Kaca:Bali-lontar-paparikan-bagus-umbara-01-250ppi.pdf/81

Saking Wikisource
Kaca puniki sampun kauji-wacén

[᭘᭐ 80B]
᭘᭐
ᬳᬜᬸᬫ᭄ᬩᬄ᭟ᬢ᭄ᬯᬶᬢ᭄ᬯᬄᬳᬶᬲ᭄ᬢ᭄ᬭᬶᬳᬸᬢ᭄ᬢᬫᬵ᭞ᬯᬶᬥᬗ᭄ᬤᬶᬸᬕ᭄ᬤᬢᬶᬢᬶᬲᬦ᭄ᬮᭂᬯᬶᬄ᭞ᬫᬫ᭄ᬧᭂᬲ᭄‌ᬚ᭄ᬭᬶᬚᬶᬦᬾᬫᭂᬭᭀᬲ᭄᭞ᬲᬢᬶᬗ᭄ᬓᬳᬶᬂᬫᬗᬸᬦ᭄ᬓᬬᬸᬦ᭄᭞ᬓᭂᬜᬸᬗᬾᬫᬗᬮᬧ᭄ᬚᬶᬯ᭄ᬯ᭞ᬮᬝ᭄ᬬᬵᬫᬦᬶᬲ᭄᭞ᬭᬱᬓᬤᬶᬕᬸᬮᬵᬤ᭄ᬭᬯ᭄ᬯ᭞ᬳᬢᬹᬃᬭᬾᬮ᭄ᬯᬶᬃᬕᬸᬮᬵᬤ᭄ᬭᬯ᭞
ᬤᬸᬄᬤᬾᬯᬦ᭄ᬢᬶᬢ᭄ᬬᬂᬳᬶᬩ᭄ᬮᬶ᭞ᬦᬧᬶᬓ᭄ᬭᬡᬩ᭄ᬮᬶᬩ᭄ᬗᭀᬂ᭞ᬦᬯᬶᬤᬾᬭᬾᬂᬫᬧᭂᬓᬬᬸᬦ᭄᭞ᬤᬶᬚᬳᬵᬧᬸᬢ᭄ᬭᬶᬦᬾᬫ᭄ᬮᬄ᭞ᬦᬾᬓᬧᬗ᭄ᬕᬶᬄ᭞ᬦᬾᬧᬕᭂᬄᬫᬗᭂᬫ᭄ᬧᬸᬭᬕ᭟ᬩ᭄ᬮᬶᬳᬸᬦᬶᬂᬧᬸᬢ᭄ᬭᬶᬓᬢᬄ᭞ᬤᬶᬚᬯ᭄ᬯᬵᬫᬶᬯᬄᬤᬶᬩᬮᬶ᭞ᬚᬯᬦᬶᬂᬳᬤᬶᬭᬶᬋᬓᭀ᭞᭠
ᬭᬶᬂᬳᬶᬭᬢᬸᬢᬶᬢ᭄ᬬᬂᬢᬓᬸᬢ᭄᭞ᬳᬧᬦ᭄ᬢᭂᬕᬸᬄᬢᬹᬃᬫᬕᬸᬡᬵ᭞ᬩᭀᬬᬕᬶᬫᬶᬄ᭞ᬧᬯ᭄ᬯᭂᬭᬸᬄᬢᬹᬃᬫᬯᬶᬰᬾᬱ᭟ᬥᬸᬄᬭᬢᬸᬦᬾᬧᬗ᭄ᬕᬶᬄᬢᬶᬢ᭄ᬬᬂ᭞ᬧᬸᬢ᭄ᬭᬶᬮᬶᬦ᭄ᬢᬂᬳᬬᬸᬭᬶᬭᬶᬄ᭞ᬫᬶᬯᬄᬫᬤᬸᬯᬾᬘᬘᭀᬭᭀᬂ᭞ᬯᬾᬱ᭄ᬝᬤᬾᬲᬵᬫ᭄ᬧᬸᬦ᭄ᬫᬫᬸᬧᬸᬢ᭄᭞᭠
ᬭᬳᬤᬾᬦ᭄ᬦᬯᬂᬢᬺᬗ᭄ᬖᬡ᭞ᬳᬬᬸᬍᬯᬶᬄ᭞ᬳᭀᬓᬦ᭄ᬭᬢᬸᬚᬫᬶᬦ᭄ᬢᭀᬭᬵ᭟ᬬᬾᬦᬶᬂᬧᬸᬦᬶᬓᬵᬭᬶᬂᬚᬯ᭄ᬯ᭞ᬢᭀᬂᬓ᭄ᬦᬶᬓᭀᬓᬶᬄᬧ᭄ᬭᬫᬦ᭄ᬢ᭄ᬭᬶ᭞ᬲᬂᬥ᭄ᬬᬄᬚᭀᬂᬪᬶᬭᬸᬮᬶᬂᬦ᭄ᬬᬵᬮᭀᬦ᭄᭞ᬳᬾᬫᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬭᬢᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞

