[᭙᭑ 91B]
᭙᭑
ᬦ᭄ᬤᬓ᭄ᬢᬶᬗ᭄ᬳᬮ᭄᭟ᬲᬲᭂᬦ᭄ᬤᭀᬦᬾᬢ᭄ᬯᬶᬳᬗ᭄ᬭᬭᬲ᭄᭞ᬢᬸᬃᬕᬶᬦᬶᬜ᭄ᬘᬗᬶᬂᬦᬶᬗ᭄ᬕᬮᬶᬦ᭄᭞ᬭᬤᬾᬦ᭄ᬕᬮᬸᬄᬲᬬᬦ᭄ᬮᬾᬮᭀ᭞ᬲᬲᭂᬦ᭄ᬤᭀᬦᬾᬲᬬᬦ᭄ᬮᬗᬹ᭞ᬤᬮᬶᬫᬯᬦ᭄ᬢᬦᬾᬓᭂᬫ᭄ᬩᬂ᭞ᬦᭂᬤᭂᬂᬲᬵᬭᬶ᭞ᬭᬤᬾᬦ᭄ᬕᬮᬸᬄᬗᭂᬫ᭄ᬧᬓ᭄ᬩᬸᬗᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬫᬜᬶᬗᬓ᭄᭞
ᬭᬳᬤᬾᬦ᭄ᬕᬮᬸᬄᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜᭀᬗ᭄ᬓᭀᬓ᭄᭞ᬳᬤᬫᬦᬕᬶᬄᬫᬗᭂᬩᬸᬕ᭄᭞ᬳᬤᬫᬦᬕᬶᬄᬫᬦᬶᬜ᭄ᬚᬓ᭄᭞ᬳᬤᬫᬳᬶᬤ᭄᭞ᬳᬦᬓ᭄ᬩᬸᬤᬸᬄᬳᬸᬮᬶᬤᬶᬚᬵ᭟ᬳᬤᬫᬧᭂᬳᭂᬲ᭄ᬫᬢᭂᬗ᭄ᬓᬵᬓ᭄᭞ᬫᬗᭂᬦᭀᬢ᭄ᬘᬸᬋᬓᬾᬳᬗᬶᬢ᭄᭞ᬧ᭄ᬮᬾ
ᬓ᭄ᬩᬾᬤ᭄ᬩᬾᬤ᭄ᬧᬕᬕᭀᬦ᭄ᬢᭀᬮ᭄᭞ᬳᬤᬫᬩᬸᬯᬓ᭄ᬫᬦᬸᬦ᭄ᬤᬸᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬓᬳᬤ᭄᭞ᬫᬫ᭄ᬭᬶᬄᬫ᭄ᬭᬶᬄᬲᬶᬂᬳᭀᬚᭀᬕ᭄ᬳᬦᬓᬾᬲᬳᬕ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓᬾᬦ᭄ᬓᬾᬦ᭄ᬚᬦᬶᬩᬦ᭄ᬗ᭄ᬭᬱᬦᬶᬦ᭄᭞ᬭᬤᬾᬦ᭄ᬕᬮᬸᬄᬦᬸᬤᬶᬚ᭄ᬭᭀ᭞ᬢ᭄ᬯ
ᬭᬤᬦᬾᬓᬬᬸᬦ᭄ᬧᭂᬲᬸ᭞ᬩᬸᬯᬶᬦ᭄ᬧᬾᬢ᭄ᬫᬗ᭄ᬕᬯᬾᬤᬬ᭞ᬫᬦ᭄ᬤᬸᬲ᭄ᬚᬦᬶ᭞ᬓᬧᬜ᭄ᬘᭀᬭᬦ᭄ᬕᬕ᭄ᬮᬶᬲᬦ᭄᭟ᬲᬵᬫ᭄ᬧᬸᬦ᭄ᬯᬸᬲ᭄ᬤ᭠ᬦᬾᬫᬲᬶᬭᬫ᭄᭞ᬓᬧᬫᬬᬲᬦ᭄ᬫᬗ᭄ᬭᬭᬶᬲ᭄᭞ᬧᬺᬕᬶᬦᬦ᭄ᬕᬫ᭄ᬩᬸᬳᬾᬳᭀᬚᭀᬕ᭄᭞ᬫᬦᬕᬶᬄᬩᬋᬂᬫᬗᬫ᭄ᬩᬸᬄ᭞ᬤᬶᬲᬓᬶᬢ᭄ᬧᬜ᭄ᬚᬶ
[᭙᭒ 92A]
᭙᭒
