[᭗᭖ 76B]
᭗᭖
᭞ᬦᬯᬂᬢᬺᬗ᭄ᬕᬦᬵᬓᭀᬘᬧ᭞ᬩᬳᬦᬾᬜᭂᬫ᭄ᬩᬃᬲᬂᬩᬕᬸᬲ᭄᭞ᬢᭀᬦ᭄ᬢᭀᬦ᭄ᬳᬦᬓ᭄ᬓᬩᬜ᭄ᬘᬶᬗᬄ᭞ᬮᬶᬦ᭄ᬢᬂᬲ᭄ᬤᬶᬄ᭞ᬢᬦᬸᬭᬸᬂᬲᭂᬗ᭄ᬕᬓᬂᬳᬦᬓ᭄᭟ᬩ᭄ᬭᬂᬢᬶᬦ᭄ᬳᭂᬫ᭄ᬩᭀᬓᬾᬢᬦ᭄ᬲᬸᬤ᭄ᬥ᭞ᬩᬳᬦ᭄ᬳᭂᬫ᭄ᬩᭀᬓᬾᬓᬯᬶᬥᬶ᭞ᬬᬾᬦ᭄ᬢ᭄ᬯᬄᬤᬶᬦᬶᬬᬤᬶᬚ᭄ᬭᭀ
᭞ᬢ᭄ᬯᬭᬳᭂᬫ᭄ᬩᭀᬓ᭄ᬧᬶᬮᬶᬄᬓᬬᬸᬦ᭄᭞ᬤ᭄ᬬᬲ᭄ᬢᬸᬦ᭄ᬳᭂᬫ᭄ᬩᭀᬓ᭄ᬫᭂᬚᬂᬓᬵᬃᬬ᭄ᬬ᭞ᬫᬗᬬᬳᬶᬦ᭄᭞ᬤᬾᬦᬶᬂᬤᬶᬦᬶᬤᬦᬾᬲᬸᬗ᭄ᬓᬦ᭄᭟ᬦᬤ᭄ᬬᬦ᭄ᬤᬦᬾᬗᬮᬶᬄᬤᬬᬵ᭞ᬩᬶᬱᬳᭂᬫ᭄ᬩᭀᬓ᭄ᬫᬗᬶᬗᬦᬶᬦ᭄᭞ᬦᬤ᭄ᬬᬦ᭄ᬢ᭄ᬯᬭᬳᬸᬭᬸᬢ᭄ᬳᭂᬫ᭄ᬩᭀᬓ᭄᭞ᬦᬾᬦᬾᬜᬦ᭄ᬤᬂ
ᬧᬘᬂᬳᬸᬭᬸᬢ᭄᭞ᬩᬶᬱᬓᬾᬳᭂᬫ᭄ᬩᭀᬓ᭄ᬫᬜᬶᬤᬺ᭞ᬦᬾᬦᬾᬚᬦᬶ᭞ᬓᬾᬤᭂᬧ᭄ᬫᬓᬵᬢᬳᬸᬳᬦᬓ᭄᭟ᬳᬤᬶᬳ᭄ᬤᬵᬫᬗ᭄ᬯᬾᬭᬬᬂ᭞ᬳᭂᬫ᭄ᬩᭀᬓ᭄ᬫᬓᬢᬯᬸᬚᬦᬶ᭞ᬫᬦᬶᬫᬦᬶᬧ᭄ᬯᬦ᭄ᬋᬓᭀ᭞ᬤᬦᬾᬫᬮᬶᬄᬧᬘᬂᬭᬯᬸᬄ᭞ᬬᬾᬦ᭄ᬢᬦ᭄ᬳᭂᬫ᭄ᬩᭀᬓ᭄ᬩᬓᬢ᭠
ᬗ᭞ᬩᭀᬬᬦ᭄ᬤᬸᬕᬶ᭞ᬤᬦᬾᬲᬸᬳᬸᬤ᭄ᬫᬗ᭄ᬭᬯᭀᬲᬂ᭟ᬳᭂᬫ᭄ᬩᭀᬓ᭄ᬢᬦ᭄ᬯᬗ᭄ᬤᬾᬫᬭᬗ᭄ᬓᬢ᭄᭞ᬫᬗᬶᬭᬶᬂᬤᬦᬾᬳᬶᬩ᭄ᬮᬶ᭞ᬳᬦᬓ᭄ᬤᬦᬾᬳᭀᬕ᭄ᬬᬋᬓᭀ᭞ᬫ᭄ᬗᬫ᭄ᬩᬶᬮ᭄ᬧᬸᬢ᭄ᬭᬶᬦᬾᬳᬬᬸ᭞ᬤᬶᬩᬮᬶᬫᬶᬯᬄᬤᬶᬚᬯᬵ᭞ᬫᬧᬦ᭄ᬯᬶᬥᬶ᭞ᬫᬗᬺᬋᬳᬂᬳ᭄ᬬᬓᬵᬃᬫ᭄ᬫᬵ
[᭗᭗ 77A]
᭗᭗
