[᭕᭙ 59B]
᭕᭙
ᬕᬵᬢᬦ᭄ᬲᬶᬧᬶ᭞ᬢ᭄ᬯᬭᬳᬤᬯᬮᬂᬓᬳ᭄ᬬᬸᬦ᭄᭞ᬲᬫᬶᬋᬡᬵ᭞ᬢ᭄ᬓᬾᬦᬶᬂᬧᬜ᭄ᬚᬓ᭄ᬢᭂᬕᬓᬦ᭄᭟ᬫᬗ᭄ᬓᬶᬦ᭄ᬫᬦ᭄ᬢᬸᬓ᭄ᬫᬓᬭᭀᬦᬦ᭄᭞ᬲᬳᬶᬲᬶᬦ᭄ᬰ᭄ᬯᬃᬕ᭄ᬕᬦᬾᬲᬫᬶ᭞ᬲᬂᬧᬵᬃᬣᬚᬦᬶᬭᬯᭀᬲᬂ᭞ᬧᬕᭂᬄᬤᬶᬧ
ᬲ᭄ᬬᬢᬦ᭄ᬢᬸᬯᬶ᭞ᬯᬶᬥ᭄ᬬᬥᬭᬶᬦᬾᬲᬫᬶ᭞ᬧᬥᬗ᭄ᬭᬯᭀᬲᬂᬤᬶᬓᬳ᭄ᬬᬸᬦ᭄᭞ᬲᬫᬶᬗᬯᭂᬢ᭄ᬯᬂᬰᬩ᭄ᬥ᭞ᬲᬢᬶᬗ᭄ᬓᬄᬰᬩ᭄ᬥᬦᬾᬚᬢᬶ᭞ᬓᬭᬯᭀᬲᬂ᭞ᬢᬶᬗ᭄ᬓᬄᬕ᭄ᬮᬭᬾᬦᬾᬲᬸᬩ᭟ᬤᬸᬓᬾᬤᬶᬢ᭄ᬗᬄᬧᬧ᭄ᬭ
ᬗᬦ᭄᭞ᬮᬗ᭄ᬕᭂᬂᬧᬕᭂᬄᬢ᭄ᬯᬭᬕᬶᬂᬲᬶᬃ᭞ᬲᬂᬧᬵᬃᬣᬧᬸᬭᬸᬱᬵᬧ᭄ᬭᬂ᭞ᬓᭀᬘᬧᬲᬂᬲᬸᬭᬧᬢᬶ᭞ᬲ᭄ᬥᭂᬓᬦ᭄ᬳᬶᬤᬭᬶᬂᬫᬵᬃᬕ᭄ᬕᬶ᭞ᬩᬶᬸᬗ᭄ᬭᬯᭀᬲᬂᬧᬶᬓᭀᬮᬶᬄᬤᬶᬢᬸ᭞ᬳᬦ᭄ᬢᬸᬓ᭄ᬤᬦᬾᬦᬾᬚᬬ᭞ᬫᬶᬸᬧᬫᬵᬃᬕ᭄ᬕᬶ᭠
ᬦ᭄ᬲᬂᬧ᭄ᬭᬪᬹᬫᬗ᭄ᬓᬶᬦ᭄᭞ᬜᬡ᭄ᬥᬂᬢᬸᬮᬤ᭄᭞ᬳᬦᬓᬾᬘᬸᬘᬸᬤ᭄ᬧᬚᬮᬦ᭄᭟ᬲᬵᬫ᭄ᬧᬸᬦ᭄ᬭᬯᬸᬄᬤᬶᬰ᭄ᬯᬃᬕ᭄ᬕᬦ᭄᭞ᬧᬥᬬᬫᬮᬶᬗ᭄ᬕᬶᬄᬲᬫᬶ᭞ᬤᬶᬢᬸᬧᬥᬫᬭᬭᬱᬦ᭄᭞ᬲᬤᬕᬶᬂᬓᬾᬦ᭄ᬤ᭄ᬭᬦᬾ
[᭖᭐ 60A]
