[᭕᭘ 58B]
᭕᭘
ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬸᬘᬧ᭄ᬳᬮᭀᬦ᭄᭞ᬳᬸᬚᬭᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬬᬾᬦ᭄ᬳᬶᬤᬾᬯᬫᬲᬋᬗᬦ᭄᭞ᬦᬯᬶᬓᬵᬫ᭄ᬩᬶᬮ᭄᭞᭠ᬳᬶᬤᬾᬯ᭄ᬯᬳᬦ᭄ᬢᬸᬓ᭄ᬲᬂᬦᬵᬣ᭟ᬭᬳᬤᬾᬦ᭄ᬕᬮᬸᬄᬫᬵᬢᬸᬭ᭞ᬳᬶᬗ᭄ᬕᬶᬄᬫᬵᬃᬕ᭄ᬕᬶᬳᬧᬂᬩ᭄ᬘᬶᬓ᭄᭞ᬲᬵᬫ᭄ᬧᬸᬦ᭄ᬩᭂᬮᬶᬮᬮᬶᬋᬓᭀ᭞
ᬳᬧᬂᬩ᭄ᬮᬶᬲ᭄ᬯᬾᬘᬵᬦ᭄ᬭᬸᬲ᭄᭞ᬗᬗ᭄ᬕᬾᬢᬶᬢ᭄ᬬᬂᬧᬜ᭄ᬚᬓ᭄ᬮᬭ᭞ᬩᬸᬳᬸᬂᬫᬢᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭟ᬳᬤᬸᬄᬤᬾᬯᬭᬢᬸᬦ᭄ᬢᬶᬢ᭄ᬬᬂ᭞ᬲᬬᬦ᭄ᬲᬗ᭄ᬰᬬᬳᬶᬫᬡᬶᬓ᭄᭞ᬧᬸᬦᬶᬓᬶᬲᬶᬫ᭄ᬲᬶᬫᬾᬋᬓᭀ᭞ᬳᬢᬸᬭᬶᬦ᭄ᬢᬶᬢ᭄ᬬᬂᬳᬶᬭᬢᬸ᭞ᬓᬾᬥᭂᬧ᭄ᬢᬶᬢ᭄ᬬᬂᬫᬲᬋᬗᬦ᭄
᭞ᬭᬤᬾᬦ᭄ᬤᬾᬯᬶ᭞ᬓᭂᬜᬸᬂᬳᬶᬤᬫᬦᬭᬶᬫ᭟ᬥᬸᬄᬤᬾᬯ᭄ᬯᬭᬢᬸᬫᬵᬲ᭄ᬫᬶᬭᬄ᭞ᬧᬸᬧᬸᬢᬂᬲ᭄ᬯᬾᬘᬦᬾᬫᬗ᭄ᬓᬶᬦ᭄᭞ᬩᭀᬬᬢᬶᬢ᭄ᬬᬂ᭠ᬭᬢᬸᬳ᭄ᬮᭀᬂ᭞ᬳᬶᬘᬾᬦᬶᬦ᭄ᬗ᭄ᬕᬾᬦ᭄ᬢᬶᬢ᭄ᬬᬂᬭᬢᬸ᭞ᬕᬦ᭄ᬢᬾᬦᬾᬦᬾᬫ᭄ᬭᬶᬓ᭄ᬲᬸᬫᬵᬃ᭞ᬢᬦ᭄ᬤ᭄ᬯᬕ᭄ᬮᬶᬲ᭄᭞ᬢᬶᬦᬭᬶᬫᬦ᭄ᬲᬓᬶᬂᬯᬚᬵ᭟᭠
ᬢᬸᬫᬸᬮᬶᬄᬭᬭᬶᬲ᭄ᬫᬫᬵᬃᬕ᭄ᬕ᭞ᬧᬸᬦ᭄ᬲ᭄ᬫᬃᬢᬗ᭄ᬲᬄᬳᬗᬶᬭᬶᬂ᭞ᬧᬫᬵᬃᬕ᭄ᬕᬶᬦᬾᬲᬵᬫ᭄ᬧᬸᬦᬤᭀᬄ᭞ᬫᬗ᭄ᬮᬶᬯᬢ᭄ᬳᬮᬲᬾᬳᬕᬸᬂ᭞ᬚᬸᬭᬂᬲᬫᬶᬲᬵᬫ᭄ᬧᬸᬦ᭄ᬮᬶᬦ᭄ᬢᬂ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬢ᭄ᬧᬶᬲᬶᬭᬶᬂᬦᬵᬕᬭᬵ᭟ᬮᬢ᭄ᬭᬶᬤᬦᬾᬦ᭄ᬬᬫᬫᬃᬕ᭄ᬕ᭞ᬤᬾᬦᬶᬂᬧᬶᬢᬸᬥᬸᬳᬶᬂᬯᬶᬥᬶ᭞ᬤ
