Kaca:Bali-lontar-paparikan-bagus-umbara-01-250ppi.pdf/58

Saking Wikisource
Kaca puniki sampun kauji-wacén

[᭕᭗ 57B]
᭕᭗
ᬭᬦ᭄‌‌ᬩᭀᬕᬋᬓᭀ᭞ᬤᬤᬭᬗᬾᬲᬫᬶᬮᬸᬳᬸᬂ᭞ᬳᬾᬦᬓ᭄ᬫᬗ᭄ᬓᬶᬦ᭄ᬫᬳᬚᭂᬗᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬯᬸᬲ᭄ᬲ᭠ᬫᬶᬗᬚᭂᬗᬂ᭟ᬲᬵᬫ᭄ᬧᬸᬦ᭄ᬓᬳᬢᬸᬭᬦ᭄ᬘᬦᬂ᭞ᬲᬫᬶᬯᬸᬲᬗᬶᬦᬂᬲᬶᬭᬶᬄ᭞ᬳᬶᬤᬸᬓᬸᬄᬫᬳᬢᬸᬃᬳᬮᭀᬦ᭄᭞ᬤᬸᬭᬸᬲᬂᬭᬢᬸᬳᬢᬸ
ᬭᬸ᭞ᬍᬲᬸᬯ᭄ᬬᬓ᭄ᬢᬶᬓᬾᬳᬶᬤᬾᬯᬵ᭞ᬲᬵᬫ᭄ᬧᬸᬦ᭄ᬯᭂᬗᬶᬢᬶᬢ᭄ᬬᬂᬧᬫᬶᬢ᭄ᬭᬶᬂᬳᬶᬤᬾᬯ᭄ᬯ᭟ᬢᬦ᭄ᬓᬯᬃᬡ᭄ᬦᬳᬶᬓᬂᬤᬶᬦᬵ᭞ᬓᬯᬸᬯᬸᬲᭂᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬳᬦᬶᬤᬺᬢ᭄ᬯᬦ᭄ᬕᬮᬸᬄᬋᬓᭀ᭞ᬓᬸᬫ᭄ᬭᬫ᭄ᬲᬢᬾᬚᬦᬶᬂᬮᬸᬮᬸᬢ᭄᭞ᬦᬶᬩᬬᬦᬢᬸᬗ᭄ᬕ᭄ᬯᬶᬂᬤᬕ᭞ᬦᬸᬮᬶᬄᬧ᭄ᬭ
ᬧ᭄ᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫ᭄ᬓᬸᬮ᭄ᬢᭂᬗᬄ᭟ᬢ᭄ᬯᬶᬓᬯᬶᬦᬰᬥᬭᬵ᭞ᬲ᭄ᬯᬭᬦᬾᬗᬜᬸᬤᬂᬳᬢᬶ᭞ᬓᬓᬧᬺᬫ᭄ᬩᬦ᭄ᬲᬫᬶᬳᬗ᭄ᬭᬸᬗᬹᬗᭀ᭠ᬦ᭄᭞ᬮ᭄ᬯᬶᬄᬓᬵᬫ᭄ᬩᬳᬦ᭄ᬫᬥᬸᬚᬸᬭᬸᬄ᭞ᬭᬳᬤᬾᬦ᭄ᬤᬾᬯᬶᬓᭀᬘᬧ᭞ᬳᬲ᭄ᬫᬸᬭᬶᬫ᭄ᬭᬶᬫ᭄᭞ᬫᬓᬲ᭄ᬬᬃᬭᬱᬢᬦ᭄ᬲᬸᬓᬵ᭟ᬓᬸᬫ᭄ᬩᬗᬾ
ᬳᬾᬱ᭄ᬝᬶᬲᬤᬶᬦᬵ᭞ᬓᬲᬶᬤᬦ᭄ᬫᬦᬳᬾᬲ᭄ᬤᬶᬄ᭞ᬓᬬᬸᬦᬾᬗᬃᬱᬶᬸᬭᬦ᭄ᬢᭂᬓ᭄ᬋᬓᭀ᭞ᬤᬤᬶᬫᬢ᭄ᬫᬳᬦ᭄ᬮᬸᬮᬸᬢ᭄᭞ᬢ᭄ᬯᬭᬲᬂ᭠ᬗ᭄ᬰᬬᬭᬶᬂᬫᬦᬄ᭞ᬤᬸᬓᬶᬂᬗᬹᬦᬶ᭞ᬲ᭄ᬤᬶᬳᬾᬚᬦᬶᬓᬲᬶᬤᬦ᭄᭟ᬯᬸᬲᬶᬦᭀᬮᬶᬄᬧᬥᬸᬦᬶᬂᬲᬶᬜ᭄ᬚᬂ᭞ᬩᬗ᭄ᬓ᭄ᬬᬂᬍᬗ᭄ᬓ᭄ᬬᬂᬍᬫ᭄ᬧᬸᬂᬕᬥᬶᬂ᭞ᬍᬫᬸᬄ

