[᭗᭗ 77B]
᭗᭗
ᬤ᭄ᬬᬂᬢᬦᬶᬲ᭄ᬤᬶᬄᬮᬭᬵ᭞ᬓ᭄ᬦᭂᬄᬜᬦᬾᬲᬸᬩᬧᬮᬶᬂ᭞ᬫᬗ᭄ᬭᬱᬦᬸᬳᬸᬭᬶᬦ᭄ᬋᬓᭀ᭞ᬳᬶᬤᭂᬧᬾᬫᬲᬶᬄᬫᬢ᭄ᬫᬸ᭞ᬓᬢᬸᬢ᭄ᬲ᭠ᬤ᭄ᬬᬦ᭄ᬫᬸᬲᬮ᭄ᬲᬮ᭄᭞ᬬᬫᬲ᭄ᬫᬶ᭞ᬧᬗᬗ᭄ᬕᭀᬦᬾᬳᭀᬜᬂᬩᬓᬃ᭟ᬖ᭄ᬦᬶᬳᬶᬓᬵᬲᬵᬫ᭄ᬧᬸᬦ᭄ᬫᬮᬂ᭞ᬫᬦ᭄ᬢᬸᬓ᭄ᬤᬾᬯᬢ᭄ᬣᬦᬾᬲᬫᬶ᭞
ᬳᬕ᭄ᬮᬶᬲ᭄ᬫᬗᬾᬮᬶᬗᬶᬦ᭄ᬳᭂᬗ᭄ᬕᭀᬦ᭄᭞ᬲᬂᬭᬵᬢ᭄ᬦᬫᬮᬶᬄᬓᬯᬸᬯᬸᬲ᭄᭞ᬭᬤᬾᬦ᭄ᬕᬮᬸᬄᬚᬫᬶᬦ᭄ᬢᭀᬭ᭞ᬫᬓᬓᬵᬮᬶᬄ᭞ᬭᬭᬶᬲ᭄ᬫᬦ᭄ᬢᬸᬓ᭄ᬫᬭᬶᬂᬧᬹᬭᬵ᭟ᬲᬭᬯᬸᬳᬾᬫᬭᬶᬂᬧᬸᬭᬵ᭞ᬓᬧᬫᬺᬫᬦ᭄ᬳ᭄ᬬᬫᬗ᭄ᬭᬭᬶᬲ᭄᭞ᬭᬱᬜᬤᬦᬾᬲᬂᬳᬦᭀᬫ᭄᭞ᬭᬱᬜ᭄ᬫᬓ᭄ᬜᭂᬫ
ᬓ᭄ᬲᬸᬲᬸ᭞ᬲᬵᬃᬯ᭄ᬯᬶᬕᬕᬸᬮᬶᬂᬕᬸᬮᬶᬗᬂ᭞ᬦᬾᬦᬾᬚᬦᬶ᭞ᬓ᭄ᬦᭂᬄᬳᬢ᭄ᬯᬄᬫᬧᬗᭂᬦᬦ᭄᭟ᬫᬾᬮᬶᬂᬤᬯᭂᬕᬾᬫᬜᭂᬫ᭄ᬩᬃ᭞ᬫᬧᬶᬢᭂᬄᬫᬦᬳᬾᬚᬦᬶ᭞ᬓᬾᬤᭂᬧ᭄ᬳᬯᬓ᭄ᬲᬸᬩᬳᬯᭀᬃ᭞ᬢᬦ᭄ᬳᭂᬮᬾᬦᬦ᭄ᬩᭂᬮᬶᬩᬕᬸᬲ᭄᭞ᬓ᭄ᬦᭂᬄᬚᬦᬶᬩᬸᬓᬵᬘᬓ᭄ᬘᬓ᭄᭞ᬳᬸᬮᬢ᭄ᬭᬶ
ᬭᬶᬄ᭞ᬬᬾᬄᬢᬶᬗ᭄ᬳᬮᬾᬧᬢᭂᬫ᭄ᬯᬲ᭄᭟ᬩᬸᬓᬵᬓᬾᬦᬾᬢ᭄ᬫᬳᬦ᭄ᬜ᭞ᬳᬯᬓᬾᬲᬳᬶᬗᬮᬶᬫᬶᬤ᭄᭞ᬦᬾᬚᬦᬶᬢ᭄ᬕᭂᬦᬂᬫᭀᬦ᭄ᬤᭀᬂ᭞ᬢᬫ᭄ᬩᬸᬦᬂᬲᬓᬶᬢᬾᬲᬸᬳᬸᬦ᭄᭞ᬢ᭄ᬯᬭᬵᬚᬦᬶᬤᬕᬯᬾᬜ᭞ᬲᬸᬓᬵᬲᬸᬕᬶᬄ᭞ᬳᬯᬓ᭄ᬲᬸᬩᬓᬮᬳᬶᬜ᭟ᬓᬤᬶᬢᬸᬜ᭄ᬚᬸᬂ᭠
[᭗᭘ 78A]
᭗᭘
