Kaca:Bali-lontar-paparikan-bagus-umbara-01-250ppi.pdf/62

Saking Wikisource
Kaca puniki sampun kauji-wacén

[᭖᭑ 61B]
᭖᭑
ᬓᬸᬤᬵ᭟ᬩᬕᬸᬲᬸᬫ᭄ᬩᬵᬭᬫᬗ᭄ᬭᬱ᭞ᬯᬢ᭄ᬭᬭᬯᭀᬲᬾᬭᬶᬂᬳᬢᬶ᭞ᬓᬾᬦ᭄ᬓᬾᬦ᭄ᬓᬬᬸᬦᬾᬲᬂᬓᬣᭀᬂ᭞ᬤᬤᬶᬳᬯᬓᬾᬓᬢᬸᬤᬸᬄ᭞ᬚᬦᬶᬫᬦ᭄ᬕᬓᬶᬦ᭄ᬚᬭᬦ᭄᭞ᬲᬶᬜᬦᬯᬶ᭞ᬢ᭄ᬯᬭᬫ᭄ᬮᬄᬓᬬᬸᬦ᭄ᬲᬂᬦᬵᬣ᭟ᬲᬂᬧ᭄ᬭᬪᬸᬢᬸᬫᬸᬭᬸᬦᬾᬗ᭄ᬕ᭠
ᬮ᭄᭞ᬯᬸᬲᬦᬸᬗ᭄ᬕᬂᬓᬸᬤᬵᬫᬫᬵᬃᬕ᭄ᬕᬶ᭞ᬳ᭄ᬦᭂᬗᬓ᭄ᬦᬵᬲᬂᬓᬣᭀᬂ᭞ᬓ᭄ᬮᬯᬦ᭄ᬲᬶᬭᬵᬲᬗᬩᬕᬸᬲ᭄᭞ᬲᬂᬦᬵᬣᬾᬂᬥᭂᬳᬓᭀᬘ᭠ᬧᬵ᭞ᬲ᭄ᬥᭂᬓ᭄ᬢᬶᬦᬗ᭄ᬓᬶᬮ᭄᭞ᬳᭀᬓᬦᬾᬦᬗᬶᬲ᭄ᬭᬶᬂᬧᬸᬭᬵ᭟ᬓᬾᬦ᭄ᬩᬬᬦ᭄‌ᬳᬮᭀᬦ᭄ᬫᬵᬢᬸᬭᬵ᭞ᬲᬵᬫ᭄ᬧᬸᬦ᭄ᬳᬶᬤᬾᬯ᭄ᬯᬫᬦ
ᬗᬶᬲ᭄᭞ᬯᬶᬥᬶᬫᬗᬮᬶᬳᬂᬳᭂᬗ᭄ᬕᭀᬦ᭄᭞ᬫᬫᬶᬭᬸᬤ᭄ᬥᬵᬤᬾᬯ᭄ᬯᬭᬢᬸ᭞ᬢᬢᬕᭀᬦ᭄ᬳᬶᬤᬦᬾᬳᬶᬘᬮ᭄᭞ᬲᬵᬫ᭄ᬧᬸᬦ᭄ᬮᬫᬶ᭞ᬫᬲᬤᬦᬾᬫᬮᬶᬄᬧ᭄ᬭᬧ᭄ᬢᬵ᭟ᬓᬸᬤ᭄ᬬᬂᬦᬶᬭᬫᬜᬭᬸᬯᬂ᭞ᬳᬾᬱ᭄ᬝᬶᬦᬶᬭᬲᬳᬶᬲᬳᬶ᭞ᬤᬶᬚᬳᬵᬩ᭄ᬮᬶᬫᬦᭀᬗᭀ
ᬲ᭄᭞ᬤᬸᬫᬤᬓ᭄ᬚᬤᬦᬾᬭᬯᬸᬄ᭞ᬳᬧᬂᬳᬶᬭᬤᬓᬲ᭄ᬭᬄ᭞ᬩᭂᬲ᭄ᬢᭀᬂᬤᬤᬶ᭞ᬩᬦᬶᬭᬗᬗ᭄ᬕᭀᬲᬂᬦᬵᬣ᭟ᬦᭂᬗᬓ᭄ᬦᬭᬤᬾᬦ᭄ᬤᬾᬯ᭄ᬬ᭞ᬭᬢᬸᬫᬢᬯᬸᬦ᭄ᬓᬯᬃᬡ᭄ᬦᬶ᭞ᬲᬵᬫ᭄ᬧᬸᬦ᭄ᬭᬶᬂᬩᬜ᭄ᬘᬶᬗᬄᬗᭀᬚᭀᬕ᭄᭞ᬲᬂᬦᬵᬣᬾᬂᬥᭂᬳᬵᬓᬯᬸᬯᬸᬲ᭄᭞ᬓᬭᬶ

