[᭕᭙ 59B]
᭕᭙
ᬢᬶ᭞ᬫᬦᬯᬶᬫᬍᬘᬢ᭄ᬋᬓᭀ᭞ᬩ᭄ᬬᬦᬵᬓᬾᬗᬶᬦ᭄ᬘᬯᬸᬄᬘᬯᬸᬄ᭞ᬳᬧᬦ᭄ᬤᬺᬯᬾᬦ᭄ᬳᬦᬓ᭄ᬫᬾᬦᬓ᭄᭞ᬢᬹᬃᬫᬧᬶᬗᬶᬢ᭄᭞ᬬᬾᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬳᬸᬦᬶᬗ᭄ᬳᬵ᭟ᬰ᭄ᬭᬷᬦᬭᬾᬦ᭄ᬤ᭄ᬭᬵᬫᬗᬯᭀᬓᬂ᭞ᬲᬓ᭄ᬯᬾᬳᬶᬂᬧᬧᬢᬶᬄᬫᬦ᭄ᬢ᭄ᬭᬶ᭞ᬮᬓᬸᬦᬾᬲᬂᬩᬕᬸᬲ
ᬦᭀᬫ᭄᭞ᬩᬸᬓᬵᬤᬾᬯ᭄ᬯᬦᬾᬢᬸᬫᬸᬭᬸᬦ᭄᭞ᬩᬕᬸᬲ᭄ᬯᬶᬯᬾᬓᬵᬧ᭄ᬭᬚ᭄ᬜᬦ᭄᭞ᬲᬶᬳᬶᬦ᭄ᬯᬶᬤ᭄ᬥᬶ᭞ᬲᬓᬵᬃᬱᬦᬾᬢ᭄ᬯᬄᬓᬲᬶᬤ᭄ᬥᬦ᭄᭟ᬲᬂᬦᬵᬣᬋᬲᭂᬧ᭄ᬭᬶᬂᬫᬦᬄ᭞ᬫᬗ᭄ᬭᬱᬭᬱᬭᬶᬂᬳᬢᬶ᭞ᬩᬬᬳ᭄ᬦᬾᬚᬤ᭄ᬫᬓᬯᭀᬢ᭄᭞ᬢ᭄ᬯᬶᬬᬢᭂᬋᬄᬳᭀᬓᬦ᭄ᬭᬢᬸ
᭞ᬳᬗᬶᬂᬳᬶᬬᬗᬮᬶᬄᬤᬬᬵ᭞ᬫᬗ᭄ᬤᬾᬲᬶᬮᬶᬩ᭄᭞ᬧᬗ᭄ᬭᬱᬦᬾᬦᬾᬳᬸᬢ᭄ᬢᬫ᭟ᬫᬗ᭄ᬓᬦᬵᬓᬬᬸᬦ᭄ᬲᬂᬦᬵᬣ᭞ᬳᬕ᭄ᬮᬶᬲ᭄ᬧᬸᬦᬂᬢᬥᬄᬧ᭄ᬭᬧ᭄ᬢᬶ᭞ᬲᬂᬦᬵᬣᬳᬫᬸᬯᬸᬲᬮᭀᬦ᭄᭞ᬢ᭄ᬯᬭᬩ᭄ᬮᬶᬲᬗ᭄ᬰᬬᬓᬬᬸᬦ᭄᭞ᬫᬗᬚᬓ᭄ᬘᬳᬶᬫᬜᬫ᭞ᬦᬾᬦᬾᬚᬦᬶ᭞ᬩᬕᬸ
ᬲᬸᬫ᭄ᬩᬭᬗᬶᬭᬶᬗᬂ᭟ᬢᬹᬃᬧᬗᬬᬳᬾᬦᬓ᭄ᬫᬾᬦᬓ᭄᭞ᬲᬲ᭄ᬦᭂᬗᬦᬾᬓᬧᬶᬗᬶᬢ᭄᭞ᬢᬶᬕᬂᬤᬰᬓᬢᬄᬋᬓᭀ᭞ᬲ᭄ᬤᭂᬂᬧᬫ᭄ᬓᬲᬶᬂᬓᬬᬸᬦ᭄᭞ᬫᬗᬚᬓ᭄ᬘᬳᬶᬫᬜᬫ᭞ᬦᬾᬦᬾᬚᬦᬶ᭞ᬩᬕᬸᬲᬸᬫ᭄ᬩᬭᬗᬶᬭᬶᬗᬂ᭟ᬧᬗᬬᬳᬾᬲᬲ᭄ᬮᬶᬭᬦ᭄᭞ᬢᬸᬳᬸᬧ᭄ᬭᬢᬫᬾᬂ
[᭖᭐ 60A]
᭖᭐