[᭘᭑ 81A]
᭘᭑
ᬗᬶᬂᬦᬾᬫᬗ᭄ᬓᬶᬦ᭄᭞ᬳᬶᬘᬵᬳᬶᬤᬾᬯ᭄ᬯᬗ᭄ᬭᬯᭀᬲᬂ᭟ᬭᬳᬤᬾᬦ᭄ᬕᬮᬸᬄᬭᬶᬂᬥᭂᬳᬵ᭞ᬳᬢᬸᬭᬾᬗᬜᬸᬤᬂᬳᬢᬶ᭞ᬲ᭠ᬓᬶᬂᬗᬹᬦᬶᬢᬶᬢ᭄ᬬᬂᬫᬢᬓᭀᬦ᭄᭞ᬳᬶᬩ᭄ᬮᬶᬩ᭄ᬬᬵᬦᬜᬓ᭄ᬗᬓᬸ᭞ᬧᬂᬥ᭄ᬬᬄᬚᭀᬂᬪᬶᬭᬸᬫᬵᬢᬸᬭᬵ᭞ᬬᬾᬦ᭄ᬢ᭄ᬯᬄᬩ᭄ᬮᬶ᭞ᬓᬾᬦᬓ᭄ᬦᬾ
ᬩᬾᬜ᭄ᬚᬂᬓᬚᬯᬵ᭟ᬫᬦᬸᬚᬸᬧᬹᬃᬡ᭄ᬦᬫᬓᬨᬢ᭄᭞ᬧᬫᬃᬕ᭄ᬕᬶᬦ᭄ᬫᬫᬮᬶᬂᬧᬸᬢ᭄ᬭᬶ᭞ᬩᭀᬬᬩ᭄ᬮᬶᬧᬘᬂᬫᬶᬦ᭄ᬤᭀ᭞ᬗᬦ᭄ᬤᬶᬓᬵᬳᬶᬤᬦᬾᬤᬶᬢᬸ᭞ᬫᬮᬶᬄᬯᬾᬦ᭄ᬢᭂᬦ᭄ᬫᬦᬄᬢᬶᬢ᭄ᬬᬂ᭞ᬩᬓ᭄ᬢᬦ᭄ᬩᭂᬮᬶ᭞ᬳᬧᬂᬤᬦ᭄ᬫᬸᬲᬗ᭄ᬓᬮᬵ᭟ᬲᬵᬫ᭄ᬧᬸᬦ᭄ᬩᭂᬮᬶᬲᬸᬫᬗ᭄ᬰᬬᬵ᭞ᬗᬯᭀᬦᬶᬦ᭄ᬢᬶ
ᬢ᭄ᬬᬂᬳᬶᬭᬶᬓᬶ᭞ᬩᭀᬬᬢᬶᬢ᭄ᬬᬂᬧᬘᬂᬳ᭄ᬮᭀᬂ᭞ᬫᬫᬜ᭄ᬚᬓ᭄ᬭᬶᬂᬩ᭄ᬮᬶᬩᬕᬸᬲ᭄᭞ᬤ᭄ᬬᬲ᭄ᬢᬸᬦ᭄ᬲᬸᬯᬾᬩ᭄ᬮᬶᬮᬸᬗ᭄ᬳᬵ᭞ᬢᬶᬢ᭄ᬬᬂᬳᬾᬮᬶᬂ᭞ᬩᭀᬬᬢᬶᬢ᭄ᬬᬂᬭᭀᬭᭀᬫᬦᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬧᬢᬸᬢ᭄ᬧᬶᬲᬦ᭄ᬭᬢᬸᬫᬗ᭄ᬓᬶᬦ᭄᭞ᬳᬰᬶᬄᬢ᭄ᬫᭂᬦ᭄ᬫᬲᬶᬳᬶᬗᭀᬂ᭞
ᬢᬸᬫᬸᬮᬶᬄᬳᬗᬸᬓᬸᬢᬸᬓᬸᬢ᭄᭞ᬤᬸᬄᬤᬾᬯ᭄ᬯᬳᬢ᭄ᬫᬚᬶᬯᬶᬢ᭄ᬣᬵ᭞ᬮᬄᬳᬶᬘᬾᬦᬶᬦ᭄᭞ᬢᬶᬢ᭄ᬬᬂᬲ᭄ᬧᬄᬲᬸᬲᬸᬳᬸᬦᬦ᭄᭟ᬦᬸᬮᬶᬭᬭᬶᬲ᭄ᬳᬲᬸᬂᬲ᭄ᬧᬄ᭞ᬢᬶᬦᬭᬶᬫᬾᬦ᭄ᬲᬓᬶᬂᬮᬢᬶ᭞ᬳᬸᬦ᭄ᬢᬸᬦᬾᬜ᭄ᬮᭂᬫ᭄ᬗᬮᬾᬜ᭄ᬘᭀᬓ᭄᭞ᬮᬫ᭄ᬩᬾᬦᬾᬮ᭄ᬯᬶᬃᬫᬡᬶᬓ᭄ᬋᬫ᭄ᬧᬸᬄ᭞ᬳᬶ᭠