[᭖᭒ 62A]
᭖᭒
ᬳᬾᬩᭂᬓ᭄ᬧᬦᬗ᭄ᬓᬶᬮᬦ᭄᭞ᬢᬦ᭄ᬤ᭄ᬯᬕ᭄ᬮᬶᬲ᭄᭞ᬯᭀᬂᬫᬢᬳᬸᬦ᭄ᬲᬕᬾᬢ᭄ᬧ᭄ᬭᬧ᭄ᬢᬵ᭟ᬯᭀᬂᬤ᭄ᬳᬵᬳᬲ᭄ᬫᬸᬓᬕ᭄ᬬᬢ᭄᭞ᬫᬶᬯᬄᬳᬶᬤᬵᬰ᭄ᬭᬷᬪᬸᬧᬢᬶ᭞ᬲᬂᬩᬕᬸᬲ᭄ᬳᬸᬫᬵᬢᬸᬃᬳᬮᭀᬦ᭄᭞ᬥᬸᬄᬤᬾᬯ᭄ᬯᬭᬢᬸᬲᬂᬧ᭄ᬭᬪᬹ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬢᬸᬭᬂ᭞ᬬᬾᬦ᭄ᬧᬸᬦᬶᬓᬶ᭞ᬲ᭄ᬕᬵ
ᬭᬫᬥᬸᬕᬸᬦᬸᬂᬫ᭄ᬜᬦ᭄᭟ᬭᬢᬸᬫᬢᬳᬸᬦ᭄ᬗᬦ᭄ᬤᬶᬓᬵ᭞ᬫᭂᬘᬳᬶᬗᬢᬸᬭᬂᬫᬗ᭄ᬓᬶᬦ᭄᭞ᬩᬕᬸᬲᬸᬫ᭄ᬩᬭᬵᬫᬦ᭄ᬭᭀᬚᭀᬕ᭄᭞ᬢᬸ᭠ᬫᬸᬮᬶᬳᬦᭂᬫ᭄ᬩᬄᬫᬵᬢᬸᬃ᭞ᬥᬹᬄᬤᬾᬯ᭄ᬯᬭᬢᬸᬲᬂᬦᬵᬣ᭞ᬳᬶᬗ᭄ᬕᬶᬄᬦᬶᬓᬶ᭞ᬲ᭄ᬕᬭᬫᬥᬸᬕᬸᬦᬸᬂᬫ᭄ᬜᬦ᭄᭟ᬰ᭄ᬭᬷᬦᬭᬾᬦ᭄ᬤ᭄ᬭᬵᬮᬶᬂᬦ᭄ᬬᬵ᭠
ᬗᬸᬘᬧ᭄᭞ᬧᬢᬶᬄᬧᬸᬦ᭄ᬢᬮᬄᬓᬧᬹᬭᬶ᭞ᬳᬶᬕᬮᬸᬄᬳᬢᬸᬭᬶᬦ᭄ᬫᬗ᭄ᬓᭀ᭞ᬢᬢᬲᬂᬫᬳᬢᬹᬃᬤᬶᬢᬸ᭞ᬧᬢᬶᬄᬧᬸᬦ᭄ᬢᬵᬕ᭄ᬮᬶ᭠ᬲ᭄ᬮᬸᬫᬫ᭄ᬧᬄ᭞ᬧ᭄ᬭᬧ᭄ᬢᬾᬂᬧᬸᬭᬶ᭞ᬫᬵᬢᬸᬭᬶᬂᬰ᭄ᬭᬷᬧ᭄ᬭᬫᬶᬰ᭄ᬯᬃᬬ᭄ᬬ᭟ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬧᬸᬦᬶᬓᬵᬬᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬧ
ᬗᬦ᭄ᬤᬶᬓᬦ᭄ᬤᬲᬂᬓᬣᭀᬂ᭞ᬢ᭄ᬮᬲᬦ᭄ᬭᬶᬂᬧᬸᬭᬵᬫ᭄ᬢᬸ᭞ᬭᬤᬾᬦ᭄ᬕᬮᬸᬄᬧ᭄ᬭᬫᬶᬰ᭄ᬯᬃᬬ᭄ᬬ᭞ᬩᬬᬦ᭄ᬲᬗ᭄ᬕᬶᬢ᭄᭞ᬳᬶᬘᭀᬦ᭄ᬤᭀᬂᬮᬦ᭄ᬧᬗᬸᬦᭂᬗᬦ᭄᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬫᬭᬶᬂᬚᬩᬵ᭞ᬲᬂᬧ᭄ᬭᬪᬸᬜᬶᬗᬓ᭄ᬢ᭄ᬯᬦ᭄ᬤᬾᬯᬶ᭞ᬭᬭᬶᬲ᭄ᬫᬗᬦ᭄ᬤᬶᬓᬵᬳᬮᭀᬦ᭄᭞ᬗᬸᬤᬜᬳᬶᬲᬶ