[᭖᭐ 60B]
᭖᭐
ᬦᬾᬢᬾᬘᬳᬶᬧ᭄ᬬᬦᬓ᭄ᬩᬧ᭞ᬧᬚᬮᬦ᭄ᬘᬳᬶᬦᬾᬚᬦᬶ᭞ᬗᬶᬃᬢ᭄ᬢᬶᬦᬶᬦ᭄ᬩᬧᬤᬶᬦᬶ᭞ᬫᭂᬦᭂᬳᬂᬓᬾᬦ᭄ᬤ᭄ᬭᬦᬾᬳᬸᬯᬸᬕ᭄᭞ᬯᬶᬭᬾᬄᬘᬳᬶᬜᬥ᭄ᬬᬬᬂ᭞ᬜᬫ᭄ᬧᬢᬂᬫᬮᬦᬾᬤᬶᬦᬶ᭞ᬢᬦ᭄ᬯᬶᬮᬗᬦ᭄᭞ᬩ
ᬧᬚᬦᬶᬫᬶᬮᬸᬍᬕᬵ᭟ᬚᬦᬶᬩᬧᬫᬜᬸᬧᬢ᭄᭞ᬫᬶᬓᭀᬮᬶᬳᬶᬦ᭄ᬓᬶᬓᬶᬢ᭄ᬓᬶᬓᬶᬢ᭄᭞ᬧᬂᬤᬵᬩᬧᬫᬶᬭᬢ᭄ᬮᬫ᭄ᬧᬄ᭞ᬓᬮᬶᬗ᭄ᬓᬾᬘᬳᬶᬗ᭄ᬭᬶᬳᬶᬦᬶᬦ᭄᭞ᬫᬶᬓᭀᬮᬶᬳᬶᬦ᭄ᬩᬧᬤᬶᬦᬶ᭞ᬦᬾᬚᬦᬶᬩ᭠
ᬧᬫᬦᬳᬸᬃ᭞ᬤᬶᬓᬧᬦ᭄ᬢ᭄ᬯᬭᬫᬩᬳᬦ᭄᭞ᬲᬧᬗᬶᬥᬧ᭄ᬘᬳᬶᬚᬦᬶ᭞ᬫᬸᬢᬂᬭᬱ᭞ᬚᬦᬶᬭᬱ᭠ᬳᬗ᭄ᬕᭀᬦ᭄ᬫᬬᬄ᭟ᬲᬂᬧᬵᬃᬣᬓᭂᬜᭂᬫ᭄ᬫᬢᬸᬭ᭞ᬯ᭄ᬬᬓ᭄ᬢᬶᬧᬵᬢᬸᬢ᭄ᬧᬶᬲᬦ᭄ᬫᬗ᭄ᬓᬶᬦ᭄᭞ᬓᬤᬶᬯᬘᬡᬦ᭄ᬪ
ᬝᬵᬭ᭞ᬢᬦ᭄ᬯᬾᬦ᭄ᬢᭂᬦ᭄ᬲᬶᬯᬄᬳᬓᬶᬤᬶᬓ᭄᭞ᬧᬗᬡ᭄ᬥᬶᬓᬦ᭄ᬪᬝᬵᬭᬫᬗ᭄ᬓᬶᬦ᭄᭞ᬭᬶᬂᬤᬾ᭠ᬯᬾᬓ᭄ᬢᬶᬢ᭄ᬬᬗᬾᬭᬢᬸ᭞ᬢᬶᬢ᭄ᬬᬂᬜᬶᬸᬓᬶᬸᬜᬹᬓ᭄ᬱ᭄ᬫᬬᬂᬧᬶᬲᬦ᭄᭞ᬓᬾᬢᭀᬳᬢᬸᬃᬲᬂᬓᬶᬭᬶᬝᬶ᭞
[᭖᭑ 61A]
᭖᭑
ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬫᬮᬶᬄᬳᬶᬤᬫᬗᬡ᭄ᬥᬶᬓ᭟ᬦ᭄ᬢᭀᬢᬾᬳᬤᬧ᭄ᬬᬦᬓ᭄ᬩᬧ᭞ᬘᬳᬶᬜᬸᬯᬂᬫᬓᬲᬫᬶ᭞ᬦᬾᬚᬦᬶᬤᬶᬢᬸᬮᬯᬸᬢᬂ᭞ᬤᬶᬧᬫ᭄ᬭᬫᬦ᭄ᬚᬕ᭄ᬧᬭᬦᬶᬦ᭄᭞ᬤᬵᬘᬳᬶᬯᬮᬂᬳᬢᬶ᭞ᬩᬧᬜᬸ᭠
ᬓ᭄ᬱ᭄ᬭᬳᬂᬢᬸᬳᬸ᭞ᬲᬂᬧᬵᬃᬣᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬧᬲᬯᬸᬭᬾᬲᬯᬂᬓ᭄ᬜᬶᬂ᭞ᬲᬶᬗ᭄ᬕᬶᬄᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬫᬶᬢ᭄ᬭᬶᬂᬪᬝᬵᬭ᭟ᬭᬭᬶᬲ᭄ᬫᬫᬃᬕ᭄ᬕᬲᬂᬧᬵᬃᬣ᭞ᬓᬳᭀᬚᭀᬕ᭄ᬳᬶᬯᬶᬥ᭄ᬬᬥᬭᬶ᭞ᬢᬦ᭄ᬮ᭄ᬬᬦᬾᬳᬶᬲᬸᬧ᭄ᬭᬪᬵ᭞
ᬫᬜᬧᬭᬭᬶᬲ᭄ᬦᬫ᭄ᬧᭂᬓᬶᬦ᭄᭞ᬤᬸᬄᬤᬾᬯᬤ᭄ᬬᬄᬳᬭᬶ᭞ᬢᬸᬮᬸᬲᬂᬢᬺᬱ᭄ᬡᬦᬾᬭᬢᬸ᭞ᬭᬶᬂᬢᬶᬢ᭄ᬬᬂᬲᬂᬨᬮ᭄ᬕᬸᬡ᭞ᬳᬶᬲᬸᬧ᭄ᬭᬪᬵᬢᬦ᭄ᬳᬗᭂᬮᬶᬂ᭞ᬫᬫᬾᬦ᭄ᬢᭀᬲᬂ᭞ᬫᭂᬘᬸᬓ᭄ᬳᬮᬶᬲ᭄ᬫᬭᬸᬗᬸᬲᬂ᭟ᬬᬦ᭄ᬤᬶ
ᬲᭂᬩᭂᬂᬦᭀᬭᬲᬸᬓ᭞ᬧᬶᬓᭂᬦᭂᬳᬾᬮᬶᬦ᭄ᬢᬂᬳᬲᬶᬄ᭞ᬫᬶᬭᬶᬩ᭄ᬢ᭄ᬯᬭᬫᬗ᭄ᬭᬸᬗᬸᬯᬂ᭞ᬬᬦ᭄ᬳᬤᬳᬦᬓ᭄ᬫᬫᬸᬜᬶ᭞ᬲᬭᬸᬲᬭᬸᬢ᭄ᬯᬭᬳᬲᬶᬦ᭄᭞ᬤᬶᬳᬶᬥᬧᬾᬫᬗᬫ᭄ᬧᬸᬮᬸᬓ᭄᭞ᬭᬶᬂᬳᬶᬤᬲᬂᬆᬃᬚ᭄ᬚᬸᬦ
