[᭗᭘ 78B]
᭗᭘
ᬯᬂᬢᬭᭀᬫᬵᬢᬸᬭᬵ᭞ᬢᬶᬢ᭄ᬬᬂᬫ᭄ᬩᭀᬓ᭄ᬮᬶᬦ᭄ᬢᬂᬲᬳᬶᬭᬶᬂ᭞ᬓᬤᬶᬧᬗᬦ᭄ᬤᬶᬓᬦ᭄ᬳᭂᬫ᭄ᬩᭀᬓ᭄᭞ᬲᬫ᭄ᬧᬸᬦ᭄ᬯᬾᬭᬭᬶᬂᬳᬶᬕᬸᬭᬸ᭞ᬫᬯᬄᬭᬶᬂᬧᬭᬫᬶᬰ᭄ᬯᬃᬬ᭄ᬬ᭞ᬫᬗ᭄ᬤᬾᬲᬶᬮᬶᬩ᭄᭞ᬜᭂᬦ᭄ᬯᭂᬭᬸᬄᬳᬶᬤᬲᬂᬦᬵᬣ᭟ᬢᬦ᭄ᬓᭀᬘᬧ᭄ᬦᬯᬂᬢᬺᬗ᭄ᬕᬡᬵ᭞ᬳᬦᬓᬯᬸᬯᬸᬲᭂᬦ᭄ᬫᬮᬶᬄ᭞ᬲᬂᬭᬢᬸ
ᬭᬶᬂᬯᬶᬦ᭄ᬤᬸᬧᬦᭀᬦ᭄᭞ᬓᬬᬸᬦᬾᬗ᭄ᬮᬫᬃᬢ᭄ᬯᬦ᭄ᬕᬮᬸᬄ᭞ᬢᬺᬗ᭄ᬖᬡᬤᬾᬯᬶᬓᬵᬬᬸᬦᬂ᭞ᬤᬸᬓᬾᬫᬶᬚᬶᬮ᭄᭞ᬓᬯᬶᬤᬶᬤᬦᬾᬫᬜᭂᬫ᭄ᬩᬃ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬦᭂᬫ᭄ᬩᬄ᭞ᬭᬶᬂᬲᬶᬭᬰ᭄ᬭᬶᬦᬭᬧᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬵᬢᬸᬃᬳᬮᭀᬦ᭄᭞ᬤᬸᬭᬸᬲᬂᬳᬶᬘᬦᬾᬭᬢᬸ᭞ᬫᬗ᭄ᬓᬶᬦ᭄ᬫ
ᬧᬸᬢ᭄ᬭᬭᬶᬂᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬧᬸᬢ᭄ᬭᬶ᭞ᬲᬸᬢᬦᬾᬭᬶᬂᬚᬫᬶᬦ᭄ᬢᭀᬭᬵ᭟ᬦᬯᬂᬢᬺᬗ᭄ᬖᬡᬧᬸᬦᬶᬓᬵ᭞ᬳᬶᬕᬸᬭᬸᬫᬫᬵᬃᬕ᭄ᬕᬶᬫᬗ᭄ᬓᬶᬦ᭄᭞ᬮᬶᬗᬶᬭᬵᬲᬶᬭᬲᬂᬓᬢᭀᬂ᭞ᬲᬵᬦ᭄ᬤᬶᬓᬦ᭄ᬳᬶᬦᬦᬓ᭄ᬩᬕᬸᬲ᭄᭞ᬩᬧᬵᬚᬦᬶᬫᬦᬸᬦ᭄ᬤᬾᬦᬂ᭞ᬧᬢᬶᬄᬫᬦ᭄ᬢ᭄ᬭᬶ᭞ᬢᬢᬶᬕᬫᬗ᭄ᬕᬯᬲᬸᬭᬵᬢ᭄᭟
ᬤ᭄ᬫᬸᬂᬤ᭄ᬫᬂᬓ᭄ᬫᬵᬫᬚᬮᬦ᭄᭞ᬓᬚᬫᬶᬦ᭄ᬢᭀᬭᬦᬾᬚᬦᬶ᭞ᬫᬗ᭄ᬕᬯᬧᬦᭀᬫᬄᬋᬓᭀ᭞ᬧᬋᬓ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞ᬢᬢᬲ᭄ᬓᬬᬸᬦᬾᬲᬂᬦᬵᬣ᭞ᬓᬓᬵᬧᬢᬶᬄ᭞ᬬᬾᬦ᭄ᬲᬸᬓᬵᬮᬯᬵᬦ᭄ᬢᬦ᭄ᬲᬸᬓᬵ᭟ᬳᬶᬧᬢᬶᬄᬳᬫᬶᬢ᭄ᬮᬸᬫᬫ᭄ᬧᬄ᭞ᬲᬋᬂᬢᬶᬕᬫᬗ᭄ᬕᬯᬢᬸᬮᬶᬲ᭄᭞ᬫ᭄ᬯᬄ
