[᭖᭑ 61B]
᭖᭑
᭞ᬫᬗᬸᬦ᭄ᬢᬸᬓᬂᬲᬯᬂᬲ᭄ᬥᬶᬄ᭞ᬧᬮᬶᬬᬢᬾ᭞ᬫᬶᬭᬶᬩ᭄ᬢ᭄ᬯᬭᬧᬘᬂᬲᬸᬓ᭟ᬲᬂᬧᬵᬃᬣᬫᬮᬶᬄᬦᬢᬲᬂ᭞ᬳᬢᬸᬭᬾᬫᬗᬲᬶᬄᬳᬲᬶᬄ᭞ᬫᬗᬸᬤᬳᬶᬸᬳᬶᬤᬾᬯᬮᬶᬧ᭄ᬬ᭞ᬤᬯᭂᬕ᭄ᬳᬶᬤᬾᬯᬦᬾᬗᬹᬦᬶ᭞ᬗ᭄ᬕᭀᬤ
ᬢᬶᬢ᭄ᬬᬂᬭᬶᬂᬳᬸᬓᬶᬃ᭞ᬳᬚᬮᬶᬧ᭄ᬬᬭᬢᬸᬳᬬᬸ᭞ᬓᬵᬮᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬓᬫᬦ᭄ᬢᬓᬓᬗ᭄ᬕᭀᬦ᭄ᬲᬓ᭄ᬱᬶ᭞ᬲᬦᬾᬘᬸᬘᬸᬤ᭄᭞ᬤᬶᬓᬧᬦ᭄ᬢ᭄ᬯᬭᬫᬢᭀᬯᬲ᭄᭟ᬧᬗ᭄ᬭᬸᬫ᭄ᬭᬸᬫᬾᬤᬶᬧᬫ᭄ᬭᬫᬦ᭄᭞ᬧᬥ
ᬓᬲ᭄ᬫᬵᬭᬦ᭄ᬤᬶᬳᬢᬶ᭞ᬲᬂᬧᬵᬃᬣᬫᬮᬶᬄᬳᬢᬦ᭄ᬬ᭞ᬤᬸᬄᬤᬾᬯᬲᬂᬤ᭄ᬬᬄᬳᬭᬶ᭞ᬤᭀᬂᬲᬯᬸ᭠ᬭᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬯᬦᬦᬾᬫᭂᬦᭂᬂᬭᬢᬸ᭞ᬳᬧᬫ᭄ᬬᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬫᬗ᭄ᬭᬯᭀᬲ᭄ᬳᬚᬓ᭄ᬢᬸᬮᬶ
ᬲ᭄᭞ᬧ᭄ᬭᬡ᭄ᬦᬦ᭄ᬢᬶᬢ᭄ᬬᬂ᭞ᬫᭂᬦᭂᬂᬦᬸᬭᬸᬢᬶᬸᬢ᭄ᬓᭀᬳᬶᬤᬾᬯ᭟ᬫᬮᬶᬄᬤᬯᭂᬕᬾᬤᬶᬕᬸᬯ᭞ᬲ᭄ᬯᬾᬘ᭄ᬙᬳᬶᬤᬾᬯᬦᭂᬗᭀᬓᬶᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬸᬗ᭄ᬓᬸᬮᬂ᭞ᬧᬶᬦᬄᬢᬶᬕᬂᬤᬶᬦᬯ᭄ᬬᬓ᭄ᬢᬶ᭞ᬮᭂᬲᬸ
[᭖᭒ 62A]
᭖᭒
ᬳᬶᬤᬾᬯᬤᬶᬫᬵᬃᬕ᭄ᬕᬶ᭞ᬢ᭄ᬯᬭᬓᬲᬶᬤ᭄ᬥᬦ᭄ᬤᬶᬓᬳ᭄ᬬᬸᬦ᭄᭞ᬧᬫᬵᬃᬕ᭄ᬕᬶᬦᬾᬦᭀᬭᬓᬃᬬ᭄ᬬ᭞ᬢᬦ᭄ᬯᬾᬦ᭄ᬢᭂᬦ᭄ᬧᭀᬮᬶᬄᬧᬸᬦᬧᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬫᬶᬓᭀᬮᬶᬳᬶᬦ᭄ᬭᬶᬂᬳᬶᬤᬾᬯ᭟ᬓᭂᬜᭂᬫ᭄ᬲᬸᬧ᭄ᬭᬪᬵᬜᭂᬩᭂᬢᬂ
᭞ᬧᬮᬶᬬᬢᬾᬲᬯᬂᬢᬝᬶᬢ᭄᭞ᬗᬃᬯ᭄ᬯᬦᬂᬳᬶᬥᬧᬾᬲᬸᬓ᭞ᬲᬂᬨᬮ᭄ᬕᬸᬡᬲᬦᬾᬫᬗ᭄ᬓᬶᬦ᭄᭞ᬢᬦ᭄ᬲᬗ᭄ᬰᬬᬤᬶᬳᬢᬶ᭞ᬳᬶᬥᬧᬾᬫ᭄ᬭᬱᬓᬢᬸᬭᬸᬢ᭄᭞ᬤᬶᬢᬸᬢᬶᬩᬓᬂᬲ᭄ᬫᬵᬭ᭞ᬲᬸᬧ᭄ᬭᬪᬵᬚᭂᬚᭂᬄᬢ᭠
ᬦ᭄ᬲᬶᬧᬶ᭞ᬫ᭄ᬭᬱᬳᬸᬯᬸᬕ᭄ᬭᬾᬄᬓᬭᬶᬳᬸᬭᬸᬗᬦ᭄ᬳᬜᬃ᭟ᬤᬾᬦᬶᬂᬲᬸᬩᬧᬥᬢᬺᬱ᭄ᬡ᭞ᬤᬶᬧᬫ᭄ᬭ᭠ᬫᬦ᭄ᬫᬧᬸᬮᬶᬮᬶᬂ᭞ᬍᬫᭂᬂᬍᬫᬄᬢ᭄ᬯᬭᬧᬲᬄ᭞ᬚᬦᬶᬲᬸᬩᬧᬥᬓᬲᬶᬄ᭞ᬲᬂᬧᬵᬃᬣᬲᬦᬾᬫᬗ᭄ᬓᬶᬦ᭄᭞
ᬤᬶᬰ᭄ᬯᬃᬕ᭄ᬕᬦ᭄ᬓᬭᬶᬫᬮᬸᬗ᭄ᬕᬸᬄ᭞ᬯᬶᬭᬾᬄᬤᬶᬢᬸᬓᬭᬩ᭄ᬬᬂ᭞ᬭᬶᬂᬳᬶᬤᬪᬝᬵᬭᬢᬸᬯᬶ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬭᬾᬡᬓᬳ᭄ᬬᬸᬦᬾᬓᬮᬶᬦ᭄ᬢᬂ᭟ᬮᬶᬦ᭄ᬢᬂᬯᬶᬃᬬ᭄ᬬᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬯᬢᭂᬓ᭄ᬤᬾᬯᬣᬦᬾᬲᬫᬶ᭞
