Kaca:Bali-lontar-paparikan-bagus-umbara-01-250ppi.pdf/64

Saking Wikisource
Kaca puniki sampun kauji-wacén

[᭖᭓ 63B]
᭖᭓
ᬓᭀ᭞ᬯᭀᬂᬥᭂᬳᬵᬫ᭄ᬯᬂᬯᭀᬂᬫ᭄ᬢᬳᬸᬦ᭄᭞ᬧᬢᬮᬗ᭄ᬓᭂᬩ᭄‌‌ᬚ᭄ᬭᬶᬄᬧᬶᬲᬦ᭄᭞ᬫᬗᬶᬯᬲᬶᬦ᭄᭞ᬓᬭᬶᬓᬶᬤᬶᬓ᭄ᬤᬶᬩᬜ᭄ᬘᬶᬗᬄ᭟ᬓᬾᬯᬮᬵᬓᬭᬶᬧᬸᬗ᭄ᬕᬯᬵ᭞ᬓᬢᭀᬦ᭄ᬫᬘᬦ᭄ᬜᬭᬧ᭄ᬦᭂᬮᬶᬓ᭄᭞ᬮᬯᬾᬬᬦ᭄ᬮᬦ᭄ᬲᬶᬗ᭄ᬳᬵᬫᬭᭀᬂ᭞ᬓᬸᬫᬂᬫᬂᬮᬦ᭄ᬳᭂᬜ᭄ᬚᭂᬓ᭄ᬧᬸ
ᬧᬸ᭞ᬭᬭᬾᬕᬾᬓ᭄ᬮᬦ᭄ᬢᬗᬦ᭄ᬢᬗᬦ᭄᭞ᬩᬦᬲ᭄ᬧᬢᬶ᭞ᬦᬾᬢ᭄ᬭᬦᬾᬮ᭄ᬯᬶᬃᬲᬹᬃᬬ᭄ᬬᬓᭂᬫ᭄ᬩᬃ᭟ᬦᬵᬕᬦᬾᬧᬥᬫᬲ᭄ᬮᬶᬬᬩ᭄᭞ᬫᬜᭂᬩᬓ᭄ᬫᬗᬺᬲᬂᬳᬢᬶ᭞ᬲᬂᬦᬵᬣᬾᬂᬫ᭄ᬢᬯᬸᬦ᭄ᬗᭂᬢᭀᬃ᭞ᬢᬓᬸᬢᬾᬲᬵᬫ᭄ᬧᬸᬦ᭄ᬫᬫᬸᬧᬸᬢ᭄᭞ᬢᬸᬃᬳᬗᬸᬘᬧ᭄ᬲᬤᬵᬋᬗᬲ᭄᭞
ᬓᬭᬶᬘᬳᬶ᭞ᬩᬗᬸᬦ᭄ᬫᬮᬳᬶᬩ᭄ᬗᬾᬗ᭄ᬕᬮᬂ᭟ᬢᬦ᭄ᬧᬦᭀᬮᬶᬄᬓᬩᭂᬜ᭄ᬘᬶᬗᬄ᭞ᬧᬸᬦ᭄ᬲ᭄ᬫᬃᬫᬦᬸᬢᬸᬕ᭄‌‌ᬕ᭄ᬮᬶᬲ᭄᭞ᬲᬶᬦ᭠ᬫ᭄ᬩᬸᬢ᭄ᬢᬗᬦᬾᬓᬭᭀ᭞ᬲᬂᬧ᭄ᬭᬪᬹᬲᬸᬫᬶᬗ᭄ᬓᬶᬦ᭄ᬢᬓᬸᬢ᭄᭞ᬧᬸᬦ᭄ᬲ᭄ᬫᬃᬓ᭄ᬤᭂᬄᬗᬮᬶᬧᭂᬢᬂ᭞ᬤᬾᬯ᭄ᬯᬕᬸᬲ᭄ᬢᬶ᭞ᬫᬗᬸᬤ᭄ᬬᬂᬳᬶᬤᬾᬯ᭄ᬯᬋ᭠
ᬗᬲ᭄᭟ᬢᬗᬦᬾᬮᬯᬸᬢ᭄ᬳᬫ᭄ᬧᬶᬕᬂ᭞ᬧᬸᬦ᭄ᬲ᭄ᬫᬃᬕᬸᬬᬸᬢᬦ᭄ᬲᬶᬧᬶ᭞ᬕᭂᬮᬶᬲᬂᬤᬾᬯ᭄ᬯᬧᬂᬳ᭄ᬚᭀᬄ᭞ᬧᬸᬦᬶᬓᬶᬳᬓᬾᬄᬫᬗᭂᬧᬸᬂ᭞ᬳᬶᬤᬾᬯᬩᬓᬮ᭄ᬧᬓ᭄ᬧᬓᬵ᭞ᬰ᭄ᬭᬷᬪᬸᬧᬢᬶ᭞ᬲᬸᬫᬶᬗ᭄ᬓᬶᬦ᭄‌‌ᬫ᭄ᬮᬳᬶᬩ᭄ᬗᬗ᭄ᬲᭂᬳᬂ᭟ᬧᬸᬦ᭄ᬲ᭄ᬫᬃᬲᬸᬫᬗ᭄ᬓᬶᬦ᭄ᬩᬗ᭄ᬭᬲ᭄᭞ᬲᬾᬤ᭄ᬥᬓᭀ