ᬮᬫ᭄ᬧᬳᬂ᭞ᬦᬶᬓᬩ᭄ᬘᬶᬓ᭄᭞ᬧᬸᬦ᭄ᬲ᭄ᬫᬃᬦᬕᬶᬄᬫᬜᭂᬫ᭄ᬩᬃ᭟ᬧ᭄ᬭᬕᬶᬦᬵᬦᬾᬲᬳᬸᬃᬲᬸᬓᬵ᭞ᬤᬸᬭᬸᬲᬂᬕᬸᬲ᭄ᬢᬶᬫᬫᬜ᭄ᬚᬶ᭞ᬳᬓᬾᬄᬧ᭄ᬭᬕᬶᬡᬦᬾᬩ᭄ᬗᭀᬂ᭞ᬫᬢᬓᭀᬦ᭄ᬧᬥᬢᬦ᭄ᬯᭂᬭᬸᬄ᭞ᬕᬸᬲ᭄ᬢᬶᬢᬾᬳᬸᬮᬶᬤᬶᬚᬳ᭞ᬤᬾᬰᬦ᭄ᬕᬸᬲ᭄ᬢᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯᭀᬂᬧᬦᭂ
ᬗ᭄ᬕᬄ᭟ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬯᬸᬲ᭄ᬫᬧᬬᬲ᭄᭞ᬕᬯᭀᬓ᭄ᬳᬦᬓᬾᬦᬶᬗᬮᬶᬦ᭄᭞ᬮᬦ᭄ᬢᬲ᭄ᬧᭂᬲᬸᬬᬫᬭᬾᬭᭀᬤ᭄᭞ᬮᬶᬬᬸᬭᬶᬂᬯᭀᬂ᭠ᬫᬃᬕ᭄ᬕᬶᬳᬕᬸᬂ᭞ᬕᬯᭀᬓ᭄ᬧᬥᬢᬶᬦᬓᭀᬦᬦ᭄᭞ᬦᬾᬫᬩᬮᬶᬄ᭞ᬳᬤᬗᬓᬸᬳᬶᬦ᭄ᬕᬕᬾᬮᬦ᭄᭟ᬤᬸᬭᬸᬂᬫᬸᬮᬢ᭄ᬯᭀᬂᬫᬗ᭄ᬓᬦᬵ᭞
ᬩᬸᬓᬄᬳᭂᬦ᭄ᬢᭀᬦᬾᬫᬫᬜ᭄ᬚᬶ᭞ᬦᬾᬫᬩᬮᬶᬄᬲᬬᬦ᭄ᬩᭂᬗᭀᬂ᭞ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬳᬶᬲ᭄ᬢ᭄ᬭᬶᬓᬓᬸᬂ᭞ᬩᬯᬸᬗᬤᭂᬕ᭄ᬤᬶᬮᬯᬗ᭠ᬦ᭄᭞ᬯᭀᬂᬫᬩᬮᬶᬄ᭞ᬧᬤᬢᬓᭀᬦ᭄ᬢᬶᬦᬓᭀᬦᬦ᭄᭟ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬭᬶᬂᬯ᭄ᬤᬮ᭄᭞ᬲᬤᬓᬕ᭄ᬬᬢ᭄ᬫᬦᬶᬗᬮᬶᬦ᭄᭞ᬭᬭᬶᬲ᭄ᬳᬶᬤ
ᬗᬦ᭄ᬤᬶᬓᬵᬳᬮᭀᬦ᭄᭞ᬳᭂᬜᬾᬦ᭄ᬢᭀᬦᬾᬫᬫᬜ᭄ᬚᬶᬩᬕᬸᬲ᭄᭞ᬫᬲᬯᬸᬃᬧ᭄ᬭᬫᬦ᭄ᬢ᭄ᬭᬶᬧᬥᬵ᭞ᬢᬶᬢ᭄ᬬᬂᬲᬶᬲᬶᬧ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳ᭠ᬦᬓ᭄ᬫᬦᬯᬂ᭟ᬧ᭄ᬭᬫᬾᬦᬓ᭄ᬳᬶᬲ᭄ᬢ᭄ᬭᬶᬤᬶᬚᬩᬵ᭞ᬳᬦᬾᬫ᭄ᬳᬦᭀᬫ᭄ᬳᬬᬸᬲᬫᬶ᭞ᬍᬍᬂᬳᬦᭀᬮᬶᬄᬫᬘ᭄ᬮᭀᬲ᭄᭞ᬓᬬᬸᬦ᭄ᬤᬦᬾᬲᬫᬶ