ᬭᬲ᭄ᬧᬢᬶ᭞ᬢᬶᬦ᭄ᬤᬓ᭄ᬕᬚᬄᬫᬕᬫ᭄ᬧᬭᬦ᭄᭞ᬧᬫᬸᬮᬸᬦᬾᬕᬥᬶᬂᬍᬫ᭄ᬩᬸᬢ᭄᭞ᬓᬲᭀᬃᬳ᭄ᬫᬲᬾᬕᬶᬦᬶᬮᬧ᭄᭞ᬕᬶᬮᬶᬓ᭄ᬭᬫ᭄ᬧᬶᬂ᭞ᬢᬸᬳᬸᬬᬳᬶᬲᬶᬦᬶᬂᬧᬸᬭᬵ᭟ᬧᬗᬗ᭄ᬕᭀᬦᬾᬲᬫᬶᬩᬸᬗᬄ᭞ᬲᬧᭀᬮᬳᬾᬲᬫᬶᬍᬯᬶᬄ᭞ᬦᬗ᭄ᬳᬶᬂᬳᬢᬶᬦᬾᬫᬘ᭄ᬮᭀᬲ᭄᭞ᬧ᭄ᬮᬶᬄ
ᬤᬤᬶᬲᬮᬄᬧᬲᬸᬓ᭄᭞ᬲᬂᬦᬵᬣᬢᬦ᭄ᬤ᭄ᬭᬸᬳᬶᬂᬘᬶᬢ᭄ᬣ᭞ᬳᬲ᭄ᬫᬸᬓ᭄ᬜᬶᬂ᭞ᬤᬤᬶᬓ᭄ᬤᬾᬓᬾᬫᬩ᭄ᬭᬶᬬᬓ᭄᭟ᬤᬤ᭄ᬬᬲᬫᬶᬳᬸᬲᬦᬥᬄ᭞᭠ᬫᬶᬯᬄᬳᬶᬤᬵᬰ᭄ᬭᬷᬪᬸᬧᬢᬶ᭞ᬳᬶᬗᬢᬸᬭᬦ᭄ᬘᬦᬂᬫᬗ᭄ᬓᭀ᭞ᬫᬶᬯᬄᬳᬶᬤᬲᬗᬩᬕᬸᬲ᭄᭞ᬳᬶᬧᬢᬶᬄᬬᬫᬧᬧᬭᬵ᭞ᬳᬭᬓᬦᬶᬲ᭄
᭞ᬲᬫ᭄ᬧᬸᬦ᭄ᬲᬫᬶᬓᬳᬢᬸᬭᬦ᭄᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬲᬶᬭᬭᬓ᭄ᬭ᭄ᬬᬵᬦ᭄ᬫᬧᬢᬶᬄ᭞ᬳᬧᬂᬢ᭄ᬤᬸᬦ᭄ᬯᬤ᭄ᬯᬦᬶᬗᭀᬂ᭞ᬩᬸᬤᬲ᭄ᬮᭂᬫᬄᬦᭂᬧᭂᬓ᭄ᬓᬸᬮ᭄ᬓᬸᬮ᭄᭞ᬫᬶᬱᬧᬥᬲ᭄ᬭᬳᬗᬵ᭞ᬧᬶᬢᬸᬂᬲᬶᬓᬶ᭞ᬩᬯᬶᬳᬦᬂᬢᬶᬕᬂᬩ᭄ᬦᬂ᭟ᬦᬾᬦᬾᬫᬚᬶᬧᬜ᭄ᬮᬳᬾᬬᬦ᭄᭞ᬮᬯᬦ᭄ᬩ᭄ᬭᬲ᭄ᬳ᭠
ᬓᬸᬢᬸᬲ᭄ᬢᬮᬶ᭞ᬓᬫ᭄ᬩᬶᬂᬤᭀᬫᬲ᭄ᬢᬸᬦ᭄ᬤᬾᬦ᭄ᬗᭀᬭᭀᬓ᭄᭞ᬓᬶᬤᬗᬾᬢ᭄ᬮᬸᬂᬤᬰᬢ᭄ᬮᬸ᭞ᬓᭂᬍᬰᬶᬳᬾᬢᬶᬕᬂᬩ᭄ᬦᬂ᭞ᬮᬦ᭄ᬤᬓ᭄ᬲᬫᬶ᭞ᬳᬸᬮᬫ᭄ᬧᬰᬶᬳᬾᬭᬯᬸᬳᬂ᭟ᬦᬕᬶᬄᬫ᭄ᬩᬵᬢ᭄ᬓᬾᬦ᭄ᬲ᭄ᬤᬳᬦ᭄᭞ᬕ᭄ᬦᭂᬧᬶᬂᬚᬚᬢᭀᬦ᭄ᬲᬫᬶ᭞ᬲᬸᬩᬵᬧᬥᬳᬤᬵᬋᬓᭀ᭞ᬳᬶᬧ᭠
