Kaca:Bali-lontar-paparikan-bagus-umbara-01-250ppi.pdf/91

Saking Wikisource
Kaca puniki sampun kauji-wacén

[᭙᭐ 90B]
᭙᭐
ᬮᭀᬚᬶᬂ᭞ᬳ᭄ᬤᬩ᭄ᬮᬲ᭄‌ᬢ᭄ᬓᬾᬦ᭄‌ᬭᭀᬯᬂ᭞ᬦᬶᬭᬵᬫᭂᬦᬾᬓᬦ᭄ᬫᬜᬭᬸ᭞ᬩ᭄ᬦᭂᬗᬦ᭄ᬳᬦᬓᬾᬓᬢᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬜᬮᬸᬩ᭄ᬲᬸᬩ᭄ᬭᬭᬶᬲ᭄ᬓᬢ᭄ᬗᬄ᭟ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬓᬚᬩᬵ᭞ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬯᭀᬂᬫᬩᬮᬶᬄ᭞ᬭᬫᬾᬧᬥᬮᬦᬂᬯᬤᭀᬦ᭄᭞ᬳᬤᬫᬢᬶᬜ᭄ᬚᭀ᭠
ᬫᬢᬸᬳᬸᬓ᭄᭞ᬳᬤᬢᭀᬦᬾᬗᬚᬓ᭄ᬧᬦᬓ᭄᭞ᬯᬸᬲ᭄ᬫᬗ᭄ᬮᬶᬂ᭞ᬭᬫᬾᬧᬥᬫᬓ᭄ᬭᬾᬬᬓᬦ᭄᭟ᬯᬳᬸᬫᭀᬮᬄᬧᬜ᭄ᬚᬶᬳᬶᬓᬵ᭞ᬲᬲᭂᬦ᭄ᬤᭀᬦ᭄ᬫᬦᬶᬲ᭄ᬫᬮᬶᬮᬶᬢ᭄᭞ᬓᬤᬶᬕᬸᬍᬫ᭄ᬫᬥᬸᬤ᭄ᬭᬯᬵ᭞ᬳᬾᬲᭂᬫᬾᬳᬢᬸᬂᬢᬸᬂᬚᬸᬭᬸᬄ᭞ᬳᬓᬾᬄᬩᭂᬗᭀᬂᬗᬸᬲᬧ᭄ᬯᬱ᭄ᬧᬵ
᭞ᬳᬤᬵᬗ᭄ᬮᬶᬂ᭞ᬓᬬᬳᬜᬸᬤ᭄ᬢᬦ᭄ᬧᬢᭀᬬ᭟ᬕᬯᭀᬓ᭄ᬳᬦᬓᬾᬗᬦ᭄ᬢᭂᬦᬂ᭞ᬲᭀᬮᬄᬧᬜ᭄ᬚᬶᬮᬶᬦ᭄ᬢᬂᬍᬯᬶᬄ᭞ᬳᬤᬵ᭠ᬗ᭄ᬮᬶᬂᬳᬤᬩ᭄ᬗᭀᬂ᭞ᬫᬗᭂᬦᭀᬢ᭄ᬧᬜ᭄ᬚᬶᬦᬾᬩᬕᬸᬲ᭄᭞ᬯᭀᬗᬧᬢᬸᬫ᭄ᬩᬾᬦ᭄ᬫᬗᭂᬦᬄ᭞ᬢᬹᬃᬫᬫᬜ᭄ᬚᬶ᭞ᬳᬓᬾᬄᬯᭀᬂᬦᭀ
ᬦ᭄ᬢᭀᬦ᭄ᬓᬾᬤᬦᬦ᭄᭟ᬧᬸᬦ᭄ᬲ᭄ᬫᬃᬫᬗ᭄ᬓᬶᬦ᭄ᬓᭀᬘᬧ᭞ᬲᬕᬾᬢ᭄ᬫᬩᬸᬗᬸᬢ᭄ᬤᬶᬲᬵᬫ᭄ᬧᬶᬂ᭞ᬫᬢᬦᬾᬧᬸᬢᬶᬄᬫᬮᭀᬧᭀᬄ᭞ᬲᬕᬾᬢ᭄ᬓᭂᬤᬾᬓᬾᬕᬸᬫᬸᬭᬸᬄ᭞ᬫᬢᭀᬬᭀᬗᬦ᭄ᬤᬶᬩᬜ᭄ᬘᬶᬗᬄ᭞ᬫ᭄ᬯᬦ᭄ᬢᬶᬯᬦ᭄ᬢᬶ᭞ᬳᬤᬗᭂᬦ᭄ᬢᬄᬲᬓᬶᬢ᭄ᬩᬲᬂ᭟ᬓᬭᬸᬗᬹᬫᬭᬶᬂᬚ᭄ᬭᭀ

