[ ᭓᭘ 38B]
᭓᭘᭞
ᬭᬶᬂᬚᬕᬢᬾᬓᬤᬶᬢ᭄ᬯᬦ᭄᭞ᬢᬍᬃᬭᬶᬂᬚᬕᬢ᭄ᬧᬸᬦᬶᬓᬶ᭟ᬲᬫ᭄ᬧᬸᬦᬂᬗᬍᬫᬾᬦᬬᬂᬮᬓ᭄ᬱᬦᬬᬂ᭞ᬤᬕᬶᬂᬳᬚᬳᬦ᭄ᬧᬸᬦᬶᬓᬶ᭞ᬚᬤ᭄ᬫᬲᬦᬾᬗᭂᬫᭂᬢ᭄ᬦᬸᬮᬸᬄ᭞ᬧᬧ᭄ᬮᬚᬳᬦᬾᬉᬢ᭄ᬢᬫ᭞ᬚ
ᬕᬲᬶᬦᬄᬳᬸᬭᬶᬧ᭄ᬜᬩᬕ᭄ᬬᬭᬳᬬᬸ᭞ᬢᬸᬯᬶᬭᬶᬂᬚᬕᬢ᭄ᬯᭂᬓᬲᬦ᭄᭞ᬳᬶᬗ᭄ᬕᬶᬬᬦ᭄ᬭᬶᬂᬚᬕᬢ᭄ᬧᬸᬦᬶᬓᬶ᭟ᬯᬮᬸᬬᬢᬦ᭄ᬫᬩᬶᬦᬬᬦ᭄᭞ᬓᬤᬶᬜᬶᬗᬓ᭄᭞ᬓᭂᬫ᭄ᬩᬸᬗᬦ᭄ᬳᭀᬬᬫᬲ
ᬳᬶᬄ᭞ᬢᬍᬃᬓᬤᬶᬮᬯᬢ᭄ᬢᬸᬳᬸ᭞ᬓᬯᬾᬦ᭄ᬢᭂᬦᬦᬾᬭᬶᬂᬚᬕᬢ᭄᭞ᬲᬂᬫᬜᬶᬗᬓ᭄ᬚᬕᬢᬾᬭᬶᬂᬮᬯᬢ᭄ᬧᬢᬸᬄ᭞ᬢᬍᬃᬮ᭄ᬯᬶᬃᬓᭂᬫ᭄ᬩᬸᬗᬦ᭄ᬢᭀᬬ᭞ᬢᬦ᭄ᬓᬓᭀᬤᬕᬂᬳᬦ᭄ᬢᬸᬓ᭄ᬧᬢᬶ
᭟ᬤᬸᬭᬸᬲᬂᬦᬾᬫᬗ᭄ᬓᬶᬦ᭄ᬘᬶᬗᬓ᭄ᬤᬳᬢ᭄ᬩᭂᬘᬶᬓ᭄᭞ᬫᬓᬦ᭄ᬢᭂᬦ᭄ᬚᬕᬢ᭄ᬧᬸᬦᬶᬓᬶ᭞ᬩᬸ᭠ᬗᬄᬲᬳᬦᬸᬤᬸᬢ᭄ᬓᬬᬸᬦ᭄᭞ᬢᬦ᭄ᬩᬶᬦᬓᬤᬶᬲ᭄ᬬᬦ᭄ᬤᬦ᭞ᬦᬾᬫᬧᬸᬮᬲ᭄ᬫᬧ᭄ᬭᬤᬫᬵᬲ᭄ᬗᭂᬦ᭄ᬤᬶᬄ
[ ᭓᭙ 39A]
ᬫᬸᬭᬸᬩ᭄᭞ᬧᬮᬶᬗ᭄ᬕᬶᬳᬦ᭄ᬲᬂᬉᬢ᭄ᬢᬫ᭞ᬲᬂᬲᬦᬾᬜᬾᬂᬘᬾᬗᬂᬕᬸᬫᬶ᭟ᬭᬶᬂᬚᬕᬢ᭄ᬧᬸᬦᬶᬓᬶᬓᭀᬘᬧ᭄ᬲᬂᬯᬶᬫᬸᬥ᭞ᬩᬘᬓᬦ᭄ᬚᬤ᭄ᬫᬦᬾᬧᬮᬶᬂᬧᬧᭂᬢᭂᬗᬦ᭄ᬲᬮᬶᬂᬲᬶᬗ᭄ᬕᬸᬓ᭄᭞
ᬫᬕᬭᬂᬗᬮᬶᬄᬓᬲᬸᬓᬦ᭄᭞ᬫᬮᬸᬫᬮ᭄ᬯᬦ᭄ᬫᬋᬚᭂᬂᬳᬶᬧᬸᬦ᭄ᬫᬋᬩᬸᬢ᭄᭞ᬗᬶᬂᬳᬶᬤᬲᬂᬯᬶᬘᬓ᭄ᬱᬡ᭞ᬢᬦ᭄ᬢᭂᬕᬸᬮ᭄ᬓᬲᬸᬓᬦ᭄ᬕᬸᬫᬶ᭟ᬚᬤ᭄ᬫᬦᬾᬢᬦ᭄ᬳᬾᬮᬶᬂᬧᭂᬘᬓ᭄ᬢᬸᬃᬯᭂᬓᬲᬦ᭄᭞ᬳᬶ
ᬧᬸᬦ᭄ᬲᬶᬤᬤᬤᭀᬲ᭄ᬢᬾᬮᬶᬂ᭞ᬲᬂᬲᬧᬸᬦᬶᬓᬓᬯᬸᬯᬸᬲ᭄᭞ᬜᬸᬦᬭᬶᬦ᭄ᬚᬕᬢᬾᬕᬮᬂ᭞ᬦᬾᬢᬦ᭄ᬩᬶᬦᬲᬢᬤᬶᬩᬸᬮᬦᬾᬫᭂᬢᬸ᭞ᬲᬦᬾᬧᭂᬘᬓ᭄ᬓᬢᬯᭂᬗᬦ᭄᭞ᬳᬦ᭄ᬢᬸᬓ᭄ᬕᬸᬍᬫᬾ
ᬭᬶᬂᬮᬗᬶᬢ᭄᭟ᬚᬤ᭄ᬫᬦᬾᬗᬸᬤᭂᬧᬂᬘᭀᬭᬄᬳᬦ᭄ᬢᬸᬓ᭄ᬬᬢ᭄ᬦ᭞ᬢᬸᬃᬳᬸᬧᬬᬲᬦᬾᬍᬯᬶᬄ᭞ᬦᬸᬮᬸᬄᬫᬃᬕᬲᬦᬾᬮᬸᬳᬸᬃ᭞ᬦᬾᬲᬶᬤᬦᭂᬫᭀᬓᬂᬧᬮ᭞ᬲᬂᬧᬸᬦᬶᬓᬜᬦᬭᬶ
Kaca:Bali-lontar-paparikan-dammapada-500ppi.pdf/39
Kaca puniki sampun kauji-wacén