ᬓᬧᬦᬲᬦ᭄᭞ᬮᬾᬕ᭄ᬮᭀᬕ᭄ᬢᭀᬂᬤᬤᬶᬫᬫᬸᬜᬶ᭞ᬮᬬᬸᬢᬦ᭄ᬧᬫᬦᬄᬋᬓᭀ᭞ᬫᬢᬶᬢᬶᬢ᭄ᬬᬂᬩ᭄ᬮᬶᬩᬕᬸᬲ᭄᭞ᬢᬗ᭄ᬲᬄᬩ᭄ᬮᬶᬗᬶᬘᬾᬦ᭄ᬮᬭ᭞ᬫᬗ᭄ᬮᬯᬢᬶᬦ᭄᭞ᬢ᭄ᬯᬄᬜᬩ᭄ᬮᬶᬫᬗ᭄ᬕᬯᬾᬦᬂ᭟ᬮᬮᬶᬲ᭄ᬲᬦ᭄ᬩᭂᬮᬶᬭᬶᬂᬢᬶᬢ᭄ᬬᬂ᭞ᬳᬾᬮᬶᬗᬂᬓᬬᬸᬦᬾᬗᬹᬦᬶ᭞ᬫ
ᬮᬶᬄᬧᬶᬤᬦ᭄ᬧ᭄ᬭᬧ᭄ᬢᬋᬓᭀ᭞ᬫᬢᬶᬢᬶᬢ᭄ᬬᬂᬩ᭄ᬮᬶᬩᬕᬸᬲ᭄᭞ᬢᬦ᭄ᬲᬄᬤᬶᬫᬢᬵᬫᬓ᭄ᬮᬧ᭄᭞ᬲ᭄ᬤᬶᬄᬓᬶᬂᬓᬶᬂ᭞ᬫᬕᬍᬂᬩᬳᬦ᭄ᬬᬾᬄᬫᬢᬵ᭟ᬢᬗ᭄ᬲᬄᬩ᭄ᬮᬶᬫᬕᬦ᭄ᬢᬸᬂᬤᬶᬫᬢ᭄ᬣᬵ᭞ᬭᬱᬩ᭄ᬮᬶᬫ᭄ᬮᬶᬗ᭄ᬕᬶᬄᬫᬲᬦ᭄ᬤᬶᬂ᭞ᬢᬸᬳᬸᬩ᭄ᬮᬶᬫᬦ᭄ᬢ᭄ᬭᬶᬓᬯᭀᬢ᭄᭞ᬭᬳᬶᬦᬵᬯᭂᬗᬶᬢᬦ᭄ᬲᬸᬭᬸ
ᬤ᭄᭞ᬩᬸᬓᬵᬓ᭄ᬦᬵᬢᬦᬄᬕᭀᬭᬵ᭞ᬬᬾᬦᬾᬫᬗ᭄ᬓᬶᬦ᭄᭞ᬬᬦ᭄ᬢᬦ᭄ᬩᭂᬮᬶᬳᬲᬸᬂᬢᬫ᭄ᬩᬵ᭟ᬤᬸᬫᬤᬓ᭄ᬚᬤᬦᬾᬧ᭄ᬭᬧ᭄ᬢᬵ᭞ᬫᬦᬶᬧ᭄ᬯᬦ᭄ᬫᬮᬶᬄᬫ᭄ᬭᬶᬓᬶ᭞ᬳᭂᬫ᭄ᬩᭀᬓ᭄ᬗᬢᬸᬭᬶᬦ᭄ᬓᬚ᭄ᬭᭀ᭞ᬳᭂᬦ᭄ᬢᭀᬳᬤᬦᬾᬦᬾᬤᬸᬫᬸᬦ᭄᭞ᬓᬵᬫ᭄ᬧᬸᬄᬳᬸᬮᬶᬤᬶᬩ᭄ᬮᬦ᭄ᬥᬵ᭞ᬦᬾᬳᬲᬶᬓᬶ
᭞ᬯᬲ᭄ᬢ᭄ᬭᬦᬾᬳᬸᬮᬶᬤᬶᬘᬶᬡ᭄ᬦᬵ᭟ᬳᭂᬫ᭄ᬩᭀᬓ᭄ᬧᬘᬂᬫᬗᬢᬸᬭᬂ᭞ᬢ᭄ᬓᬾᬦᬶᬂᬤᬦᬾᬳᬶᬩ᭄ᬮᬶ᭞ᬫᬮᬶᬄᬯᬾᬦ᭄ᬢᭂᬦ᭄ᬢᭂᬓᬵᬋᬓᭀ᭞ᬧᬳᬶᬘᬦᬾᬦᬾᬦᬾᬤᬸᬫᬸᬦ᭄᭞ᬳᬸᬮᬶᬤᬶᬭᬹᬫ᭄ᬲᬩᬸᬓ᭄ᬤᬤ᭄ᬯᬵ᭞ᬳᭂᬦ᭄ᬢᭀᬳᬤᬶ᭞ᬧᬘᬂᬳᬗ᭄ᬕᭀᬦ᭄ᬫ᭄ᬩᭀᬓ᭄ᬳᬢᬸᬭᬦ᭄᭟ᬳᬶᬦ᭠