[᭕᭘ 58A]
᭕᭘
ᬮᬸᬫ᭄ᬮᬸᬫ᭄‌ᬚ᭄ᬭᬶᬚᬶᬫ᭄ᬭᭀᬲ᭄᭞ᬧᭀᬮᬳᬾᬕᭂᬫᬸᬓᬶᬂᬲᬸᬲᬸ᭞ᬓᬤᬶᬜᬸᬄᬕᬥᬶᬗᬾᬓᭂᬫ᭄ᬩᬃ᭞ᬲᭂᬫᬸᬭᬸᬧᬶᬢ᭄᭞ᬲᬂᬧ᭄ᬓᬶᬓ᭄ᬳᬤᬶᬢᬶ᭠ᬳᬦᬵ᭟ᬲᬵᬫ᭄ᬧᬸᬦ᭄ᬓᬧᬭᬦᬦ᭄ᬘᬶᬢ᭄ᬣ᭞ᬢᬦ᭄ᬤᬾᬯᬶᬳᬲ᭄ᬫᬸᬢᬗᬶᬲ᭄᭞ᬓᬢᬶᬩᬾᬦᬶᬦ᭄ᬕᬫᬋᬓᭀ᭞ᬧᬢᭂᬫ᭄ᬧᬸᬳᬶᬂᬲ᭄ᬫᬭᬮᬸᬮᬸ᭠
ᬢ᭄᭞ᬓᬧᭂᬡ᭄ᬥᬓᬶᬂᬲ᭄ᬫᬭᬵᬕᬫ᭞ᬢᬦ᭄ᬯᬄᬭᬰ᭄ᬫᬶᬦ᭄᭞ᬧᬶᬦᭂᬓᬸᬮ᭄ᬳᬶᬗᬭᬲᬭᬲ᭄᭟ᬍᬲᬸᬦᬾᬫᬥᬧᬮᬬ᭄ᬯᬦ᭄᭞ᬢ᭄ᬯᬦ᭄ᬤᬾᬯᬶ᭠ᬭᬭᬶᬲ᭄ᬳᬢᬗᬶ᭞ᬭᬭᬶᬲ᭄ᬤᬦᬾᬗᬬᬸᬄᬤᭀᬤᭀᬢ᭄᭞ᬲᬶᬦᬶᬜ᭄ᬚᬗᬦ᭄‌ᬤᬾᬦᬳᬮᬸᬲ᭄᭞ᬭᭀᬫᬦᬾᬜ᭄ᬮᭂᬫ᭄ᬢᬸᬃᬲᬫᬄ᭞ᬳᬲ᭄ᬫᬸ
ᬓ᭄ᬜᬶᬂ᭞ᬲᬵᬫ᭄ᬧᬸᬦ᭄ᬤᬦᬾᬲᬶᬸᬗᬶᬘᬾᬦ᭄ᬲᭂᬧᬄ᭟ᬓᬯᬸᬯᬸᬲᭂᬦ᭄ᬳᬩᬂᬯᬾᬢᬦ᭄᭞ᬓᬭᬶᬳᬕᬸᬮᬶᬂᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬢᬗ᭄ᬲᬄᬳᬓᬫ᭄ᬧᬸᬄᬲᬭᭀᬭᭀ᭞ᬲᬵᬃᬯ᭄ᬯᬶᬤᬦᬾᬗᭂᬕᭂᬫ᭄ᬲᬸᬲᬸ᭞ᬫᬗᬭᬲ᭄ᬦᬸᬮ᭄ᬬᬭᬳᬶᬦᬵ᭞ᬦᬸᬮ᭄ᬬᬵᬗ᭄ᬮᬶᬂ᭞ᬮᬳᬢᬗ᭄ᬬᬳᬢ᭄ᬫᬵᬚ᭄ᬯᬶᬢ᭄ᬣ᭟ᬲᬵ
ᬫ᭄ᬧᬸᬦ᭄ᬓᬾᬢᬢᬲ᭄ᬭᬳᬶᬦᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬗ᭄ᬮᬶᬂᬳᬭᬶᬲ᭄᭞ᬳᬢ᭄ᬫᬵᬚ᭄ᬯᬶᬢ᭄ᬣᬦᬶᬗ᭄ᬲᬸᬦᬶᬗᭀᬂ᭞ᬢᬦ᭄ᬢᬸᬦᬵᬳᬸᬕᬶᬳᬶᬭᬢᬸ᭞ᬫᬗ᭄ᬓᬶᬦ᭄ᬧᬫᬶᬢ᭄ᬭᬶᬂᬳᬶᬫᬶᬭᬄ᭞ᬓᬦᬵᬕᬭᬶ᭞ᬗᬢᬸᬭᬂᬲ᭄ᬫᬭᬵᬫ᭄ᬜᬦ᭄᭟ᬭᬳᬤᬾᬦ᭄ᬕᬮᬸᬄᬫᬵᬢᬸᬭ᭞ᬦᬯᬶᬢᬶᬢ᭄ᬬᬂᬓᬸᬢᬂᬩ᭄ᬮᬶ᭞