[ ᭓᭗ 37B]
᭓᭗᭞
ᬩᭂᬋᬓ᭄ᬢᬸᬃᬗᬭᬭᬶᬲ᭄ᬩᭂᬜᬄ᭞ᬗ᭄ᬭᬸᬲᬓ᭄ᬤᬾᬯᬾᬓ᭄ᬜᬧᬤᬶᬤᬶ᭟ᬦᬾᬗᬯᬾᬚᬤ᭄ᬫᬦᬾᬍᬢᬸᬄ᭞ᬚᬢᬶᬤᬾᬯᬾᬓ᭄ᬜᬧᬤᬶᬤᬶ᭞ᬓᬤᭀᬲᬂᬚᬤ᭄ᬫᬦᬾᬘᬘᬤ᭄᭞ᬓ᭄ᬭᬦᬤᬾᬯᬾᬓ᭄ᬜᬧᬤᬶᬦᬶ᭞
ᬤᬾᬯᬾᬓᬾᬧᬤᬶᬤᬶᬗᬸᬦ᭄ᬤᬂ᭞ᬘᭀᬭᬳᬾᬗᭂᬩᭂᬓᬶᬦ᭄ᬕᬸᬫᬶ᭟ᬤᬾᬯᬾᬓᬾᬧᬤᬶᬤᬶ᭠ᬢᬸᬳᬸ᭞ᬦᬤᭀᬲᬂᬚᬤ᭄ᬫᬦᬾᬲᬸᬘᬶ᭞ᬓᬲᬸᬘ᭄ᬬᬦ᭄ᬮᬦ᭄ᬓᬍᬢᭂᬳᬦ᭄᭞ᬧᬗᬢᬕ᭄ᬤᬾᬯᬾᬓ᭄ᬧᬤᬶ
ᬤᬶ᭞ᬢᬦ᭄ᬯᬾᬦ᭄ᬢᭂᬦ᭄ᬢᬦ᭄ᬫᬮ᭄ᬬᬦᬦ᭄᭞ᬗᬯᬾᬲᬂᬮᬾᬦ᭄ᬤᬤᭀᬲ᭄ᬲᬸᬘᬶ᭟ᬫᬕ᭄ᬤᬲᬫ᭄ᬧᬸᬦᬂᬢᬦ᭄ᬭᬸᬗᬸ᭞ᬗᬍᬫᬾᬦᬬᬂᬲ᭄ᬯᬓᬃᬤᬶ᭞ᬲᬦᬾᬤᬤᭀᬲ᭄ᬓᬧᬢᬸᬢᬦ᭄᭞ᬭᬭᬶᬲ᭄ᬳᬗ᭄ᬕᬾᬦ᭄ᬫᬕᬯᬾᬦᬶ
ᬦ᭄᭞ᬧᬶᬲᬭᬢ᭄ᬳᬦᬓ᭄ᬮ᭄ᬬᬦᬦ᭄᭞ᬤ᭄ᬬᬲ᭄ᬢᬸᬗᬯᬾᬮᬶᬦ᭄ᬢᬂᬩᭂᬘᬶᬓ᭄᭟ᬭᬶᬂᬲᬫ᭄ᬧᬸᬦᬾᬓᬧᬶᬓᬬᬸᬦ᭄᭞ᬰ᭄ᬯᬥᬃᬫ᭄ᬫᬦᬾᬢᭂᬭᬂᬗᬶᬮᬶᬲ᭄᭞ᬧᬢᬸᬢᬾᬚᬤ᭄ᬫᬦᬾᬬᬢ᭄ᬦ᭞ᬳᬦ᭄ᬢᭂᬫᬸᬧᬸᬢᬂᬲ᭄ᬯ
[ ᭓᭘ 38A]
ᬓᬃᬤᬶ᭞ᬚᬦ᭄ᬢᭀᬲ᭄ᬧᭀᬮᬶᬄ᭞ᬳᬢᬸᬚᭀᬦ᭄ᬧᬶᬦᬶᬄᬉᬢ᭄ᬢᬫᬶ᭟᭐᭟ᬧ᭠ᬗ᭄ᬓᬸᬃ᭟᭐᭟ᬲᬫ᭄ᬧᬸᬦᬂᬚᬩᬲ᭄ᬫᬫᬜ᭄ᬚᬓ᭄ᬫᬗᬬᬳᬶᬦ᭄᭞ᬲᬓᬜ᭄ᬘᬦ᭄ᬓᬲᬸᬓᬦ᭄ᬳᬢᬶ᭞ᬲᬫ᭄ᬧᬸᬦᬂᬳᬫ᭄ᬧᬄ
ᬲᬢᬸᬯᬸᬓ᭄᭞ᬚ᭄ᬭᭀᬦᬶᬂᬫᬳᬸᬭᬶᬧ᭄ᬭᬶᬂᬚᬕᬢᬾ᭞ᬲᬫ᭄ᬧᬸᬦᬂᬚᬗᬫᭂᬮ᭄ᬧᬦᬫ᭄ᬧᬶᬦᬾᬤᬸᬤᬸ᭞ᬲᬫ᭄ᬧᬸᬦᬂᬩᬗᭂᬢ᭄ᬓᬩᬦ᭄ᬤ᭞ᬳᬦ᭄ᬢᬸᬓ᭄ᬱᬮ᭄ᬯᬶᬃᬤᬕᬶᬂᬕᬸᬫᬶ᭟ᬲᬫ᭄ᬧᬸᬦᬂᬚᬫᬮᬓ᭄ᬱᬡᬓᬤ᭄ᬭᭀᬧᭀ
ᬦᬦ᭄᭞ᬫᬢᬶᬗ᭄ᬓᬄᬢᬦ᭄ᬓᬃᬯ᭄ᬯᬦ᭄ᬳᬶᬦ᭄ᬤᬶᬓ᭄᭞ᬫᬢᬶᬦ᭄ᬤᬓᬦ᭄ᬗᬦ᭄ᬤᬂᬗᬜ᭄ᬚᬸᬄ᭞ᬧᬸᬦᬶᬓᬜᬦ᭄ᬤᬂᬳᬸᬲᬦᬂ᭞ᬫᬃᬕᬶᬘᬶᬗᬓ᭄ᬳᬍᬓ᭄ᬢᭂᬓᬂᬚᬦ᭄ᬢᭀᬲ᭄ᬜᬸᬲᬸᬧ᭄᭞ᬓᬤᬶᬦᬾᬲᬫ᭄ᬧᬸᬦ᭄ᬓᬚᬳᬂ᭞ᬧᬧ᭄ᬮᬚᬳᬦᬾ
ᬧᬸᬦᬶᬓᬶ᭟ᬭᬾᬄᬚᬤ᭄ᬫᬦᬾᬲᬦᬾᬧᬕᭂᬄᬦᬍᬓ᭄ᬢᭂᬓᬂ᭞ᬧᬧ᭄ᬮᬚᬳᬦᬾᬧᬸᬦᬶᬓᬶ᭞ᬓᬦᬸᬢᬶᬦ᭄ᬢᬦ᭄ᬗᬾᬢᬂᬢᬸᬬᬸᬄ᭞ᬚᬤ᭄ᬫᬦᬾᬓᬤᬶᬧᬸᬦᬶᬓ᭞ᬚᬕᬲᬤ᭄ᬬᬳᬸᬭᬶᬧ᭄ᬚᬶᬧᬸᬦᬾᬭᬳᬬᬸ᭞
Kaca:Bali-lontar-paparikan-dammapada-500ppi.pdf/38
Kaca puniki sampun kauji-wacén
