[᭒᭘ 28B]
᭒᭘
ᬲ᭄ᬓᬤᬮᭀᬦ᭄ᬫᬦᬳᬾᬓᬤᬸᬂᬓᬕᬦ᭄ᬢᬸᬂ᭞ᬦ᭄ᬢᭀᬫᬦ᭄ᬤᬤᬶᬳᬶᬧ᭄ᬬᬦ᭄᭞ᬫᬗ᭄ᬮᬯᬸᬢ᭄ᬤᬤᬶᬬᬗᬶᬧᬶ᭟ᬳᬤᬫᬧᬢᬓᬾᬦ᭄ᬭᭀᬯᬗᬂ᭞ᬕᭀᬧᬶᬢᬦᬾᬢᬦ᭄ᬮ᭄ᬬᬦ᭄ᬳᬦᬓᬾᬭᬘᬶᬓ᭄᭞ᬚᬦᬶᬤᬤᬶᬬ
ᬫᬩ᭄ᬭᬶᬬᬸᬓ᭄᭞ᬧᬘᬂᬦᬶᬗ᭄ᬓᬳᬂᬧᬬᬲ᭄᭞ᬲ᭄ᬮᬢ᭄ᬫᭂᬓᬵᬫᬤᬾᬭᬾᬓ᭄ᬧᬥᬵᬫᬚᬸᬚᬸᬓ᭄᭞ᬲᬾᬯᭀᬲ᭄ᬫᬮᬶᬄᬘᬭᬶᬢᬬᬂ᭞ᬓᬤᬸᬭᬸᬲ᭄ᬩᬳᬦ᭄ᬜᬧᬮᬶᬂ᭟ᬢ᭄ᬯᬭᬬᬫᬦᬯᬂᬚᭂᬗᬄ᭞ᬮᬯᬸᬢ᭄ᬗᭂ
ᬗ᭄ᬓᬮ᭄ᬧᭂᬲᬸᬢᭂᬫ᭄ᬩᬗᬾᬚᬗᬶᬄ᭞ᬫᬦᬶᬲ᭄ᬩᬦ᭄ᬩᬦ᭄ᬲᬤᬳᬮᬸᬲ᭄᭞ᬦᬵᬗ᭄ᬳᬶᬂᬓᬾᬫᬢ᭄ᬭᬫᬢ᭄ᬭ᭞ᬳᬦᬹᬢ᭄ᬧᬸᬧᬸᬄᬢᭂᬫ᭄ᬩᬗᬾᬦᬾᬚᬯᬩᬗ᭄ᬲᬸᬮ᭄᭞ᬧᬸᬧᬸᬄᬫᬓ᭄ᬚᬶᬢ᭄ᬕᬶᬦ᭄ᬘᬂ᭞ᬳᬯᭀᬃᬫᬤᬸ᭠
ᬮᬸᬭᬦ᭄ᬓᭂᬜᬶᬂ᭟ᬩᬵᬲ᭄ᬮᬶᬬᬸᬦᬾᬘᬭᬶᬢᬬᬂ᭞ᬢᬢᬶᬗ᭄ᬓᬳᬦ᭄ᬩᬳᬦ᭄ᬥᬥᬭᬶᬦᬾᬲᬫᬶ᭞ᬲᬂᬧᬵᬃᬣᬚᬦᬶᬓᬯᬸᬯᬸᬲ᭄᭞ᬧᬋᬓ᭄ᬭᬶᬂᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲ᭄ᬥᭂᬓ᭄ᬳᬶᬤᬗ᭄ᬭᬯᭀᬲᬂᬳᬸᬧᬬᬓᬳ᭄ᬬᬸᬦ᭄
[᭒᭙ 29A]
᭒᭙
᭞ᬢᬦ᭄ᬮᬾᬦ᭄ᬓᬚᬓ᭄ᬗ᭄ᬭᬯᭀᬲᬂ᭞ᬢ᭄ᬯᬄᬪᬕᬯᬵᬦ᭄ᬯ᭄ᬭᬲ᭄ᬧᬢᬶ᭟ᬤᬾᬯᬣᬫ᭄ᬯᬄᬯᬶᬥ᭄ᬬᬥᬭᬶ᭞ᬲᬂᬕᬤᬲᬾᬗᬶᬦ᭄ᬤᬶᬰ᭄ᬯᬃᬕ᭄ᬕᬦ᭄ᬦᬗ᭄ᬓᬶᬮ᭄᭞ᬢ᭄ᬯᬭᬵᬤᬫᬗ᭄ᬮᬄᬳᬢᬸᬃ᭞ᬭᬶᬂᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬂᬆᬃᬚᬶᬸ
ᬚ᭄ᬚᬸᬦᬭᬭᬶᬲ᭄ᬧ᭄ᬭᬡᬫ᭄ᬬᬵᬦ᭄ᬲᬸᬫᬸᬬᬸᬕ᭄᭞ᬳᬶᬭᬶᬓᬵᬭᬭᬶᬲ᭄ᬓᬲᬧ᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬲᬘᬶᬧᬢᬶ᭟ᬦᬾᬳᬶᬤᬾᬯᬲᬂᬳᬵᬃᬚ᭄ᬚᬸᬦ᭞ᬲᬗ᭄ᬳ᭄ᬬᬂᬰᬶᬯᬵᬢᬢᬲ᭄ᬗᬮᬸᬕ᭄ᬭᬳᬶᬦ᭄ᬘᬳᬶ᭞ᬚᬦᬶᬢᬸᬢᬸᬕᬂᬓᬾᬩᬕᬸᬲ᭄
᭞ᬓᬦ᭄ᬢᬶᬦᬶᬦ᭄ᬚ᭄ᬯᬳᬶᬩᬧ᭞ᬦᬄᬧᬳᭂᬓᬂᬤᬶᬦᬶᬦ᭄ᬕᬓ᭄ᬘᬳᬶᬩᬕᬸᬲ᭄᭞ᬮ᭄ᬬᬗᬂᬓᬳ᭄ᬬᬸᬦᬾ᭠ᬤᬾᬯ᭞ᬤᬵᬚᬵᬳ᭄ᬦᬸᬯ᭄ᬮᬂᬳᬢᬶ᭟ᬬᬦ᭄ᬢᬦ᭄ᬳᬶᬩᬕᬸᬲ᭄ᬗᬯᬾᬦᬂ᭞ᬫᬗ᭄ᬥᬮᬶᬬᬂᬳᬶᬥᬧ᭄ᬩᬧᬦᬾᬚᬦᬶ᭞ᬚ
ᬦᬶᬳᬶᬩᬕᬸᬲ᭄ᬫᬧᬕᬸᬢ᭄᭞ᬧᬓᬾᬯᭂᬄᬧᬘᬂᬢ᭄ᬓ᭞ᬤᭀᬦᬶᬂᬩᬧᬚᬦᬶᬫᬗ᭄ᬭᬯᭀᬲ᭄ᬫᬳᭂᬫ᭄ᬧᬸ᭞ᬤᬾᬦᬶᬂᬰᬢ᭄ᬭᬸᬧᬘᬂᬢᭂᬓᬵ᭞ᬓᬧ᭄ᬭᬧᭂᬓᬦ᭄ᬢᬸᬯᬶᬚᬦᬶ᭟ᬳᬤᬢᬾᬶᬸᬤᬢ᭄ᬬᬓᬺᬂᬧᬶᬲᬦ᭄᭞ᬓᬯᬶ
