[ ᭓᭙ 39B]
᭓᭙᭞
ᬦ᭄ᬚᬕᬢᬾᬳᬕᬸᬂ᭞ᬓᬤᬶᬰᬰᬶᬄᬯᬳᬸᬫᭂᬤᬮ᭄᭞ᬲᬓᬶᬂᬕᬸᬍᬫᬾᬦᬯᭂᬗᬶᬦ᭄᭟ᬲᬸᬚᬢᬶᬦ᭄ᬜᬓᬩᬯᭀᬲᬂᬓᬤᬳᬢᬦ᭄᭞ᬚᬕᬢᬾᬮᬶᬗ᭄ᬕᬄᬧᬸᬦᬶᬓᬶ᭞ᬓᬓᬸᬯᬸᬩ᭄ᬩ
ᬦ᭄ᬧᭂᬢᭂᬂᬮᬶᬩᬸᬢ᭄᭞ᬲᬢ᭄ᬩᬸᬢᬲᬋᬂᬫᬓᬢᬄ᭞ᬳᭂᬦ᭄ᬢᭀᬫᬓ᭄ᬭᬦᬢᬦ᭄ᬓᬢᬄᬚᬤ᭄ᬫᬦᬾᬯᭂᬭᬸᬄ᭞ᬲᬦᬾᬫᬺᬱᬶᬤᬬᬂᬜᬶᬗᬓ᭄᭞ᬓᬚᬢᬾᬦ᭄ᬚᬕᬢ᭄ᬧᬸᬦᬶᬓᬶ᭟ᬓᬤᬶᬳᬗ᭄ᬰᬦᬾ
ᬢᬦ᭄ᬮ᭄ᬬᬦ᭄ᬲᬦᬾᬲᬤ᭄ᬬ᭞ᬲᬶᬤᬗᭂᬮᬾᬩ᭄ᬲᬓᬶᬂᬚᬭᬶᬂ᭞ᬓᬤᬶᬧᬸᬦᬶᬓᬓᬯᬸᬯᬸᬲ᭄᭞ᬲᬂᬲᬫ᭄ᬧᬸᬦᭂᬤᬂᬫ?ᬜᬶᬗᬓ᭄᭞ᬲᬶᬤᬫᭂᬕᬢ᭄ᬓᬲᬸᬓᬦ᭄ᬚᬕᬢᬾᬦᭂᬕᬸᬮ᭄᭞ᬢ᭄ᬭᬦᬚᬤ᭄ᬫ
ᬦᬾᬢᬦ᭄ᬓᬢᬄ᭞ᬲᬶᬤᬭᬶᬂᬲ᭄ᬯᬃᬕᬦ᭄ᬗᬭᬜ᭄ᬚᬶᬂ᭟ᬅᬗ᭄ᬰᬳᬗ᭄ᬰᬦᬾᬫᬗᬶᬦ᭄ᬤᬂᬦᬸᬮᬸᬄᬗᭂᬦ᭄ᬢᬧ᭄᭞ᬫᬃᬕᬶᬦ᭄ᬱᬹᬃᬬᬦᬾᬭᬶᬂᬮᬗᬶᬢ᭄᭞ᬚᬤ᭄ᬫᬦᬾᬗᬗ᭄ᬕᬾᬦ᭄ᬓᬯᭂᬭᬸᬄ᭞ᬗᬦ᭄ᬤᬂᬫᬩᬸᬃᬭᬶᬂ
[ ᭔᭐ 40A]
ᬳᬓᬱ᭞ᬗᬶᬂᬲᬂᬧ᭄ᬭᬚ᭄ᬜᬦ᭄ᬦᬾᬲᬫ᭄ᬧᬸᬦ᭄ᬗᬲᭀᬭᬂᬦᬸᬗ᭄ᬓᬸᬮ᭄᭞ᬓᬮᬫᬺᬢ᭄ᬬᬸᬲᬳᬩᬮ᭞ᬦᬶᬗ᭄ᬕᬮᬂᬚᬕᬢ᭄ᬧᬸᬦᬶᬓᬶ᭟ᬩᭀᬬᬯᬾᬦ᭄ᬢᭂᬦ᭄ᬓᬘᭀᬭᬳᬦ᭄ᬳᬕᬸᬂᬳᬮᬶᬢ᭄᭞ᬦᬾᬳ
ᬦ᭄ᬓᬲᬶᬤᬦ᭄ᬓᬓᬃᬤᬶ᭞ᬳᬦ᭄ᬢᬸᬓ᭄ᬱᬂᬲᬸᬓᬫᬫᬸᬭᬸᬕ᭄᭞ᬤᬕᬶᬂᬓᭀᬢ᭄ᬢᬫᬦ᭄ᬦᬥᬫ᭄ᬫᬦ᭄᭞ᬫᬮᬶᬄᬩᭀᬩᬩ᭄ᬲᬢᬢᬦ᭄ᬗᬾᬢᬗᬶᬦ᭄ᬮᬸᬗ᭄ᬕᬸᬄ᭞ᬭᬶᬂᬲᬫ᭄ᬧᬸᬦ᭄ᬳᬶᬧᬸᬦᬾᬧᬤᭂᬫ᭄᭞ᬲᬦᬾ
ᬲᬓᬶᬂᬚᬕᬢ᭄ᬧᬸᬦᬶᬓᬶ᭟ᬢᬦ᭄ᬧᬘᬂᬭᬯᬸᬄᬭᬶᬂᬲ᭄ᬯᬃᬕᬦ᭄ᬓᬲᬶᬦᬳᬂ᭞ᬚᬤ᭄ᬫᬦᬾᬤᭂᬫᬶᬢ᭄ᬫᬓᬶᬮᬶᬢ᭄᭞ᬚᬤ᭄ᬫᬦᬾᬢᬫ᭄ᬩᭂᬢ᭄ᬢᬦ᭄ᬭᬸᬗᬸ᭞ᬗᬚᬶᬦᬶᬦ᭄ᬧᬤᬦᬧᬸᬦ᭄ᬬ᭞ᬫᬯᬾᬄᬤᬦᬲᬂ
ᬧ᭄ᬭᬚ᭄ᬜᬦ᭄ᬮᬾᬤᬂᬭᬶᬂᬓᬬᬸᬦ᭄᭞ᬓ᭄ᬭᬦᬭᬶᬂᬚᬕᬢ᭄ᬓᬤᬶᬢ᭄ᬯᬦ᭄᭞ᬫ᭄ᬭᬱᬲᬸᬩᬕ᭄ᬬᬫᬳᬸᬭᬶᬧ᭄᭟ᬲᬸᬚᬢᬶᬓᬦ᭄ᬢᬸᬦ᭄ᬩᭂᬘᬶᬓᬦ᭄ᬩᬦ᭄ᬤᬶᬗᬂᬭᬶᬂᬗᭀᬤᬕᬂᬭᬶᬂᬚᬕᬢᬾᬲᬫᬶ᭞ᬫᬮᬶᬳᬩᭂ
Kaca:Bali-lontar-paparikan-dammapada-500ppi.pdf/40
Kaca puniki sampun kauji-wacén
