[᭖᭒ 62B]
᭖᭒
ᬫ᭄ᬧ᭄ᬭᬂᬲᬶᬫ᭄ᬧ᭄ᬭᬸᬂ᭞ᬭᬳᬤᬾᬦ᭄ᬤᬾᬯᬶᬫᬵᬢᬸᬭᬵ᭞ᬕᬸᬭᬸᬳᬚᬶ᭞ᬲᬵᬫ᭄ᬧᬸᬦ᭄ᬓᭀᬢᬶᬢ᭄ᬬᬂᬫᬧᬬᬲ᭄᭟ᬲᬵᬃᬯ᭄ᬯᬶᬳᬦᬗᬶᬲᬦᭂᬫ᭄ᬩᬄ᭞ᬳᬥᬸᬄᬤᬾᬯ᭄ᬯᬕᬸᬭᬸᬳᬚᬶ᭞ᬲᬵᬫ᭄ᬧᬸᬦ᭄ᬓᭀᬢᬶᬢ᭄ᬬᬂᬫᬗᬗ᭄ᬕᭀ᭞ᬫᬯᬲ᭄ᬢ᭄ᬭᬫᬶᬯᬄᬫᬲᬩᬸᬓ᭄᭞ᬳᭂᬗ᭄ᬓᬾᬦ᭄ᬳᬶᬯᬂᬳᬦ᭄ᬢᬸᬓ᭄ᬢᬶ
ᬢ᭄ᬬᬂ᭞ᬫᬢᬸᬳᬸᬢᬶᬦ᭄᭞ᬲᬩᬶᬓᬲ᭄ᬩᬶᬓᬲ᭄ᬩ᭄ᬭᬬᬵ᭟ᬕᬸᬭᬸᬦᬾᬳᬗ᭄ᬭᬱᬭᬱ᭞ᬓᬸᬤ᭄ᬬᬂᬚᬦᬶᬫ᭄ᬮᬚᬳᬶᬦ᭄᭞ᬩ᭄ᬦᭂᬄᬩᬳᬦ᭄ᬜᬳᬶᬓᬾᬢᭀ᭞ᬫᬗᬫ᭄ᬩᬸᬮ᭄ᬫᬓᬫ᭄ᬩᭂᬦ᭄ᬩᬸᬳᬸᬓ᭄᭞ᬲᬸᬩᬓᬗ᭄ᬕᭀᬬᬫᬩᬳᬦ᭄᭞ᬬᬾᬦ᭄ᬧᬶᬦ᭄ᬤᭀᬳᬶᬦ᭄᭞ᬢᬦᬸᬭᬸᬂᬫᬗ᭄ᬕᬯᬾᬘ
ᬭᬵ᭟ᬮᬄᬜᬳᬶᬚᬦᬶᬧᬳᭂᬓᬂ᭞ᬩᬧᬦᬸᬦ᭄ᬤᬾᬦ᭄ᬫᬗᬸᬗ᭄ᬓᬩᬶᬦ᭄᭞ᬫᬩ᭄ᬭᬶᬬᬸᬓ᭄ᬫᬳᭂᬓᬂᬋᬓᭀ᭞ᬲᬫᬶᬳᬗᬩᬶᬄᬢ᭄ᬯ᭠ᬦ᭄ᬕᬮᬸᬄ᭞ᬤ᭄ᬫᬂᬤ᭄ᬫᬸᬂᬫᬦ᭄ᬢ᭄ᬭᬶᬧᬥ᭞ᬢᬫ᭄ᬧᭂᬦ᭄ᬲᬫᬶ᭞ᬩᬕᬸᬲᬸᬫ᭄ᬩᬭᬵᬓᭀᬘᬧ᭟ᬳᬮᬶᬗ᭄ᬕᬶᬄᬲᬋᬂᬲᬂᬦᬵᬣ᭞ᬩᬕᬸᬲᬾᬢ᭄ᬯᬭᬦᬦ᭄ᬤᬶ
ᬗᬶᬦ᭄᭞ᬳᬓᬾᬄᬧᬺᬫᬦ᭄ᬢ᭄ᬭᬶᬦᬾᬓᬯᭀᬢ᭄᭞ᬫᬫᬋᬓ᭄ᬜᬦ᭄ᬤᬶᬂᬳᬮᬸᬗ᭄ᬕᬸᬄ᭞ᬤᬶᬧᬗᬗ᭄ᬕᭀᬲᬫᬶᬩᬸᬗᬄ᭞ᬫ᭄ᬯᬄᬦ᭄ᬤ᭄ᬭᬵᬧᬢᬶ᭞ᬫ᭄ᬢᬯᬸᬦ᭄ᬦ᭄ᬮᬲᬂᬧᬬᬲ᭄᭟ᬦᬾᬢᬸᬯᬄᬫᬵᬦ᭄ᬢ᭄ᬭᬶᬳᬸᬢ᭄ᬢᬫᬵ᭞ᬲᬲᭀᬮᬳᬾᬦᬸᬤᬸᬢ᭄ᬳᬢᬶ᭞ᬲᬧᬯᭀᬗᬦᬾᬭᬶᬂ
[᭖᭓ 63A]
᭖᭓
