᬤᬦᬾᬗᬤ᭄ᬓᬤ᭄᭟ᬳᬶᬤᬲᬦᬾᬲᬫ᭄ᬧᬸ᭠ᬦ᭄ᬧ᭄ᬭᬚ᭄ᬜᬦ᭄᭞ᬓᬬᬸᬦᬾᬤᭂᬕ᭄ᬤᭂᬕ᭄ᬢᬸᬃᬳᭂᬦᬶᬂ᭞ᬢᬦ᭄ᬧᬘᬂᬫᬮᬶᬄᬓᬕᭀᬤ᭞ᬳᬦ᭄ᬢᬸᬓ᭄ᬓᬳᬶ
[ ᭔᭑ 41A]
ᬦ᭄ᬤ᭄ᬭᬶᬬᬦ᭄ᬓᬬᬸᬦ᭄᭞ᬲᬦᬾᬚᬕᬫᬗᬯᬶᬦᬂ᭞ᬫᬮᬶᬄᬗᬃᬤᬶ᭞ᬲᭀᬮᬳᬾᬳᬦᬾᬓ᭠ᬲᬲᬃ᭟ᬓᬯᬾᬦ᭄ᬢᭂᬦ᭄ᬲᬂᬳ᭄ᬬᬂᬩᬸᬤ᭄ᬥ᭞ᬓᬤᬶᬧᬸᬦᬶᬓᬲᬸᬚᬢᬶ᭞ᬗᬾᬩᭂᬓ᭄ᬳᬦ᭄ᬢᬸᬓ᭄ᬲᬃᬯ᭄ᬯᬚ᭄ᬜᬡ᭞ᬧᬃ
ᬗᬸᬦᬶᬗᬾᬢᬦ᭄ᬧᬢᬗ᭄ᬕᬸ᭞ᬦᬧᬶᬚᬕᬓᬗ᭄ᬕᬾᬦ᭄ᬗᬸᬫᬤ᭄᭞ᬫᬗᬸᬮ᭄ᬕᬸᬮᬶᬦ᭄᭞ᬲᬦᬾᬜᬶᬤᬬᬂᬗᬲᭀᬭᬂ᭟ᬚᬤ᭄ᬫᬲᬦᬾᬯᬶᬘᬓ᭄ᬱᬡ᭞ᬓᬤᬮᭀᬦ᭄ᬚ᭄ᬭᭀᬦᬶᬂᬲᬫᬵᬥᬶ᭞ᬭᬶᬂᬗᬍ
ᬧᬲ᭄ᬲᬸᬓᬦ᭄ᬚᬕᬢ᭄᭞ᬫ᭄ᬭᬲᬲᬸᬩᬕ᭄ᬬᬫᬜᬸᬲᬸᬧ᭄᭞ᬦᬲ᭄ᬢᬲ᭄ᬲᬮ᭄ᬯᬶᬃᬧᬦᭂᬕᬸᬮᬦ᭄᭞ᬓᬧᬶᬗ᭄ᬓᬮᬶᬄ᭞ᬲᬫ᭄ᬧᬸᬦ᭄ᬫᭀᬮᬶᬄᬓᬦᬶᬃᬯᬡᬦ᭄᭟ᬳ᭄ᬬᬂᬩᬸᬤ᭄ᬥᬓᬤᬶᬓᬶᬦᬸᬘᬧ᭄᭞ᬫᬋᬧ᭄ᬓᬯᬾᬦ᭄ᬢᭂ
ᬦᬦ᭄ᬲᬫᬶ᭞ᬢᬾᬮᬶᬂᬘᭂᬤᬂᬢᬸᬃᬲᬵᬫ᭄ᬧᬹᬃᬡ᭄ᬦ᭞ᬧᬭᬤᬾᬯᬲᬫᬶᬜᬸᬫ᭄ᬩᬸᬂ᭞ᬫᬲᬶᬄᬭᬶᬂᬧᬮᬸᬗ᭄ᬕᬸᬄᬳᬶᬤ᭞ᬓᬧᬶᬫᬮᬶᬄ᭞ᬯᬢᭂᬓ᭄ᬫᬳᬸᬭᬶᬧ᭄ᬭᬶᬂᬚᬕᬢ᭄᭟ᬲᬸᬚᬢᬶᬢᬦ᭄ᬯᬾᬦ᭄ᬢᭂᬦ᭄ᬓᬢᬄ᭞
Kaca:Bali-lontar-paparikan-dammapada-500ppi.pdf/41
Kaca puniki sampun kauji-wacén
