[᭗᭙ 79B]
᭗᭙
ᬳᬶᬧᬢᬶᬄᬫᬳᬵᬢᬹᬃᬳᬮᭀᬦ᭄᭞ᬢᬶᬢ᭄ᬬᬂᬧᭀᬮᬶᬄᬳᭀᬃᬢ᭄ᬣᬶᬤᬸᬫᬸᬦ᭄᭞ᬓᭀᬘᬧ᭄ᬫᬦ᭄ᬢ᭄ᬭᬶᬩᬵᬮᬶᬧ᭄ᬭᬧ᭄ᬢᬵ᭞ᬭᬯᬸᬄᬓ᭄ᬚ᭠ᬯᬶ᭞ᬩᬕᬸᬲᬾᬢ᭄ᬯᬭᬵᬦᬓ᭄ᬧᬥ᭟ᬢ᭄ᬯᬶᬓᬓᬵᬲᬧᬸᬦᬶᬓᬵ᭞ᬕᬯᭀᬓ᭄ᬳᬶᬭᬦᬾᬢᬦ᭄ᬲᬶᬧᬶᬤᬶᬦᬶᬬᬵᬫᬜᬸᬗ᭄ᬓᬦ᭄ᬋᬓᭀ᭞ᬢᬹᬃ᭠
ᬫᬗ᭄ᬯᬶᬥᬶᬚᬸᬭᬸᬲᬶᬫ᭄ᬩᬸᬄ᭞ᬳᬶᬧᬢᬶᬄᬫᬵᬢᬹᬃᬳᬦᭂᬫ᭄ᬩᬄ᭞ᬳᬶᬦᬾᬦ᭄ᬫᬗ᭄ᬓᬶᬦ᭄᭞ᬓᭀᬘᬧ᭄ᬤᬦᬾᬲᬵᬫ᭄ᬧᬸᬦ᭄ᬢᬸᬮᬓ᭄᭟ᬲᬂᬦᬵᬣᬳᬮᭀᬦ᭄ᬗᬦ᭄ᬤᬶᬓᬵ᭞ᬗᬸᬤᬵᬢ᭄ᬯᬭᬵᬢ᭄ᬓᬵᬫᬳᬶ᭞ᬦᬾᬦᬾᬲᬸᬩᬵᬲᬸᬩᬵᬋᬓᭀ᭞ᬦᬵᬕᬭᬦᬾᬲᬵᬫ᭄ᬧᬸᬦ᭄ᬲᬸᬳᬸᬂ᭞ᬲᬂᬦᬵᬣᬤᬤᭀ
ᬲ᭄ᬭᬓ᭄ᬱᬲ᭞ᬩᬮᬲᬫᬶ᭞ᬲᬵᬫ᭄ᬧᬸᬦ᭄ᬢ᭄ᬮᬲ᭄ᬢᬥᬄᬳᬶᬤᬵ᭟ᬲᬂᬦᬵᬣᬫᬮᬶᬄᬗᬦ᭄ᬤᬶᬓᬵ᭞ᬜᬦ᭄ᬤᬂᬓᬾᬫᬤ᭄ᬬᬦ᭄ᬬᬧ᭄ᬭᬧ᭄ᬢᬶ᭞ᬦᬄᬳᬢᬸᬭᬶᬦ᭄ᬤᬲᬂᬓᬣᭀᬂ᭞ᬦᬶᬭᬦᬫ᭄ᬧᬶᬳ᭄ᬬᬸᬦ᭄ᬲᬂᬧ᭄ᬭᬪᬸ᭞ᬢ᭄ᬓᬾᬦᬶᬂᬭᬵᬚᬧᬦᭀᬫᬄ᭞ᬤ᭄ᬫᬂᬧᬢᬶᬄ᭞ᬳᬕ᭄ᬮᬶᬲ᭄ᬧᬫᬶᬢ᭄ᬭᬶᬂᬲᬂᬦᬵᬣ᭟ᬢ
ᬦ᭄ᬓᭀᬘᬧᭂᬦ᭄ᬜᬭᬶᬂᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬦᬵᬕᬭᬶ᭞ᬓᭀᬘᬧᭂᬦ᭄ᬳᬶᬤᬲᬂᬓᬣᭀᬂ᭞ᬭᬶᬂᬚᬯᬶᬲᬋᬂᬭᬶᬂᬲᬸᬦᬹ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬓᬂᬳᬸᬢᬸᬲᬦ᭄᭞ᬫᬵᬢᬹᬃᬕ᭄ᬮᬶᬲ᭄᭞ᬲᬤ᭄ᬬᬳᭀᬮᬶᬄᬫᬫᬋᬓᬦ᭄᭟ᬲᬂᬭᬢᬸᬭᬶᬂᬯᬶᬦ᭄ᬥᬸᬢᬶᬗᬮ᭄᭞ᬫᬶ