ᬚ᭄ᬭᭀ᭞ᬫ᭄ᬓᬤᬶᬭᬳᬤᬾᬦ᭄ᬕᬮᬸᬄ᭞ᬫᬓᬵᬫᬶᬯᬄᬧ᭄ᬭᬫᬶᬰ᭄ᬯᬃᬬ᭄ᬬ᭞ᬮᬶᬦ᭄ᬢᬂᬳᬰ᭄ᬭᬶᬸᬰᬶᬄ᭞ᬳᬗᬶᬂᬢᬾᬳᬾᬫᭂᬂᬭᬶᬂᬫᬦᬄ᭟ᬓᬾᬦ᭄ᬓᬾᬦᬂᬓᬤ᭄ᬬᬯᬶᬦᬭᬄ᭞ᬳᬧᬦ᭄ᬳ᭄ᬬᬓᬵᬃᬫ᭄ᬫᬦᬶᬂᬯᬶᬥᬶ᭞ᬢ᭄ᬯᬦ᭄ᬕᬮᬸᬄᬲᬶᬦᬫ᭄ᬩᬸᬢᬮᭀᬦ᭄᭞ᬲᬳᬢᬸᬭᬾᬲ᭄ᬫᬸᬕᬸᬬᬸ᭞ᬮᬄ
ᬤᬾᬯ᭄ᬯᬢᬾᬘᬶᬗᬓᬓ᭄ᬦᬵ᭞ᬓᬢᭀᬦ᭄ᬫᬶᬚᬶᬮ᭄᭞ᬲᬹᬃᬬ᭄ᬬᬦᬾᬢ᭄ᬗᬳᬶᬂᬮᬢ᭄ᬭ᭄ᬬᬵ᭟ᬲᬗ᭄ᬕᬶᬢ᭄ᬮᬯᬦ᭄ᬧᬗᬸᬦᭂᬗᬦ᭄᭞ᬲᬫᬶᬯ᭄ᬭᬸᬄᬭᬱᬭᬶᬂᬳᬢᬶ᭞ᬦᬸᬮ᭄ᬬᬵᬦ᭄ᬮᭂᬂᬧᬭᬦᬶᬂᬧᬦᭀᬦ᭄᭞ᬭᬤᬾᬦ᭄ᬕᬮᬸᬄᬲ᭄ᬫᬸᬢᬸᬫᬸᬗ᭄ᬓᬸᬮ᭄᭞ᬳᬗᬶᬂᬗ᭄ᬭᬱᬭᬶᬂᬯᬺᬤ᭄ᬥᬬ᭞ᬮ᭄ᬯᬶᬄᬲ᭄ᬢᬦ᭄ᬤᬶᬂ
᭞ᬳᬗ᭄ᬮᭀᬓᬃᬚᬶᬯ᭄ᬯᬵᬮ᭄ᬯᬶᬄᬫᬸᬓ᭄ᬱᬄ᭟ᬭᬳᬥ᭄ᬬᬦ᭄ᬓ᭄ᬜᬶᬂᬳᬸᬫᬸᬮᬢ᭄᭞ᬢᬸᬫᬸᬮᬶᬄᬫᬧᭂᬦ᭄ᬤᬓ᭄ᬮᬶᬭᬶᬂ᭞ᬲᬫᬶᬯ᭄ᬭᬸᬄᬭᬱᬦᬶᬗᭀᬂ᭞ᬢ᭄ᬯᬦ᭄ᬕᬮᬸᬄᬯ᭄ᬭᬸᬄᬭᬶᬂᬓᬬᬸᬦ᭄᭞ᬦᭂᬗᬓ᭄ᬦᬵᬓᬂᬓᭀᬘᬧᬵ᭞ᬦ᭄ᬤᬦ᭄ᬓᬯᬃᬡ᭄ᬦᬶ᭞ᬧ᭄ᬭᬧᬸᬗ᭄ᬕᬯᬦᬾᬗᬋᬧᬂ᭟ᬩᬕᬸᬲᬸᬫ᭄ᬩᬭᬵᬭᬶᬗᬃᬱ
᭞ᬭᬢᬸᬫ᭄ᬢᬳᬸᬦ᭄ᬲᬸᬫᬦ᭄ᬤᬶᬂ᭞ᬧᬢᬶᬄᬫᬦ᭄ᬢ᭄ᬭᬶᬲᬋᬂᬋᬓᭀ᭞ᬧ᭄ᬭᬧᬸᬗ᭄ᬕᬯᬭᬶᬂᬫᬢᬯᬸᬦ᭄᭞ᬲᬫᬶᬫᬋᬧ᭄ᬭᬶᬂᬲ᭄ᬕᬵᬭ᭞ᬰ᭄ᬭᬷᬪᬸᬧᬢᬶ᭞ᬥᭂᬳᬵᬗᬦ᭄ᬤᬶᬓᬬᬂᬗᬸᬗ᭄ᬓᬩ᭄᭟ᬩᬕᬸᬲᬸᬫ᭄ᬩᬭᬵᬳᬗᬸᬗ᭄ᬓᬩ᭄᭞ᬓᬢᭀᬦ᭄ᬲᬵᬃᬯ᭄ᬯᬦᬾᬫᬘᬮᬶᬂ᭞ᬭᬱᬜᬫᬜᬧ᭄ᬮᭀᬓ᭄ᬋ