[᭗᭙ 79A]
᭗᭙
ᬭᬚᬵᬧᬦᭀᬫᬄᬫᬗ᭄ᬓᭀ᭞ᬢᬦ᭄ᬘᬶᬦᬭᬶᬢᬵᬭᬶᬂᬳ᭄ᬦᬸ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬚᬫᬶᬦ᭄ᬢᭀᬭ᭞ᬤᬯᬸᬄᬓᬮᬶᬄ᭞ᬚᬸᬫ᭄ᬭᭀᬚᭀᬕ᭄ᬫᬭᬶᬂᬩᬜ᭄ᬘᬶᬗᬄ᭟ᬲ᭄ᬤᭂᬓ᭄ᬢᬶᬦᬗ᭄ᬓᬶᬮ᭄ᬲᬂᬦᬵᬣ᭞ᬢᬦ᭄ᬓᬯᬸᬯᬸᬲᭂᬦ᭄ᬬᬧ᭄ᬭᬧ᭄ᬢᬶ᭞ᬲᬋᬂᬢᬶᬕᬫᬋᬓ᭄ᬲᬂᬓᬣᭀᬂ᭞ᬓᬂᬲᬸᬭᬵᬢ᭄ᬲᬵᬫ᭄ᬧᬸᬦ᭄ᬓᬳᬢᬸᬃ᭞
ᬲᬶᬦᬵᬣᬫᬫᬯᭀᬲᬸᬭᬵᬢ᭄᭞ᬗᬶᬭᬶᬂᬳᬢᬶ᭞ᬯᬸᬲ᭄ᬧᬸᬧᬸᬢ᭄ᬫᬸᬗ᭄ᬕ᭄ᬯᬶᬂᬯᬺᬤ᭄ᬥᬬ᭟ᬧᬸᬦᬶᬓᬶᬰᬾᬯᬮᬧᬢ᭄ᬭ᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬫᬶ᭠ᬦ᭄ᬢᬵᬳᬰᬶᬄ᭞ᬫᬫᬶᬢᬂᬧᬸᬢ᭄ᬭᬦᬾᬋᬓᭀ᭞ᬳᬦᬸᬮᬸᬲ᭄ᬲᬶᬄᬭᬶᬂᬲᬂᬧ᭄ᬭᬪᬸ᭞ᬮ᭄ᬯᬶᬘᬾᬝᬵᬓᬭᬶᬂᬓᬵᬃᬣᬶᬓᬵ᭞ᬮ᭄ᬯᬶᬄᬯᬶᬗᬶᬢ᭄᭞ᬳᬫ᭠
ᬮᬃᬢᬶᬩᬾᬦᬶᬦ᭄ᬯᬃᬱ᭟ᬲᬂᬦᬵᬣᬳᬲ᭄ᬫᬸᬓᬾᬫ᭄ᬗᬦ᭄᭞ᬳᬫᬯᭀᬲ᭄ᬳᬸᬦᬶᬦᬶᬂᬢᬸᬮᬶᬲ᭄᭞ᬯ᭄ᬓᬲᬦ᭄ᬗᬢᬸᬭᬶᬦ᭄ᬳᬮᭀᬦ᭄᭞ᬳᬢᬸᬭᬂ᭠ᬭᬶᬂᬲᬗᬳᬸᬮᬸᬦ᭄᭞ᬳᬤᭀᬄᬩᬦᬶᬭᬜᬓ᭄ᬱᬭ᭞ᬫᬾᬗᭂᬢ᭄ᬗᬸᬦᬶ᭞ᬭᬸᬧᬲᬵᬫ᭄ᬧᬸᬦ᭄ᬫᬕᬫ᭄ᬮᬦ᭄᭟ᬭᬓ᭄ᬭ᭄ᬬᬵᬦᬧᬢᬶᬄᬫᬵ᭠
ᬢᬸᬭᬵ᭞ᬢᬶᬢ᭄ᬬᬂᬧᬸᬭᬸᬦ᭄ᬫᬢᬹᬃᬲᬶᬲᬶᬧ᭄᭞ᬳᬶᬘᬵᬳᬶᬭᬢᬸᬫᬫᭀᬗᭀᬃ᭞ᬩᭀᬬᬢᬶᬢ᭄ᬬᬂᬧᬜ᭄ᬚᬂᬳᬶᬸᬫᬶᬸᬃᬳᬢᬹᬃ᭞ᬳᭂᬗ᭄ᬓᬾᬦ᭄ᬚᬦᬾᬧᬳᬶᬘᬬᬂ᭞ᬭᬤᬾᬦ᭄ᬤᬾᬯᬶ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬦᭂᬢᭂᬲ᭄ᬧᬶᬲᬦ᭄᭟ᬲᬂᬦᬵᬣᬰ᭄ᬯᬾᬗᬦ᭄ᬤᬶᬓᬵ᭞ᬓᬾᬫᬤ᭄ᬤᬸᬓ᭄ᬯᬶᬦᬯᭀᬲ᭄ᬗᬸᬦᬶ᭞
