[᭙᭒ 92B]
᭙᭒
ᬳᬜᬸᬤ᭄᭞ᬳᬓᬾᬄᬳᬦᬓ᭄ᬫᬶᬸᬓ᭄ᬗᬸᬲᬧ᭄ᬯᬢ᭄ᬧᬵ᭞ᬜᬶᬗᬓ᭄ᬧᬜ᭄ᬚᬶ᭞ᬢᬸᬮ᭄ᬬᬓᬤᬶᬲᬗ᭄ᬳ᭄ᬬᬂᬲ᭄ᬫᬭᬵ᭟ᬲᬲᭂᬦ᭄ᬤᭀᬦᬾᬤᬤᬶᬲᬶᬧ᭄ᬢᬵ᭞ᬤᬸᬫᬤᬓ᭄ᬬᬳᬸᬮᬸᬂᬚᬦᬶ᭞ᬩᬸᬗᬦ᭄ᬤᬮᬶᬫᬦᬾᬳᭂᬦ᭄ᬢᭀ᭞ᬳᬓᬢᬶᬄᬢ᭄ᬗᬳᬶᬂᬤᬮᬸ᭞ᬢᬶᬢ᭄ᬬᬂᬫᬲᬲᬗᬶᬜᬗ᭄ᬕᬵ᭞᭠
ᬩᬳᬦ᭄ᬓᭂᬜᬶᬂ᭞ᬢᬶᬢ᭄ᬬᬂᬲᬸᬓᬵᬫᭂᬢᭀᬄᬚᬶᬯ᭄ᬯ᭟ᬭᬤᬾᬦ᭄ᬕᬮᬸᬄᬯ᭄ᬭᬸᬄᬭᬶᬂᬲᬶᬧ᭄ᬢᬵ᭞ᬩᬶᬸᬓ᭄ᬜᬶᬸᬭᬭᬶᬲ᭄ᬫᬜᬯᬸᬭᬶᬦ᭄᭞ᬳ᭠ᬧᬦ᭄ᬧᬳᬶᬗᬦᬦᬋᬓᭀ᭞ᬫᬥ᭄ᬬᬮᬢ᭄ᬭᬶᬳᬶᬧᬸᬦ᭄ᬳᬸᬮᬸᬂ᭞ᬤᬶᬧ᭄ᬓᭂᬦᬾᬢᬶᬩᬾᬦᬶᬜ᭞ᬲᭀᬭᬶᬂᬯᬶᬗᬶᬦ᭄᭞ᬳᬦ᭄ᬫᬸᬲᬶᬭᬳᬘᬜᬭᬵᬃ᭠
ᬬ᭄ᬬᬦ᭄᭟ᬲᬫ᭄ᬧᬸᬦ᭄ᬓᬭᬱᬭᬶᬂᬘᬶᬢ᭄ᬣᬵ᭞ᬧᬥᬫᬦᬶᬫ᭄ᬩᬮ᭄ᬲᬲᬶᬫ᭄ᬩᬶᬂ᭞ᬲᬬᬦ᭄ᬓ᭄ᬮᬗᭃᬦ᭄ᬯᭀᬗᬦᭀᬦ᭄ᬢᭀᬦ᭄᭞ᬦᬗᬶᬂᬯᭀᬂᬲᬫᬶᬢᬦ᭄ᬯᭂᬭᬸᬄ᭞ᬤᬾᬦᬶᬂᬲᬭᬸᬩᬦ᭄ᬳᬶᬲ᭄ᬫᬃ᭞ᬧᬥᬵᬤ᭄ᬮᬶᬂ᭞ᬲᬂᬧ᭄ᬭᬪᬸᬓᬮᬶᬦ᭄ᬢᬂᬲᬸᬓᬵ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭞ᬜᬦᬦ᭄ᬳᬦ᭄ᬢᬶ
ᬬᬢᬸᬢᬸᬢᬶᬦ᭄᭞ᬤᬶᬚᬵᬬᬓᭀᬫᬤᬸᬦᬸᬗᬦ᭄᭞ᬳᬩᬬᬂᬲ᭄ᬓᬸᬮᬾᬮᬸᬳᬸᬂ᭞ᬮᬳᬸᬢ᭄ᬢᬓᭀᬦᬂᬤᬾᬰᬜ᭞ᬓᬸᬤᬂᬤᬶᬭᬶ᭞ᬳᬚᬓᬵᬫᬳᬶᬫᬺᬕᬶᬦᬵ᭟ᬤᬸᬭᬸᬂᬧᬜ᭄ᬚᬶᬓᬬᬳᬶᬓᬵ᭞ᬧᬸᬦ᭄ᬲ᭄ᬫᬃᬘᭂᬧᭂᬢ᭄ᬜ᭄ᬮᬦᬶᬦ᭄᭞ᬲᬕᬾᬢ᭄ᬩᬸᬗᬸᬢ᭄ᬜᬦᬾᬩᭀ
[᭙᭓ 93A]
᭙᭓