[᭙᭑ 91A]
᭙᭑
ᬧᬹᬭᬵ᭞ᬳᬓᬾᬄᬯᭀᬂᬚ᭄ᬭᭀᬫᬫᬶᬭᬕᬶ᭞ᬭᬶᬚᬩᬭᬫᬾᬕᬕᬸᬬᭀᬦ᭄᭞ᬭᬤᬾᬦ᭄ᬕᬮᬸᬄᬯ᭄ᬭᬸᬄᬭᬶᬂᬓᬬᬸᬦ᭄᭞ᬫᬰᬢᭀᬂᬳᬶᬩ᭄ᬮᬶᬢ᭄ᬓᬵ᭞ᬲᬓᬶᬂᬩᬮᬶ᭞ᬤᬸᬭᬸᬂᬯᭀᬂᬕᬸᬬᬸᬫᬗ᭄ᬓᬦᬵ᭟ᬭᬭᬶᬲ᭄ᬫᬧ᭄ᬢᬢ᭄ᬫᬲ᭄ᬯᬄ᭞ᬫᭂᬲᬾᬄᬯᬲ᭄ᬢ᭄ᬭᬕ᭄ᬮᬂᬲᬶᬫ᭄ᬲᬶᬫ᭄᭞ᬫ᭠
ᬩᬧᬂᬮᬯᬵᬦ᭄ᬫᬭᭀᬦ᭄‌‌ᬭᭀᬦ᭄᭞ᬫᬢ᭄ᬓᭂᬲ᭄ᬕᬭᬸᬥᬫᬸᬗ᭄ᬓᬸᬃ᭞ᬫᬭᬸᬫ᭄ᬩᬶᬂᬫᬗᬸᬯᬄᬓᬵᬃᬡ᭄ᬦ᭞ᬲᭂᬓᬃᬢᬚᬶ᭞ᬫᬧᬜᬶᬗ᭄ᬓᭂᬢ᭄ᬲᬸᬢᬺᬚ᭄ᬦᬃ᭟ᬦᬯᬂᬢᬭᭀᬯᬸᬲ᭄ᬫᬧᬬᬲ᭄᭞ᬭᬓᬦᬾᬤᬶᬢᬸᬗᬯᬸᬓᬶᬦ᭄᭞ᬚᬮᬦ᭄ᬓᬾᬧᭂᬲᬸᬫᬢᬶᬜ᭄ᬚᭀ᭞ᬫᬩᬮᬶᬄᬕᬫ᭄ᬩᬸ
ᬳᬾᬮᬸᬳᬸᬂ᭞ᬭᬭᬶᬲ᭄ᬧᭂᬲᬸᬧᬓᬮᬶᬳᬦ᭄᭞ᬧ᭄ᬭᬧ᭄ᬢᬚᬦᬶ᭞ᬕᬸᬧᬸᬄᬫᬦᬸᬚᬸᬮᬯᬗᬦ᭄᭟ᬢᬸᬫᬸᬮᬶᬄᬳᬧᭂᬦ᭄ᬤᬓ᭄ᬢᬶᬗᬮ᭄᭞ᬭᬳᬶᬦᬾᬭᬭᬶᬲ᭄ᬢᬸᬦ᭄ᬤᬶᬓᬶᬦ᭄᭞ᬢᬶᬤᭀᬂᬧ᭄ᬮᬶᬄᬫᬸᬜᬶᬦ᭄ᬳᭂᬫ᭄ᬩᭀᬓ᭄᭞ᬦᬾᬫᬫᬜ᭄ᬚᬶᬳᬶᬩ᭄ᬮᬶᬩᬕᬸᬲ᭄᭞ᬩᬬᬚᬦᬶᬢ᭄ᬯᬄᬕᬦ᭄ᬢᬶᬜ᭞᭠
ᬦᬶᬗ᭄ᬕᬮ᭄ᬧᬸᬭᬶ᭞ᬩᬦ᭄ᬳᭂᬫ᭄ᬩᭀᬓ᭄ᬳᬤᬫᬳᬸᬢᬂ᭟ᬤᬶᬦᬶᬚᬜᬳᬶᬳᭂᬦ᭄ᬤᬾᬦᬂ᭞ᬳᭂᬫ᭄ᬩᭀᬓ᭄ᬫᭂᬦᬾᬓ᭄ᬫᬦᬶᬗ᭄ᬕᬭᬶᬦ᭄᭞ᬭᬶᬂᬤ᭄ᬮᬶᬫᬯᬦ᭄ᬢᬦᬾᬳᭀᬚᭀᬕ᭄᭞ᬦᬶᬸᬦᭂᬗᭀᬓ᭄ᬳᬸᬮᬶᬓᭀᬭᬶᬳᬕᬸᬂ᭞ᬤᬶᬤᬶᬢᬸᬫᬕᬬᬸᬂᬕᬬᬸᬗᬦ᭄᭞ᬓ᭄ᬜᬶᬂᬓᭂᬜᬶᬂ᭞ᬢᬗ᭄ᬲᬄᬬᬓᬧᭂ᭠