[᭘᭐ 80A]
᭘᭐
ᬯᬄᬳᬶᬤᬭᬤᬾᬦ᭄ᬤᬾᬯᬶᬸᬦ᭄ᬫᬦ᭄ᬢ᭄ᬭᬶ᭞ᬓᬮᬶᬦ᭄ᬢᬂᬲᬸᬓᬵᬦᬾᬋᬓᭀ᭞ᬳᭀᬮᬶᬄᬫᬗ᭄ᬮᬫᬃᬢ᭄ᬯᬦ᭄ᬕᬮᬸᬄ᭞ᬭᬭᬶᬲ᭄ᬫᬗᬶᬗᭀᬦᬶᬦ᭄ᬧᬜ᭄ᬚᬓ᭄᭞ᬮ᭄ᬫᬄᬯ᭄ᬗᬶ᭞ᬢᬦ᭄ᬧ᭄ᬕᬢ᭄ᬫᬲᬸᬓᬵᬦ᭄ᬲᬸᬓᬵᬦ᭄᭟ᬳᭂᬕᭀᬂᬫᬸᬦᬶᬓᬲᬯᬸᬭᬦ᭄᭞ᬳᬶᬮᬾᬦᬶᬮᬾᬦ᭄ᬲ
ᬫᬶᬫᬶᬚᬶᬮ᭄᭞ᬕᬫ᭄ᬩᬸᬄᬮᬯᬵᬦ᭄ᬯᬬᬂᬯᭀᬂ᭞ᬯᬬᬂᬓ᭄ᬮᬶᬃᬢᬸᬗ᭄ᬕᬮ᭄ᬤᬮᬸ᭞ᬤᬮᬂᬲᬓᬶᬂᬚᬫ᭄ᬩᬸᬃᬚ᭄ᬚᬶᬧᬂ᭞ᬦᬾᬳᬓ᭄ᬮᬶᬃᬤᬮᬂᬓᬲᬸᬩ᭄ᬭᬶᬂᬧᬦᭂᬗ᭄ᬕᬄ᭟ᬳ᭄ᬦᭂᬗᬓ᭄ᬦᬵᬭᬶᬂᬚᬯ᭞ᬭᬶᬂᬩᬮᬶᬓᬯᬸᬯᬸᬲ᭄ᬫᬮᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭄ᬋᬓᭀ᭞ᬳᬫᭀᬂᬫᭀᬂᬤ᭄ᬬᬄ
ᬭᭀᬭᭀᬳᬬᬸ᭞ᬲᬯᬢᬭᬬᬾᬦ᭄ᬮᬯᬲ᭄ᬦ᭄ᬬ᭞ᬢᬶᬕᬂᬰᬰᬶᬄ᭞ᬗᬶᬂᬧᬶᬦ᭄ᬤᬲᬸᬗ᭄ᬓᬦ᭄ᬢᬲᬸᬗ᭄ᬓᬦ᭄᭟ᬭᬸᬧᬦ᭄ᬤᬦᬾᬓᬸᬱ᭄ᬬᬧᬶᬲᬦ᭄᭞ᬲᬤᬵᬳᬲ᭄ᬫᬸᬲ᭄ᬫᬸᬢᬗᬶᬲ᭄᭞ᬫᬗᭂᬫ᭄ᬩᭂᬂᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬂᬭᬶᬂᬓᬬᬸᬦ᭄᭞ᬭᬭᬤᬾᬦ᭄ᬦᬯᬂ᭠
ᬢᬺᬗ᭄ᬖᬡ᭞ᬮ᭄ᬫᬄᬯ᭄ᬗᬶ᭞ᬢᬦ᭄ᬓᬬᬸᬦ᭄ᬢᬸᬭ᭄ᬯᬗᬚᭂᬗᬂ᭟ᬕᬫ᭄ᬩᬸᬄᬮᬯᬦ᭄ᬢᬢᬩᬸᬳᬦ᭄᭞ᬳᬗ᭄ᬕᬾᬦ᭄ᬜᬮᬶᬫᬸᬭᬂᬲ᭄ᬤᬶᬄ᭞ᬢᬦ᭄ᬲᬸᬭᬸᬤ᭄ᬓᬬᬸᬦᬾᬋᬓᭀ᭞ᬭᬤᬾᬦ᭄ᬕᬮᬸᬄᬭᬶᬂᬚᭀᬂᬪᬶᬭᬸ᭞ᬤᬤ᭄ᬬᬢᬸᬫᭀᬦ᭄ᬭᬶᬂᬲᬂᬧ᭄ᬳᬶᬸᬭᬓᬵ᭞ᬳᬲ᭄ᬫᬸᬕᬶᬧᬶᬄ᭞ᬢᬸᬫᬸᬮᬶᬄᬫᬵᬢᬸᬃ