ᬜ᭄ᬚᭀᬃ᭞ᬫᬢᬦ᭄ᬜᬦᬾᬓᬢᭀᬦ᭄ᬩᬶᬭᬸ᭞ᬭᬤᬾᬦ᭄ᬕᬮᬸᬄᬮᬶᬯᬢ᭄ᬳᬶᬘᬵ᭞ᬰ᭄ᬭᬷᬪᬸᬧᬢᬶ᭞ᬕᬸᬫᬸᬬᬸᬢ᭄ᬯᬭᬕᬶᬕᬶᬲᬦ᭄᭟ᬳᬓ᭄ᬯᬾᬄᬧ᭄ᬭᬫᬦ᭄ᬢ᭄ᬭᬶᬧ᭄ᬭᬫᬾᬦᬓ᭄᭞ᬕᬸᬬᬸᬗᭀᬭᬂᬩᬲᬂᬲᬓᬶᬢ᭄᭞ᬳᬤᬧᭂᬲᬸᬧᬜᬸᬄᬋᬓᭀ᭞ᬩᬦ᭄ᬓᭂᬤᬾᬓ᭄ᬮᬶᬯᬢ᭄ᬕᬸᬫᬸᬭᬸᬄ᭞ᬧᬋ
ᬓᬦᬾᬳᭂᬗ᭄ᬓᭂᬮ᭄ᬧᬶᬲᬦ᭄᭞ᬧᭂᬲᬸᬢᬳᬶ᭞ᬧᭂᬲᬸᬧᬜᬸᬄᬧᬓᭂᬜ᭄ᬘᬶᬭᬵᬢ᭄᭟ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬤᬯᬸᬄᬢᬶᬕᬵ᭞ᬕᬫ᭄ᬩᬸᬳᬾᬲᬬᬦᬗ᭄ᬭᬯᬶᬢ᭄᭞ᬯᭀᬂᬫᬦᭀᬦ᭄ᬢᭀᬦ᭄ᬲᬬᬦ᭄ᬦᬾᬮᭀ᭞ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬳᬶᬲ᭄ᬢ᭄ᬭᬶᬓᬓᬸᬂ᭞ᬳᬤᬫ᭄ᬮᬳᬶᬩᬶᬦ᭄ᬧᬶᬬᬦᬓ᭄᭞ᬓ᭄ᬭᬶ᭠
ᬓ᭄ᬭᬶᬓ᭄᭞ᬦᬾᬩ᭄ᬮᬶᬂᬮᬩᬸᬄᬜᬸᬕᬾᬕᬾᬕ᭄᭟ᬳᬤᬜᬓᬶᬢ᭄ᬤᬶᬚᬸᬫᬳᬦ᭄᭞ᬗᬦ᭄ᬢ᭄ᬬᬂᬍᬓᬤ᭄ᬢᬶᬩᬾᬦ᭄ᬲᬓᬶᬢ᭄᭞ᬧᬢᬸᬮᬸᬗᬾᬧᬥᬳᬾᬧᭀᬢ᭄᭞ᬢ᭄ᬤᬸᬦ᭄ᬩᬮ᭄ᬬᬦᬾᬢᬢ᭄ᬮᬸ᭞ᬗᬯᬾᬧᬜᭂᬄᬲᭂᬄᬓᬾᬯᭂᬳᬦ᭄᭞ᬢ᭄ᬯᬄᬢᭀᬂᬫᬶᬚᬶᬮ᭄᭞ᬤᬾᬦᬶᬂᬬᬫᬧᬶ
ᬦ᭄ᬤᬵᬓᬳᬲ᭄᭟ᬧᬥᬦᬶᬗᭂᬄᬕᬫ᭄ᬩᬸᬄᬫ᭄ᬮᬄ᭞ᬳᭀᬜᬗᬦ᭄ᬧᬥᬫᬩᬮᬶᬄ᭞ᬩᬮ᭄ᬬᬦᬾᬧᭂᬲᬸᬫᬓ᭄ᬚᬂ᭞ᬦᬾᬫᬜᬓᬶᬢ᭄ᬢᬦ᭄ᬓᬭᬸᬗᬸ᭞ᬓᬭᬶᬲᬸᬳᬸᬂᬤᬶᬚᬸᬫᬄᬜ᭞ᬦᬾᬦᬾᬜᬓᬶᬢ᭄᭞ᬫᬫᬶᬲᬸᬄᬢ᭄ᬯᬭᬵᬕᬶᬕᬶᬲᬦ᭄᭟ᬢᬸᬮᬄᬫᬦᬸᬄᬳᬶᬩᬧᬥᬵ᭞ᬫ
