[᭒᭙ 29B]
᭒᭙
ᬰᬾᬱᬬᬳᬶᬓᬯᬘ᭄ᬙᬰᬓ᭄ᬢᬶ᭞ᬢᬸᬃᬓᬲᬸᬩ᭄ᬤᬶᬚᬕᬢ᭄ᬢᭂᬕᬸᬄ᭞ᬧᬸᬧᬸᬢᬶᬂᬧᬦᬸᬕ᭄ᬭᬳᬵ᭞ᬢ᭄ᬯᬭᬤᬤᬶ᭞ᬫᬢᬶᬩᬵᬦ᭄ᬤᬾᬯᬣᬳᬶᬓᬸ᭞ᬓᬮᬶᬂᬤᬾᬢ᭄ᬬᬭᬓ᭄ᬱᬵᬲ᭞ᬬᬦ᭄ᬢᬦ᭄ᬚᬦ᭄ᬫᬵᬫᬳᬵᬰᬓ᭄ᬢᬶ᭟ᬢᬸᬃ
ᬬᬲᬸᬩᬦᬶᬗᭂᬄᬳᭀᬃᬢ᭄ᬣ᭞ᬩᬵᬦ᭄ᬩᬧᬦᬾᬦᬸᬡ᭄ᬥᬾᬦ᭄ᬫᬗᬸᬡ᭄ᬥᬂᬘᬳᬶ᭞ᬤᬤᬶᬩ᭄ᬭᬗ᭄ᬢᬶᬗᬶᬫᬸᬃᬳᬶᬫᬸᬃ᭞ᬮᬲᬸᬢ᭄ᬬᬫᬦᬸᬡ᭄ᬥᬾᬦᬂ᭞ᬢᭀᬳᬶᬫᬹᬃᬓ᭄ᬓᬭᬓ᭄ᬱᬵᬲᬯᬶᬰᬾᬱᬓᬲᬸᬩ᭄᭞ᬢᭀᬢᬸᬡ᭄ᬥᬾᬦ᭄ᬜᬵ
ᬗ᭄ᬭᬸᬲᬓᬂ᭞ᬧᬢᬧᬦ᭄ᬘᬳᬶᬦᬾᬗᬹᬦᬶ᭟ᬘᬾᬮᬾᬗᬾᬧᬦ᭄ᬤᬤᬶᬬᬦ᭄ᬜ᭞ᬓᬩᬋᬗᬶᬦ᭄ᬩᬵ᭠ᬦ᭄ᬲᬗ᭄ᬳ᭄ᬬᬂᬰᬶᬯᬵᬗᬹᬦᬶ᭞ᬦ᭄ᬢᭀᬦᬾᬫᬗᭀᬭᭀᬲ᭄ᬫᬮᬸ᭞ᬤᬶᬢᬸᬘᬳᬶᬓᬮᬸᬕ᭄ᬭᬳ᭞ᬚᬦᬶᬲᬸᬩᬓ
ᬦ᭄ᬢᭂᬦ᭄ᬩᬦ᭄ᬳᬶᬤᬾᬢ᭄ᬬᬭᬸᬲᬸᬄ᭞ᬘᬳᬶᬫ᭄ᬩᬳᬦ᭄ᬧᬵᬦᬸᬕ᭄ᬭᬳᬵ᭞ᬢᬸᬃᬩᬧᬫᬗᬸᬡ᭄ᬥᬂᬘᬳᬶ᭟ᬦ᭄ᬢᭀᬳᬯᬦᬦ᭄ᬜᬫᬤᬩ᭄ᬤᬩ᭄᭞ᬧᬘᬂᬗ᭄ᬭᬸᬲᬓ᭄ᬓᬾᬦ᭄ᬤ᭄ᬭᬦᬾᬓᭂᬦᬶᬩᬺᬲᬶᬄ᭞ᬢ᭄ᬯᬄᬳᬶᬥᬧ᭄ᬜᬳᬸᬮᬶᬂᬫ᭠
[᭓᭐ 30A]
᭓᭐
ᬮᬸ᭞ᬯᬦ᭄ᬢᬄᬧᬘᬂᬗᬸᬳᬸᬕᬂ᭞ᬓᬤᬳᬢᬦ᭄ᬩ᭄ᬭᬗ᭄ᬢᬶᬬᬗᬫ᭄ᬩᬸᬮ᭄ᬳᬫ᭄ᬩᬸᬮ᭄᭞ᬬᬦ᭄ᬢᬦ᭄ᬘᬳᬶᬳᭀᬮᬲ᭄᭞ᬗᬸᬭᬶᬧᬂᬩᬧᬦᬾᬚᬦᬶ᭟ᬓᬾᬢᭀᬧᬗᬡ᭄ᬥᬶᬓᬦ᭄ᬳᬶᬤ᭞ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬂᬨᬮ᭄ᬕᬸᬡᬗᬩᬓ᭄ᬢᬶ᭞
ᬫᬳᬢᬸᬃᬩᬦ᭄ᬩᬦ᭄ᬢᬸᬃᬳᬮᬸᬲ᭄᭞ᬧᬸᬦᬧᬶᬫᬮᬶᬄᬳᬦ᭄ᬢᭀᬲᬂ᭞ᬫᬦ᭄ᬥᬯᬸᬳᬶᬦ᭄ᬲᬓᬤᬶᬓᬳ᭄ᬬᬸ᭠ᬭᬾᬢᬸ᭞ᬢᬫ᭄ᬧᬶᬦ᭄ᬢᬶᬢ᭄ᬬᬂᬧᬵᬦᬸᬕ᭄ᬭᬳᬵᬤᬥᬯᬸᬳᬦᬾᬧᬸᬦᬶᬓᬶ᭟ᬤᬶᬓᬧᬦ᭄ᬢ᭄ᬯᬭᬫᬩᬳᬦ᭄᭞ᬧ
ᬓᭀᬮᬶᬳᬦ᭄ᬤᬾᬦᬶᬂᬲᬸᬩᬫᬲᬸᬘᬶ᭞ᬫᬩᬸᬤ᭄ᬥᬶᬫᬗ᭄ᬥᬲᬂᬭᬢᬸ᭞ᬢᭀᬫᬓᬧᬩᬺᬲᬶᬳ᭠ᬦ᭄᭞ᬫᬗ᭄ᬓᬶᬦ᭄ᬲᬧᬸᬦᬧᬶᬧᬫᬸᬧᬸᬢᬶᬂᬓᬳ᭄ᬬᬸᬦ᭄᭞ᬓᬮᬶᬄᬳᬸᬧᬬᬦ᭄ᬳᬶᬤᬾᬯ᭞ᬥᬯᬸᬳᬂᬭᬶᬂᬢᬶ᭠
ᬢ᭄ᬬᬂᬫᬗ᭄ᬓᬶᬦ᭄᭟ᬓᬾᬢᭀᬳᬢᬸᬃᬲᬂᬨᬮ᭄ᬕᬸᬡ᭞ᬢᬢ᭄ᬯᬶᬬᬦ᭄ᬢᬶᬗ᭄ᬓᬳᬾᬢ᭄ᬯᬭᬧᬶᬳᬶᬤ᭄᭞ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬲᭀᬚᬃᬳᬮᬸᬲ᭄᭞ᬳᬶᬗ᭄ᬕᬶᬄᬤᬤ᭄ᬬᬵᬯᬓ᭄ᬲᬢ᭄ᬬ᭞ᬥᬯᬸᬳᬶᬦ᭄ᬧᬸᬦᬶᬓᬤᬦᬾ᭞᭠