ᬫᬗ᭄ᬭᬯᭀᬲ᭄ᬤᬶᬚ᭄ᬭᭀᬧᬹᬭ᭞ᬫᬳᬶᬢᬾᬳᬤᬶᬫᬳᬩᬶᬦ᭄᭞ᬢᬸᬫᬸᬮᬶᬄᬫᬳᬩᬶᬦ᭄ᬋᬓᭀ᭞ᬭᬱᬫᬗᬩᬶᬦ᭄ᬲᬂᬩᬕᬸᬲ᭄᭞ᬧᬶᬓ᭄ᬦᬵᬳᬾᬲᬸᬲ᭄ᬬᬄᬩᬸᬬᬃ᭞ᬳᬤᬸᬄᬜᬳᬶ᭞ᬚᬮᬦ᭄ᬓᬾᬫᬮᬸᬓᬢᬫᬦ᭄᭟ᬧᬶᬓ᭄ᬦᭂᬄᬳᭂᬫ᭄ᬩᭀᬓᬾᬩᬸᬬᬃ᭞ᬧᬗᬗ᭄ᬕᭀ
ᬦᬾᬚᬮᬦ᭄ᬩᬰ᭄ᬫᬶ᭞ᬕ᭄ᬮᬂᬧᭂᬦ᭄ᬤᬶᬂᬮᬯᬵᬦ᭄ᬤᭀᬤᭀᬢ᭄᭞ᬩᬧᬂᬲᬸᬯᭂᬂᬮᬯᬵᬦ᭄ᬩᬸᬗ᭄ᬓᬸᬂ᭞ᬯᬲ᭄ᬢ᭄ᬭᬲᬸᬩᬓᬾᬲᬫ᭄ᬬᬦ᭄᭞ᬲ᭄ᬓᬃᬢᬚᬶ᭞ᬦᬯᬂᬢᬭᭀᬲᬯᬸᬃᬲᭂᬫ᭄ᬩᬄ᭟ᬢᬶᬢ᭄ᬬᬂᬗᬶᬭᬶᬂᬧ᭄ᬓᬬᬸᬦᬦ᭄᭞ᬦᬄᬳᬤᬶᬮᬫᬸᬦ᭄ᬦᬸᬢᬸᬢᬶᬦ᭄᭞ᬚᬮᬦ᭄ᬚᬦᬶᬲᬸᬩᬩᭀᬃᬩᭀᬃ᭞ᬢᬸᬃᬗᬤᬓᬂᬖ᭄ᬦᬶ
ᬳᬕᬸᬂ᭞ᬲᬵᬫ᭄ᬧᬸᬦ᭄ᬲᬫᬶᬢ᭄ᬮᬲ᭄ᬫᬧᬸᬮᬂ᭞ᬫ᭄ᬭᬶᬓ᭄ᬲᬸᬫᬶᬭᬶᬢ᭄᭞ᬓᬸᬓᬸᬲᬾᬭᬯᬸᬄᬓᬰ᭄ᬯᬃᬕ᭄ᬕᬦ᭄᭟ᬕᬾᬕᬾᬃᬧ᭄ᬭᬯᬢᭂᬓ᭄ᬤᬾᬯᬢ᭄ᬣᬵ᭞ᬫᬶᬯᬄᬯᬢᭂᬓ᭄ᬤᬾᬯ᭄ᬯᬋᬱᬶ᭞ᬢᬸᬫᬸᬮᬶᬭᬭᬶᬲ᭄ᬫᬢᬶᬜ᭄ᬚᭀ᭞ᬗᬤᬓᬂᬢᬾᬚᬵᬓᬸᬓᬸᬯᬸᬂ᭞ᬲᬸᬫ᭄ᬬᬃᬭᬭᬶᬲ᭄ᬫᬓᬮᬗᬦ᭄᭞ᬢᬾᬚᬵ
ᬕᬸᬮᬶᬂ᭞ᬢᬾᬚᬵᬗᬤᭂᬕ᭄ᬧᬧᬕᭂᬭᬦ᭄᭟ᬮᬾᬦ᭄ᬓᬶᬮᬧ᭄ᬫᬲ᭄ᬮᬶᬯᭂᬭᬦ᭄᭞ᬮᬶᬮᬸᬲ᭄ᬢᬸᬃᬬᬳᬸᬚᬦ᭄ᬭᬶᬭᬶᬲ᭄᭞ᬕ᭄ᬋᬄᬫᬦ᭄ᬤ᭄ᬭᬵᬫᬦ᭄ᬤ᭄ᬭᬵᬓᬸᬮᭀᬦ᭄᭞ᬳᬸᬚᬦ᭄ᬭᬚᬦᬾᬲᬸᬫᬫ᭄ᬩᬸᬃ᭞ᬯᬢᭂᬓ᭄ᬤᬾᬯᬢ᭄ᬣᬗᬦ᭄ᬤᬶᬓᬵ᭞ᬭᬤᬾᬦ᭄ᬤᬾᬯᬶ᭞ᬦᬯᬂᬢᬺᬗ᭄ᬖᬡᬮᬮᬭᬵ᭟ᬓᬸ