[᭖᭔ 64A]
᭖᭔
ᬲᬂᬧ᭄ᬭᬪᬹᬫᬗ᭄ᬓᬶᬦ᭄᭞ᬲᬂᬦᬵᬣᬫᬓᬓᭂᬩ᭄ᬋᬓᭀ᭞ᬮᬩᬸᬄᬳᭀᬜᬩᬩᬓ᭄ᬩᭂᬮᬸᬃ᭞ᬢᬦ᭄ᬓᭀᬘᬧᬬᬭᬶᬂᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬫ᭄ᬢᬯᬸᬦ᭄ᬤᬶᬩᬜ᭄ᬘᬶᬗᬄ᭟ᬩᬬᬸᬦ᭄ᬤᬦᬾᬲᬮᬄᬳᬵᬃᬱ᭞ᬢᬹᬃᬫᬮᬶᬗ᭄ᬕᬶᬄᬧᬤᬶᬤᬶᬳᬶ᭞ᬳᬕᬾᬢ᭄ᬳᬲᬸᬦᬾᬫ
ᬗᭀᬗ᭄ᬓᭀᬂ᭞ᬩᬗ᭄ᬓᬸᬂᬩᬡ᭄ᬝᬾᬗᬾᬫᬧᬮᬸ᭞ᬲᬂᬧ᭄ᬭᬪᬸᬫᬮᬶᬄᬫ᭄ᬦᬩ᭄ᬬᬂ᭞ᬓᬚ᭄ᬭᭀᬧᬹᬭᬶ᭞ᬭᬯᬸᬄᬭᬶᬂᬳᬸᬦ᭄ᬤᬕ᭄ᬜᬸᬕᬾᬕᬕ᭄᭟ᬳᭀᬭᬗ᭄ᬓᬦᬾᬫᬗ᭄ᬓᬶᬦ᭄ᬘᬶᬧᬓ᭄᭞ᬲᬫᬶᬢ᭄ᬮᬲ᭄ᬕᬸᬮᬶᬮᬶᬗᬶᬦ᭄᭞ᬩᬗᬸᬦ᭄ᬫᬗ᭄ᬭᬭᬶᬲ᭄ᬓᬚ᭄ᬭᭀ᭞ᬓᭀᬭᬶᬦᬾᬫᬓ᭄ᬚᬂᬩᬾᬮᬸ᭞ᬭᬯᬸᬄ
ᬫᬗ᭄ᬓᬶᬦ᭄ᬤᬶᬧᬫᬺᬫᬦ᭄᭞ᬗ᭄ᬚᬂᬓ᭄ᬭᬶᬲ᭄᭞ᬗᬥᬸᬄᬭᬕᬦᬾᬢ᭄ᬮᬲ᭄ᬩᬩᬓ᭄᭟ᬧᬗᬶᬭᬶᬗᬾᬕ᭄ᬮᬶᬲ᭄ᬓᭀᬘᬧ᭞ᬮᬶᬦ᭄ᬢᬂᬫᬾᬭᬗᬾᬤᬶᬳᬢᬶ᭞ᬫᬸᬮᬶᬄᬧᬥᬲᬫᬶᬕᭀᬗ᭄ᬲᭀᬃ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬫ᭄ᬢᬯᬸᬦ᭄᭞ᬧᬥᬫᬧ᭄ᬢᬵᬤᬶᬚᬮᬦ᭄᭞ᬢᬯᬂᬚᬦᬶ᭞ᬓᬾᬦᬾ
ᬓᭀᬲᬓᬶᬢᬾᬮ᭄ᬯᬲ᭄᭟ᬩᭂᬲ᭄ᬫᬗᬯᬾᬚᬢᬸᬢᬸᬭᬦ᭄᭞ᬳᬧᬦ᭄ᬢᭀᬳᬦᬾᬧ᭄ᬮᬳᬶᬩᬶᬦ᭄᭞ᬢ᭄ᬓᬵᬋᬗᬲ᭄ᬧᬢᬶᬢᭀᬫ᭄ᬧ᭄ᬮᭀᬓ᭄᭞ᬗᬕᭂᬦᬂᬫᬩᬸᬜ᭄ᬘᬶᬂᬩᬸᬳᬸᬂ᭞ᬢᬢᬕᭀᬦᬾᬮᬯᬸᬢ᭄ᬓᬸᬢᬂ᭞ᬧ᭄ᬮᬳᬶᬩᬶᬦ᭄᭞ᬢ᭄ᬯᬶᬫ᭄ᬮᬳᬶᬩᬶᬦ᭄ᬮᬯᬢ᭄᭟ᬯᭀᬂᬫ᭄ᬢᬯᬸ