᭖᭐
ᬲᬫᬶ᭞ᬢᬦ᭄ᬲᬶᬬᭀᬲ᭄ᬲᬦᬾᬫᬗ᭄ᬓᬶᬦ᭄᭞ᬲᬂᬧᬵᬃᬣᬚᬦᬶᬓᬯᬸᬯᬸᬲ᭄᭞ᬲᬫᬶᬧᬥᬵᬗ᭄ᬭᬯᭀᬲᬂ᭞ᬲᬂᬨᬮ᭄ᬕᬸᬡᬍᬢᭂᬄᬓᬭᬶ᭞ᬓᬍᬢᭂᬳᬶᬦ᭄᭞ᬲᬵᬦ᭄ᬢᬸᬓᬾᬧᭀᬮᬶᬄᬫᬧ᭄ᬭᬂ᭟ᬦᬶᬓᬫᬗ᭄ᬓᬶᬦ᭄ᬓᬭᬯᭀ
ᬲᬂ᭞ᬲ᭄ᬥᭂᬂᬧ᭄ᬭᬢᬶᬱ᭄ᬝᬦᬾᬫᬗ᭄ᬓᬶᬦ᭄᭞ᬫᬗ᭄ᬥᬾᬦᬾᬩ᭄ᬭᬲᬶᬄᬲᬂᬧᬵᬃᬣ᭞ᬳ᭄ᬬᬂᬳᬶᬸᬇᬦ᭄ᬤ᭄ᬭᬗᬡ᭄ᬥᬶᬓᬳᬭᬶᬲ᭄᭞ᬥᬸᬄᬘᬳᬶᬲᬂᬓᬶᬭᬶᬝᬶ᭞ᬚᬮᬦ᭄ᬧ᭄ᬭᬢᬶᬱ᭄ᬝᬫᬮᬸ᭞ᬤᬾᬯᬾᬓ᭄ᬘᬳᬶᬓᬍᬢᭂᬳᬶᬦ᭄᭞ᬲᬂᬧᬵᬃ
ᬣᬫᬳᬢᬸᬃᬭᬭᬶᬲ᭄᭞ᬗᬶᬭᬶᬂᬧᬶᬲᬦ᭄᭞ᬲᬓᬤᬶᬓᬳ᭄ᬬᬸᬦ᭄ᬪᬝᬵᬭ᭟ᬓᬧ᭄ᬭᬲ᭄ᬢᬶᬱ᭄ᬝᬲᬂᬧᬵᬃᬣ᭞ᬰᬶᬯᬵᬩᬸᬤ᭄ᬥᬫᬗ᭄ᬯᬾᬥᬦᬶᬦ᭄᭞ᬧᬥᬵᬗᬯᬶᬚᬶᬮᬂᬢᬶᬃᬣ᭞ᬧᬗ᭄ᬳᬦᬶᬂᬳᭂᬦᬶᬂᬲᬫᬶ᭞ᬲᬂᬧᬵᬃᬣᬓᬢᬶᬃᬣ
ᬳᬶᬦ᭄᭞ᬳᬶᬘᬮ᭄ᬲᬮ᭄ᬯᬶᬃᬭᬶᬂᬍᬢᬸᬄ᭞ᬳᬸᬲᬦ᭄ᬫᬗ᭄ᬓᬶᬦ᭄ᬫᬯᬾᬥᬶᬸᬤ᭄ᬥ᭞ᬲᬂᬧᬵᬡ᭄ᬥᬶᬢᬫᬓᬲᬫᬶ᭞ᬲᬂᬨᬮ᭄ᬕᬸᬡ᭞ᬲᬵᬫ᭄ᬧᬸᬦ᭄ᬩᬺᬲᬶᬄᬳᬶᬮᬂᬳᬮᬵ᭟ᬪᬝᬵᬭᬇᬦ᭄ᬤ᭄ᬭᬗᬡ᭄ᬥᬶᬓ᭞ᬤᬶᬳᬋᬧᬦ᭄ᬲᬂᬓᬶᬭᬶᬝᬶ