[᭕᭙ 59A]
᭕᭙
ᬯᬸᬄᬧᬢ᭄ᬳ᭄ᬬᬥᬢᭂᬂᬋᬓᭀ᭞ᬰ᭄ᬭᬶᬦᬭᬾᬦ᭄ᬤ᭄ᬭᬵᬯᬸᬲ᭄ᬫᬯᬦ᭄ᬢᬸ᭞ᬓᬭᬶᬳᬾᬩᭂᬓ᭄ᬧᬦᬗ᭄ᬓᬶᬮᬦ᭄᭞ᬧᬢᬶᬄᬫᬦ᭄ᬢ᭄ᬭᬶ᭞ᬗ᭄ᬭᬯᭀᬲᬂ᭠ᬩᬕᬸᬲᬸᬫ᭄ᬩᬭᬵ᭟ᬲᬂᬦᬵᬣᬳᬮᭀᬦ᭄ᬗᬦ᭄ᬤᬶᬓᬵ᭞ᬲᬧᬸᬦᬧᬶᬳᬸᬮᬢ᭄ᬫᬗ᭄ᬓᬶᬦ᭄᭞ᬮᬫ᭄ᬧᬳᬾᬲᬂᬩᬕᬸᬲ᭄ᬳᬦᭀᬫ᭄᭞ᬳᬫᬓ᭄ᬢᬵ
ᬲ᭄ᬕᬭᬵᬫᬥᬸ᭞ᬭᬓ᭄ᬭ᭄ᬬᬵᬦ᭄ᬧᬢᬶᬄᬲᬯᬹᬃᬲᭂᬫ᭄ᬩᬄ᭞ᬢᬦ᭄ᬤ᭄ᬯᬧ᭄ᬭᬧ᭄ᬢᬶ᭞ᬲᬂᬩᬕᬸᬲ᭄ᬮᬯᬵᬦ᭄ᬧᬸᬦ᭄ᬲ᭄ᬫᬃ᭟ᬫᬓ᭄ᬢᬵᬲ᭄ᬕᬭᬵᬕᬸᬦᬸᬂᬫ᭄ᬜᬦ᭄᭞ᬯᬥᬄᬜᬦᬾᬩᬸᬓᬵᬫᬡᬶᬓ᭄᭞ᬲᬂᬦᬵᬣᬕᬃᬚ᭄ᬚᬶᬢ᭄ᬣᬢᬸᬫᭀᬦ᭄᭞ᬢᬸᬫᬸᬮᬶᬄᬓᬧᭂᬦ᭄ᬤᬓ᭄ᬤᬸᬮᬸ᭞ᬲᬂᬦᬵᬣᬕᭂᬮᬶᬲ᭄ᬗᬦ᭄ᬤᬶᬓᬵ᭞ᬩ
ᬕᬸᬲ᭄ᬧ᭄ᬭᬧ᭄ᬢᬶ᭞ᬭᬭᬶᬲᬂᬫᬳᬶᬫ᭄ᬦᬾᬓᬦ᭄᭟ᬩᬕᬸᬲᬸᬫ᭄ᬩᬭᬳᬜᬸᬫ᭄ᬩᬄ᭞ᬲᬦ᭄ᬤᬶᬓᬦ᭄ᬰ᭄ᬭᬶᬦᬭᬧᬢᬶ᭞ᬢᬸᬫᬸᬮᬶᬄᬳᬮᬸᬗ᭄ᬕᬸᬄᬳᬮᭀᬦ᭄᭞ᬲᬂᬦᬵᬣᬗᬦ᭄ᬤᬶᬓᬵᬳᬮᬸᬲ᭄᭞ᬲᬧᬸᬦᬧᬶᬬᬦᬸᬮᬢ᭄ᬣᬵ᭞ᬧᭀᬮᬶᬄᬘᬳᬶ᭞ᬓᬤᬶᬩᬬᬸᬦᬾᬲᬂᬦᬵᬣ᭟ᬩᬕᬸ᭠
ᬲᬸᬫ᭄ᬩᬭᬫᬢᬸᬭᬵ᭞ᬧᭀᬮᬶᬄᬢᬶᬢ᭄ᬬᬂᬰ᭄ᬭᬷᬪᬸᬧᬢᬶ᭞ᬲᬳᬓ᭄ᬯᬾᬄᬳᬗ᭄ᬭᬸᬗᬸᬫᬗ᭄ᬓᭀ᭞ᬲᬂᬦᬵᬣᬳᬲ᭄ᬫᬸᬓ᭄ᬜᬸᬂ᭞ᬤᬶᬚᬵᬋᬓᭀᬧᬳ᭄ᬦᬳᬦ᭄ᬜᬵ᭞ᬩᬕᬸᬲ᭄ᬧᭀᬮᬶᬄ᭞ᬲᬧᬸᬦᬧᬶᬬᬾᬦ᭄ᬯᬃᬡ᭄ᬦᬜ᭟ᬲᬂᬩᬕᬸᬲ᭄ᬳᬲᬳᬸᬃᬲᭂᬫ᭄ᬩᬄ᭞ᬧᬶᬗᬶᬢ᭄ᬧᬶᬲᬦ᭄ᬰ᭄ᬭᬶᬪᬸᬧ
